Immanuel/Emmanuel

Laisiangtho sungah "Nang tawh kong om khawm ding" cih laisiangtho mun 5 om aa "lau kei in" cih 365 vei bang om hi. Immanuel or Emmanuel akhiatna pen Laisiangtho mah in hong genpah aa “EI TE TAWH PASIAN OMKHAWM" cihna hi. “Leitung beidong note tawh kong omkhawm ding hi.” Matt 28:20

 

Banghang in (I) leh (E) tawh kiat kawikawi ahitam cih na ngaihsun ngei hia? Laisiam te’n, “Immanuel pen Hebrewlai pan kila hi aa, Emmanuel pen Greeklai pan kila hi. Hebrewlai ah vowels (e) or (i) neilo uh hi. Hebrew pan Greek ah kam kilet ciang in pau kinai theipen ding in E kizang”, hi ci uh hi. Bangbang ahizong  mikhatbek, “ZEISU” bek mah genna hi aa mituam dang huam khalo hi. Tua ahihman in laimal kibatlohna hang in buaina omlo hi.

 

Emmanuel cih kammal in nanglehkei, leitung buppi ading in bang khamuanna hongpia hiam? Pasian in hih min aphuak sese, bangteng hong gennuam a hitam? Banghang in tatkhiatna ding in "ZEISU" cih min bektawh kicingsak lo in "Emmanuel" cih min phuakbeh lailai se hiam?

 

Hih dotna te tom dawn leng:

• Topa Zeisu eite lakah hong omna pen ihmuh theihloh piangsak pa Pasian, Pasian nunzia leh lungsim ngaihsutna te honglak ding in hongpai hi. (Revelation)
• Satan khutsung pa’n hong honkhia ding in hongpai hi. (Redemption)
• Hongtatkhiat khitciang  pianngei nunzia hong dimkik ding in hong pai hi. (Restoration)

 

Topa Zeisu hongpaina ahang in, mimawh te tankhia ding “ Zeisu” bek tawh  hilo in mihing piankhiatna mun ahi Pasian angsung leh mihing hong kibawl lai aa i neihsa melhoihna, tatsa cidamna, mawhbanglo asiangtho lungsim leh sitheilo pumpi i ngahkik theihna ding tatkhiatna hongpia ding  ahihman in “ Emamanuel” cih minnih pua in mihing in hongsuak a hihi. Tua ahihman in "Emamanuel" cihna in hihleitung aa ei te lakah hongomsuk cihciang bek gennuam hilo in vantung innnuam leh vankhakleh leithak dong hongnusia ngeilo hong ompih den Pasian ahihna hong telsak hi.

 

Tua ahihman in hihleitung pen alamdang mahmah hehpihna leh aa ngimna, tumdangdiak hotkhiatnopna' itna te kilakkhiat na ding phualpi hong suakta hi. Vantung mi te’n lunglut tak in Pasian nasepzia en gige uh hi. Singlamteh tungpan gualzawhna bangci lading  aa mimawh te honkhia ding cih lunghimawh mahmah in munuam mahmah, ngaklah mahmah uh hi. Satan in Pasian thukham pen, "Pasian angsungkhual na" hi ci aa amawhmat pen ki- itna thukham hi ci’a mi khempeuh in ateltheih ding hunkal ngaklah mahmah uh hi. Ahihhang in Satan bel na lau khinkhian hi.

 

Pasian leh Satan kido na'ah thukham 10 siksan in kido uh hi. Satan in Pasian thkham langpan na tawh Pasian do hi. Hih thu thei le' cin Christian nunzia sung ah  khamuanna tampi hongguan ding hi. Satan do na ahi lunghimawhna leh gentheihna mawhzol na te natuak ciang midang te bang in thumthum nawnlo ding hi teh. Job in Satan dona ahihlam thei hi leh thuaknuam tuam mahmah kha ding hi.

 

Pasian thukham pen singlamteh khitciang aa Satan in a do kipan hilo vantung peekpan kipan khinsa hi. Lampi tuamtuam tawh  ih muhkhialh ding hanciam hi. Vantung ah Pasian ki ukna, “ thukham 10 pen zuihhamsa lua, Pasian kiphatsakna leh angsung khualna thukhun hi”, ci hi. Leitung ah mawhna honglut khit leuleu ciang in thukham 10 aneipa Pasian mangnilh zahdong ding in thukham 10 thupi sakmahmah  natawh khem leuleu hi. Tua ahihman in thukhamzuihna pen ki -itna sung ah nuntakna ahihlam mihing te’n muzonawnlo ding zah in hongkhim hi. Tuhun leuleu tak ciang in Zeisu Khazih hehpihna hang tawh thukham 10 beita, kisam nawnlo hi’ ci’n thukham 10 neipa Pasian pampaih leuleu ding in hong khemkhem hi. Pasian leh Pasian lungsim (deihna) khenkhem hi. Pasian min leh avangliatna bek la in Pasian deihna leh nunzia selcip, Pasian gam leh ama dikna, Pasian mahmah theihloh kalin hong nialsak hi. Hih thupen khasiangtho in hong pholak hi. Khasiangtho lo tawh hih thu kitelmuh theilo hi. Immaneul Pasian in hihthusim pholak ding in eite lakah (mihing)  mah bang in hong nungta Vantung biakbuuk pi sung ah hotkhiatna nasem ding in van a kahtoh khit ciang in Khasiangtho Pasian mahmah in eite tawh hongomkhawm hi.  

 

Pasian in ki-itna hi. Mihing sungpan hong  luangkhia ding ki -itna pen Pasian in ki- itna mah tawh ngahnuam bek aa zawhthawh thu tawh laksawm lo hi. Zong la ngeilo ding hi. Mihing bawlpa Pasian in; "ki-itna in ki itna bek mah ngen aa, ki-itna pen ki-it na bek in nungtak sak" ahihna theitel mahmah ahihman in ki -it na leh kiniamkhiatna bek tawh nasem hi. Ki itna bek tawh Nungta hi. Pasian in Moses tungah hong kilat lai in bangmah tham hilo sawlbawk khat lakpa’n kilang hi. Sangpen Pasian kiniamkhiatna leh hongitna Moses in amuh theihna ding a hi hi. Tua bangmah in Topa Zeisu bawngkuang sung lawmlawm ah hongsuak zawzen pen nang leh kei in Pasian itna  ih dinmun niam mahmah ta leh teltak aa ih muhtheih na ding hizen hi. Tua thamlo in mihing nunzia sungah ze-etna namkim thuak hi. Ahizong in mawhna bawllo hi. Tua hihman in Pasian thukham pen mihing te ading in kimangzolo hi cih SATAN mawhmat na "khialhi" ci’n pholak tangko hi. Mihing te’n  Khasiangtho huhna leh panpihna tawh Pasian thukham bang in nungta zolua hi cih “Emmanuel Pasian” ahihna tawh honglak hi.

 

Pasian maiah Topa Zeisu hehpihna leh itna sisan hang in mawhmai na kingah hi ci’a na upna tawh dikna hongpia pa in mawhna leh Pasian deihloh thu te tungah gualzawhna ding Khasiangtho tha hong pialo in om ding a hiam? Pasian thukham te in ki-itna gamtat zia hi cih theia Pasian deihbang nuntak nopna lungsim nei te a ding Emmanuel Pasian in gualzawhna hong koihsak khinzo hi. Tua ki -itna sungah nanuntak mateng Topa Zeisu pen nang ading in Emmanuel hi zo nailo hi. Leitung nuntak hamsa in dawimang pa thaltang in hong kapliam aa sidek, pukdek in na om zong in Pasian  ki-itna sung ah na nuntak nak leh mawhna nazo veve ding hi.

 

Laisiangtho in “Pasian in eite tungah a hong piak khasiangtho hang in Pasian leh ei te a omkhawm ihihna leh Pasian in ei te hong ompih ahihna thu ii thei hi.” 1 John 4:13 “ Pasian pen ki –itna ahihman in itna neilo te in Pasian theilo uh hi” 1John 4:8 Tua ban ah “ Tua ahihman in Khrish  tawh kipawl mi te’ n mawhna bawlnawnlo uh aa, mawhna a bawl lai teitei te pen Pasian a mu ngeilo, a thei ngeilo ahi uh hi. Pasian tate hi a, Pasian lungsim paai uh ahihman in mawhna zong bawlnuam lo uh hi” 1John 3: 6, 9 

 

Isaiah 7: 14 “ … En un nungak khat gai in tapa khat nei ding aa, ama min Immanuel ki ci ding hi.”

 

Emmanuel cih min in ei a ding bangzah manpha na sa hiam? Zeisu cih min bek hilo Emmanuel in Pasian hong itna beitheilo aa na omna peuhah Pasian in hong ompih cih hong thei sak ciat ta hen! Immanuel/ Emamanuel cih min na zak sim in Pasian tawh ki itna "LOVE" sungkhat ah ih nungta takpi hiam?  

 

Khazih sungah na sanggam uh,

Mangpi (Thang Khan Mang)

Miami, USA 

Zeisu suah Lungdam Thupuak

Leitung mihinga minpiang Adam suante khempeuh a dingin Eden huanpan kipan mihing nuntakna lungtang sunga honglut mawhna tawh kipawl asiasa nuntakna pan hong tankhia ding Gumpa Honpa khat hong suakding ci-a taanglai kamsangte genkholhna thute a tangtunna Zeisu- Pasian takpi mihingte sungah Tapa hihna tawh hong suah hun lungdam i bawl ciangin, Pasian a theilo leitung mi mawkmawkte bawlngeina banga bawla zu leh sa nekkhopna, ngualnopna ciang, ki kholhkhopna ciangtawh a bawlte ihihna pan tawmkhat a sangzaw deuh ah kahin, Pasian kiangpan hong pai Gumpa Honpa Mesiah taktak ahihna theihtelna tawh lungdam bawla Zeisu Vantung leitung Kumpi, kilemna Kumpi, a Siangtho Pen Mun Siampi, eite tawh hong teengkhawm a, ei hong uk hong makaih dingin i lungsim takpi leh i nuntakna tawh Pasian mai leh mite mai ah siangtho etlawm taka amuak thei tek dingin i ki lamen hi.

     

Leitung mihingte lakah Zeisu banga a khang a khanga kamsangte genkholh mihing ahih kei leh Pasian dang khatpeuh a om hiam? Gamkhat minam khat sungah Pasian deihloh mawhna nuntakna pan suahtak theihna ding ahun ahun-in lamlakding, Pasian deihna pulaak ding, genkhia ding leh, nasem dingin Pasian kamsang tampi, gamkumpi leh makai mihoih mipha tampi piangzel mah leh, Zeisu tawh tehding mi kua om ngei ahi hiam?

     

Leitung a om biakna, Pasian leh kamsang kici on a sim (millions) tampite sung pan, Buddha te biak Pasian Gudhamah, Muslim te biakna zuih kamsang Muhamad, Hindu te biak Pasiante ahi Radhakrishnan, Siva, Kari,…. cihte a kipan ei Zomite sungpan i neih kamsang Pu Pau Cin Hau cihte khempeuh leitung mihinga minpiang Adam khangpan kipanin Pasian kamsang khempeuh dongin leitung mihinga hong pianzia ding, a min ding, a nasepzia ding tuamtuamte amau pianma taangtawng pan kipan a khang a khanga ki genkhol na za ngei hiam? Zeisu thu kamsangte genkholhna leh tua genkholhnate Pasian in a picin sakna na ngaihsun ngei hiam? Pawlkhat en suk dih ni.

 

1. Leitungah mi masa Adam leh Evi te Dawimangpa khemna tawh mawhna sungah hong tuk ciangin, Pasian koihna Pasian thupiakna leh Pasian ukna Vantunggam zia tawh kidim Eden huan sungah om dingin kilawm nonlo ahih manin huan sungpan hong kihawlkhia in hamsiatna hong tuak aa, Pasian kammal ”Nang hibangin gamta khin na hih manin,….. Nang (Dawimangpa) leh numei kikal , na suan-leh-khakte kikal ah kilangneihna kakoih dinga, amahin na lutang hong sunim dinga, nangin ama khetul na sunim ding hi,”(Piancil 3:14,15) cihna thu Zeisu nungzuipi Lk.10: 17-24 teci panna bangin Zeisu nuntakna ah picing hi.

 

2. Piancil 3:15 sunga ”Dawimangpa suan-leh-khakte leh numei sungpan piang suan le khakte kilangneih ding thu Thuciamthak Gal. 4:4 ”Thukham khutnuaimite tan dingin numei gilsungah hong gai-in, Thukham khutnuai-ah hongsuak a Tapa Pasian-in a sawl hi” cihna bangin Zeisu hong suahna thu-ah picing hi.

 

3. Piancil 12:1-3; 22:18 te leh 49:10 sunga ”Leitung innkuan khempeuh, minam khempeuhte thupha ngahna ding Abraham suan-leh-khak sungpan ngen ding” ci-a Pasian in Abraham tungah a kamciamna thu leh ”Judah suan sungpan piang ding” a cihna thu Matt. 1:1; Gal. 3:16; Lk. 3:23-34; Heb. 7:14-19 ” eite Topa Zeisu Khrist in Judah pawl sungpan hong piangin a tawntung Siampipa hi-a, thukhamin a kicinsak zawhloh a phazaw lametna piangsak in, tua lametna tawh Pasian i naithei hi,” cih Zeisu hong pianna leh nuntakna ah picing hi.

 

4. 2Sam. 7:12 sunga” Gumpa David innsungpan piang ding hi” ci-a genkholhna Matt. 1:1; Gal. 3:16 sunga Zeisu pianna thu ah picing hi.

 

5. Isai. 11:1-10 sunga Jessi phungsung pan hong suak ding a genna thu khempeuh Lk. 3:32 sunga Jessi phungsung pan hong piang Zeisu tawh kituak in picing hi.

 

6. Isai. 7:14 sunga ”Nungak siangtho khat sungpan Gumpa hong piang ding ci-a genkholhna thu Matt. 1:21-25 sunga Zeisu hong pianna thu ah picing hi.

 

7. Dan. 9:24-27 sunga Daniel mangmuhna leh genkholh thu ” Mite leh khuapi siangtho a ding, mawhna leh khialhnate a bei nadingin nipi kal 70 a kiseh aa, tua khit ciangin tawntung thumaanna hong tung dinga Biakinn Siangtho Pen Mun a kisiansuah ding thu, Jerusalem biakinnpi kilam kikna ding thupiakkhiat hun-a kipan sathau kinilhpa hong pai dong nipi kal 7 leh nipi kal 62 ahih ding thu, nipi kal 62 a bei ciangin sathau kinilhpa thumaan lopi-in a kithah ding thu cihte khempeuh Zeisu thuhilhna singlamteh tungah thumaanlopi –a a kikhaina sihna Lk. 3:23ff; Matt. 4:17ff; Mk. 1:5ff kizom suakin simleng Zeisu nuntakna leh hunte tawh kituak in picing hi.

 

8. Isai. 11:2 ” Amah pen Khasiangtho sathau kinilhin om ding a cihna Matt. 3:11,12,16-17 sunga Zeisu nuntakna kituiphumna muna piang thute ah picing hi.

 

9. Mikah 5:2 ah ”Amah Bethlem khua ah suak ding” a cihna thu Matt. 2:1-6; Lk. 2:4-7 sungah picing hi.

 

10. Isa. 40:3f; Mal. 3:1-5f sunga Topa lamsial in Topa hong pai ta hi ci-in lungdamna thu taangko ding thu Matt. 9:35ff pan sim leng Zeisu nuntakna sungah picing hi.

 

11. Isai. 35:5,6 sunga ”Amah in nalamdangte bawl ding hi” a cihna thu Matt. 9:35ff simsuak leng Zeisu nuntakna tawh kituak in picing hi.

 

12. Mal. 3:1 sunga ”Amah in Pasian biakna innpi siansuah ding hi” a cihna thu Matt. 21:12 na sungah Zeisu in sem takpi in picing hi.

 

13. Late 118:22 sunga ”Amah pen ama mite in nial ding uh hi” a cihna thu 1Peter 2:4-7 sungah Zeisu pen amite’n nialin a nilkhiatna thu a nungzuipi Pater in teci pang hi.

 

14. Late 22; Isaiah 53 sunga David leh Pasian kihona leh Kamsangpa Isaiah mangmuhna genkholhna thute Zeisu bawlsiatna leh zahkona namkin thuaka asihna Mate 27 sungah picing takin kilang hi.

 

15. Isai. 53:3 sunga ”Amah mite in Amah nialkalh ding uh hi” a cihna thu Jn,

 

 1:10-11; 7:5,48 te sungah Zeisu Ama mipih minam Judah mite nialkalhna ah picing hi.

 

16. Isai. 53:7 na-ah” A mah mawhsakna a thuak laitakin mawhsak-a a bawlsia  mite mai-ah kamkhat beek paulo hi,” ci-a kamsangpa genkholhna thu Matt. 27:12-19 sunga Zeisu tuahkhak leh gamtatna ah picing hi.

 

17. Late 22:7,8 sunga David genna ” Amah amute in a zahkona, a mukpikna leh a cilphih ding” thute Matt. 27:29-31 sunga Zeisu tuahkhak tawh kituakin picing hi.

 

18. Late 22:16 sunga ”Ama khutpeekte leh khepeekte siktukilh tawh a kikilh ding” thi David kam pan pusuak pen John 20:25 suna Zeisu singlamteh tungah a kilhcipna ah picing hi.

 

19. Isai. 53:12 sunga ”Amah guta mite tawh kikhaikhawm ding hi” cihna thu Lk. 23:33 sunga Zeisu migilote tawh a kikhaikhawmna ah picing hi.

             

20. Zech. 9:9 sunga Jerusalem khuapi sungah lano tuangin a lut ding thu Matt. 21:1-7 sunga Zeisu gamtatna ah picing hi.

 

21. Late 41:9 sunga ”Amah a kholhpih a lawmte khatin lehhekin a zuak ding thu John 13:18-27 sunga Zeisu pen Ama nungzuite sungpan Judah Iskarot in a zuakna tawh kituakin picing hi.

 

22. Zech. 11:12 sunga ”Amah pen sum 30 tawh kizuak ding hi” a cih thu Matt. 26:14-15 sunga kigelh Zeisu lehhek in a zuakna sum 30 tawh kituakin picing hi.

 

23. Zech. 11:13 sunga ” Amah a kizuakna sum 30 pen Pasian biakna tau mai-ah ki pai a, tua sum tawh leibel sekpa lo ki lei ding hi a cihna thu Matt. 27:3-10 sunga Zeisu a lehhekpa gamtatna leh tua sum a kizatna tawn kituakin picing hi.

 

24. Late 34:20 sunga ”Ama guh leh taangte ki sutan lo ding hi” a cih thu John 19:32-36 sungah Zawmah galkapte in Ama guhte a suktan saklohna tawh kituakin picing hi.

 

25. Zech. 12:10 sunga ”A pang kisun ding” ci-a a genkholhna thu John 19:34-37 sunga Zeisu pangpi teipi tawh a sutna ah picing hi.

 

26. Amos 8:9 sunga Leitungah khuamial ding hi ci-a a genkholhna Lk. 23:44-45 sunga Zeisu singlamteh tungpan a sih ciang’ leitungah khua a mialna ah picing hi.

 

27. Isai. 53:9 sunga ” Amah pen mihaupa lo sunga leihawm han sungah kiphum ding hi” ci-a genkholhna Matt. 27:57-60 sunga Zeisu luanghawm a kivuina tawh kituakin picing hi.

 

28. Late 16:8-11 sunga ”Amah sihna pan thokik ding hi” ci-a genkholhna Sawltak 2:24-31 sunga nungzuipi sawltakte teci panna tawh picing hi.

 

29. Thuhilh. 18:18-22 sunga Pasian kamciamna ” Moses tawh a kibang kamsang khat a khansak ding thu” Sawltak 3:18-26 sungah nungzuite in Zeisu tektek mah hi ci-in teci a panna uh ah picing hi.

 

30. Late 110:4 sunga ” Melkizadeek bangin nangin a tawntung siampi na hi hi” cihna genkholhna thu Heb. 4:14-5:10 sunga kigelh bangin Zeisu in tawntung Siampi lian ahihna a nungzuipite teci panna ah picing hi.

 

31. Isai. 33:22 sunga ” Topa pen eite thukhen, eite hong ukpa, eite kumpipa hi-a, eite hong honk hia ding hi” a cihna thu John 5:21-29 sunga Zeisu in Pasian Tapa hihna tawh leitungah misite thawhsakna leh thukhenna nei hi” a cihna ah picing hi.

 

 32. Late 2:6 sunga ”Ka mualsiangtho Zion tungah ka kumpi ka tusak khin hi” ci-a genkholhna thu John 18:33-37 ; 19:19-22 sunga Zeisu tungah thukhenna tawh kisai thu leh a singlamteh tunga kigelh laimal tungah picing hi.

 

33. Isai. 28:16 leh Late 118:22 sunga ” Topa in, keimahin Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ’Hih a um mi-in lungkhamna tuaklo ding hi.’ ci-in kigelh hi.” cihna leh ”Inn lamte in a nilkhiat suang pen innkiu suangbulpi suak khin ta hi.” cihna thu 1Peter 2:6-8 sunga Zeisu thu nungzuite in teci a panna ah picing hi.

 

Zeisu thu kamsangte leh Pasian misiangthote genkholhna tampi om aa, hiciang tawh tutungin i khawlbawl phot ding hi. I thukhupna dingin Isai. 9:6 ” Bang hanghiam cih leh eite a dingin naungek khat hong suak aa, eite tungah Tapa khat hong kipia hi. Ama liangko tungah ukna om dinga, ama min pen, ”Lamdang, Thulakpa, Nopsakna Kumpi,” kici ding hi. Tu hun-a kipanin a tawntungin David kumpi tokhom tung leh ama gam sungah thutan’na thumaanna phutin a kipsakna dingin, lian semsem ama ukna leh nopsakna in mong neilo ding hi. Mihonpite’ Topa deihluatna in hih thu hong tungsak ding hi.

    

Isai. 61:1- 62:12 sunga thute bangin eite tanh ding kamsangpa Isaiah tungtawnin Pasian ii kamciam hongpiak khempeuh i gam leh i minam a ding, i tenna leitung a dingin hong kipia Honpa Zeisu Khrist leitungah hong pai na lungdamna lianpi tawh i muak hi. Hici banga taangtawng pana a kigenkhol mihing, Pasian dang Topa dang, kamsang lian dang leitungah piang nailo aa, zong piang nonlo ding ahih manin Zeisu a muak ihi hi.

     

A telsiam dingin Pasian in thupha hong pia hen la, leitung mawhna pan hong tankhia Gumpa Messiah Zeisu leitungah mihing banga hongsuah lungdamna thupha Pasian teeltuam thupha piak ding thuciamna ngah Abraham, Issac, Jacob-Israel suan, Joseph suan, Ephraim suan ahi Zosuan Zomi (teeltuam Israel) mimal kiim tungah leh leitungmi dang(Jentail mite) a deih mikhempeuhte tungah hong tung ta hen.

 

Pasian Gam leh minamte a ding thungetna Ephraim-Israel Pasian Biakpiakna Tau Siang pan,

 

Rev. Solomon Thawn

Peleg

From: nang khine <tunpi95@yahoo.com>

Peleg tangthu zong Nimrod tangthu mah bangin ka limzakngei kholloh pawlkhat mah ahi hi. Pawlkhat ta' dingin laisiangtho lui tangthu suut sansan hun hinawn kei, hun nunung hita, revival and reformation kisam zaw ci-a, revive gawp khasiangtho baptize ngah gawp, Nimrod hun-a Pasian' piak kamkitukalh kamtuam paunam tawh phitkeei, kuukeei, taukeei-in;  Pawlkhatte leuleu in lah revival leh reformation ci ngutngut, pawlsung buaina ki-el kitot kikhenkhapna Peleg peuh suah thong uh hi. Laisiangtho thak thuciam thak ah hehpihna tawh gupna kingah hun hi, thuciam lui pen thukham 10 zuihna sepna tawh gupna thalawh hun hi cih bang danin upmawhkhen uh hi. Thuciam thak sunga gospel bu teng pen Zeisu ih san leh hau ding, nopsa ding, cidam ding, ding, ding.....promise piakna-in zang uh hi (ih zu mah huankik kulmailo diam). Sawltakte leh Paul lai atte leuleu pen khasiangtho khamna ahi; a kitukalh kuama telpihloh kamtuam pauna  leh healing ministry dingin uangzat mahmah uh hi (crusade a paite bek damsakse sangin hospital ah pai-in damsak zaw leh). Revival leh reformation maan taktak Sawltakte hun a Khasiangtho guah azuk laitakin thu ummi nikhat thu-in tulthum kibehlap hi. Thawhkikni-a pentecost thu ahilo, Pentecost ni-a Topa Zeisu' thawhkikna thu teci pang mi 121 tawh plus 3121 bang pha uh a, they were all with one accord in one place. (honda accord sung hizaw lo-in Noah' Ark sung hizaw) hmm.. Peter' gunkuang damin eeeee.

Thu umte nuntak zia en leng, thu um khempeuh in a neih a lamteng uh zuak uh a, a sumte neikhawmin ki khawlin omkhawmin kuamah in ama neihsa kei a' tuam ciloin lungdamna leh kiniamkhiatna tawh hawm khawm  nekhawm uh hi. Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi. Barnabas sum bang atam penpawl lam hihtuak tham hi.

 

Hihte in Revival ang Reformation ii a gah (fruit) ahi hi. Tui i kiphum cianga pawlpi' thukhun zui mah ning ci-a, khut taklam laam a ih kiciam dan aitam? Hih santak ah hotkhiatna ngahsa (piangthak mahmah) nupa, Ananias leh Sapphira, a neihsa uh pawlkhat zuak uh a, a sumte pawlkhat im-in,....Kha Siangtho khemna tawh thakhatin si-in puksukpah hi. 'Once Saved, Always Saved' doctrine kineisak ten a bangci gen uh tam?

 

Gupkhiatna ih ngahkhit cianga SDA pawlpi sungah tui kiphum pan ihi hi. Gupna ngahna dinga tui kiphum ihi kei hi. Biological SDA te bel atuam. Gupkhiatna thu ih san khit, kua pawlpi in Laisiangtho thu tawh ki tuak pen hiam cih kikan phot a, tua man bekin SDA pawlpi a ki join lingleng bek ahi hi. Ami Asa en a ki suak hilo hi.

 

Piancil 6:5,6. Leitungah mihing a gitlohna a liatna leh mihing lungsim peuhmah a sia ahih ngitngetna thu

Topa in mu hi. Leitungah mihing a bawl pen Topa khial kisa a, tua thu in ama lungsim dahsak hi.

Tusawngteng US gam sungah gitloh haitat hiamgamna kinai pian munlua lawmlawm hi. Movie en a tu dimdem kimlai screen phung pan mipil khat in thau tawh zatlan enteng phialkap ngiingeiii. Rambo taktak ii thaulot pen movie enten 3D aa kisuaksak sa in sound effect nasiangel veh e ci. Christmas lawplua kisa a Mall ah shopping paiteng gansa banga kikap ngeekngeek leuleu. Florida ah mikang khat gas thun ding a gei-a mivom tang val thum in mawtaw sungah rap music ngaihsaklua, tua hang bek tawh kaplup thuak. Azing teh tangval zangdawng khinkhat in a inn ah a tunnu a kaplup khitteh elementary school lamah vagiahno ngai dingin kuankhia leuleu-in 26 taang dingkhawng khilman hihtuak. Khuakhung lampan khua lumna Atlantic ocean aa sehnelsa leh tuilum sunga kidiahnuam pawlkhat Florida a beach munnuam ong manawh pasalno khat tui ong kia. Coastguard pa in va honkhia. A hotkhiat khitlian teh a nasepna pan ki fired lian. Banghang? Ama' tavuan pen tuisung yard tuazah huamciang bek ama tavuan cimawk. Hih lai ah mihing nuntakna leh rules & regulations koi thupi zaw?  Hih bang thupiangte lungkimhuai hetlo-in mul kimhuai thei mahmah hi.

Hun nunung a thupiangte imuh izak teh Piancil lai-a Noah hun ong phawksak kikkik ee. Bang hangin Pasian in Ka piansaksa mihing ganhingte leitung panin ka phiatkhia ding hi, ci napi-in Noah te innkuan suakta sak sese hiding hiam? Genesis 6:8 Noah found grace in the eyes of the Lord. Topa Zeisu ong pian khit Thuciamthak grace hehpihna hun hi a cite in hih Laisiangtho mun a bangci san zen uh tam? Seventh day ten bel thuciamlui thuciamthak cih omtuanlo, tangtawngpek pan tuni ciangdong Pasian' hong hotkhiatna lampi a kibang den hi cih pom uh hi. "Grace" Hehpihna hang bekbek mah aci tanghtangh SDA.

Sabbath tanvai leuleu bel Laisiangtho Pasian' Kammal, Kha Siangtho humuap tawh kigelh ciaatciaat thu le la te khotak a ki bulphuh hi. Revelation 14:7 Van leh lei, tuipi leh tuinak te a bawlpa hong bia ta un, ci-in vantung mi khat nakpi takin kiko hi. Tua pen Moses in zong na gengen ngeikhin hi.

Exodus 20:11. ..ni guk sung tengin Topa in van leh lei, tuipi leh tuate sunga om khempeuh bawl a, a ni sagih ni Sabbath ni tawlnga-in thupha pia-in siangtho sak hi. Pasian' Thukham 10 lak a number 4 th na hi.

 

Nang zong Sabbath ni holy taka na keep ding remember in. Bang hang hiam cih leh,  Vantung mi thum lakah amasa penpa' tangko hi. Sabbath ni tawlnga-in, thupha pia-in a siangthosak van le lei, tuipi leh a sunga om khempeuh a bawlpa kibia nawnlo hi. Remember the Sun to keep it holiday. Sunday phuankhiapa kilimbiak zawta ahih manin Pasian in leitung thu khennuam mahmah ta hi.

Moses leh John a laigelhte uh kihual mahmah uh hi. John in zong Pasian' thukham li na Sabbath ni thu a gennuam hikei ih cithei diam? Kitukalh hetlo uh hi. Definite articles hi. Ataw kigiitteng taih kikkik phapha mahmah dih un. Moses in thukham 4 na thu gen hi. John in zong Moses genteng mah siiksan-in biak ding in ong gen beh hi. Moses a' pen zolna hi-in, John a' pen thukhenna ding hi. Everlasting gospel thu masa in Sabbath thu ahi hi. Thawhkikni-in Topa Zeisu a nungzuite tawh omkhawmlo hi. Zingsang tungin Mary tawh kimusai-in sun thapai ( ) mangthang hi. A nitak ciang bekin thawhkikna thu kikum (worship ahilo) nungzuite kiangah kilak pan hi. Tua ni Monday ong lutta hi. Kalkhat sung sikha bangin om hi.

 

Peleg thu mangngilh dektak hang e.

Zomite mah bangin Hebrew miten zong min aphuah uh ciangin mawk phuahlo uh hi. Tapsak khatmah na neisak hamtang uh hi. Nimrod cihpen rebel, langpang cihna ahih mah bangin Peleg zong 'Khen' giibang khen, 'divided' or 'split' dividing by a 'small channel of water' cihna hi. Apa' phuahsak hiding hiam a pu Noah phuahsak hiding hiam khat zawzaw hilel ding hi. Tuiciin tunkhit Piancil 10 sung ah Noah tapate' suanlekhakte kigelh suk diudeu e, tua lakpan Nimrod leh Peleg ii pianzia kilim at deuhse hi. Adeihna khat om hamtang ding hi kicithei hi. Aneu 25 ah Eber sung panin tapa nih suak a, khat min pen Peleg ahi hi. Banghanghiam cih leh ama hunin leitung kikhen hi. A sanggampa' min pen Joktan ahi hi. Minphuah siam.

 

Tua ahih leh, leitungah continent tuamtuam a omna bang pan ong kipankhia hiding hiam? A kipatcilin Pasian in a khen dimdiamsa maw? Tuiciin tun hanga kikhenkhia maw? America continent a native Indian te koilai pan piang hi-a, Australia gam a aborigine ateng masa meumaute koilai pan a piang uh hiding hiam? Evolution ten Zawng (Monkey) suanlekhak cisop uh hi. Creation um ihih manin Laisiangtho sung en dih ni. Piancil 1:9. Pasian in, 'Vantungte nuai-a om tuite mun khatah kikhawm henla, leikeu kidawk hen ci hi. Leitung leh Tuipi mun khattuak ah kikaikhawm hi. Leitung pen super continent hi. Super Ocean.

Tuiciin tunkhit kum 100, Peleg hundong hici omsuak hileh kilawm hi. Banghanghiam cihleh Noah pen Noah mah hilai hi. Noah pen Peleg in amin kikheklo hi. Tua ahih ciangin Noah hun ciangciang leitung ki khenkhia nailo hi cih kimu hi. 'Ahang' khat aom ciangin min kikhek zelzel. 

Piancil 10:25. Eber sung panin tapa nih suak a, khat min pen Peleg ahi hi. Banghanghiam cih leh ama hun in leitung kikhen hi. Peleg, Zomin pen Gii Bang Khen.

Tua ahih leh Noah' Ark sung pan a ganhing leh mihingte Turkey pan America leh Austrialia continent ah koici tuntheih uh hiding hiam? Leitung kikhenkham nailo hi. Pasian' thupiakna bangin pungin, khangin, tampitak pha-in a lengleng aw, lam paipai aw, a zuanzuan aw, leitungah kithehthang uh hi. Hih pen Pasian deihna ahi hi. Tuiciin beizawh kum 101 ciangin Peleg, Gii Bang Khen leh a naupa Joktan, Kiam ong suak uh hi. Behlephung a kibatloh uh hangin Nimrod  tawh ki khangual le uh kilawm hi.

 

Piancil 10:25 Peleg hunin leitung kikhen hi. Bang hanga leitung kikhen hiam? Ahang khat om ding hi. Nimrod hang zong himai thei. Tuiciin tun zawh leitung kikhenkhapna major geological event kum 101 khit ciang piang pan hi. Damdamin khuahun sia, keek kia, guahzu, ziinling, leikhanna tengah tuipi tui in lampi zong, lei lakah tui vung, tua bangteng tawh Continent golpipi pianlawh hi. Job 38:25 Who hath divided a watercourse for the overflowing of waters, ...hih continent te tui ii khenkhap ahi hi. Alaska leh Russia kikal bang ocean pii nga bek thuk ci hi. Tua manin Eber in a tapa min 'Peleg' a naphuah ahi hi.  Peleg pen tuiciin zawh a khang 5 na ahi hi. Peleg kum 239 nungta hi. Tuiciin zawh a sibaih pen i khanglui pupi ahi hi. Peleg sihkhit ciangin a pa Eber kum 225 bang nungta lai hi. Pupi Noah bel teksih ning cinai deklo-in nungta chiucheu lai hi. Peleg hun ciangin leitung paizia kikhel vat hi. Ama hun a apiang mi peuh mah amah sangin sauvei a nungta zaw kuamah om nawnlo hi. A naupa Joktan, means Lesser, ei' pauin 'Kiampu' phuah hang. Bang hang hiam cih leh, nuntak hun kiam tektek ahih man hi. Bang hanga nuntak hun kiam hiam? Counsels on diet and foods, pg 373 'Sa' kitam neklua leh khuahun kikhelna hang hipi pen hi, ci hi. Leitung lah giibang kikhen, nuntak hun lah kiam tektek, a khang tektek khat om. Bang? Mawhna.

 

Jig saw puzzle bulh bangin leitung gamlim Europe, Africa, America leh Australia kibulhtuah theikha ding hi. A huthetna teng ah Indonesia tuikulh teng leh Philipine tuikulh nono teng tawh huphei, a cianlai teng Carribian teng tawh huknelhgawp leng, tuipi leh leitang original bangin a tuamtuakin omthei ding hi cih peuh mitkha ah geelngei zen ingh.  Evolution ten Noah tembaw sung pan ganhingteng leh mihingte hih America leh Australia continent khawng tunna dingin piang theilo hi. Leitung kipeina dung zui-a amau thu a piang tawmtawm hi cih muhna pomna nei uh hi, Ei Creationist um ten Laisiangtho sungah Peleg (leitung kikhen ma) pianma thamtham-in a natungkhin buangkei ding uh maw' a piangsakpa Pasian' thupiaksa hi ven  ih cithei ziau hi. Tua ciangciang genloh Vantung tuntheihna ding zong digital Map/GPS hoih mah mah Pasian' kammal Laisiangtho neisam hivehang. Peleg hunin leitung kikhen hi, cih ciang bek kithei hi.

Bangci kikhen cih toto bel ong kitamgen nawnlo hi. Laisiangtho sungah mun nih khawng bekah kigelh hi.

Nimrod tausang lam hang zong himai thei. Tua lai mun (Babel) panin Topa in leitung khempeuh ah amau te a thehthang hi. Theihnop vevakeeileh lah vantung tunteh pu Peleg kiangah dot ding himai ding hi.

 

Bang hangin Topa in mite thehthang hiding hiam? Bang hangin omkhawmsak ngeingai peuhlo hiam?    

Big city environment ah bangteng om zawdeuh cih ih theihsa hi. Kawnggak leh savun khedap bulhlo tam mahmah hi. Airport nangawn ah ong kisuahkhiasak tanghtangh hi. Mingongtat ten zong suksiat masak pen dingin ngiim masakin nei uh hi. Revelation bu sungah hunnunung a gimna zong khuapi sungah Babel ki suksiat bangin suksiat ding mah na genkhol hi. Tua man mahin Topa in khuapi sungah tenkhop ding ong awi masalo hi. Tua banah 'language' minam kimin pau namkim neih ding zong Pasian' deihna mah hi cih ding hi. Tenna mun tuam, minam tuam, pau namtuam=Peleg.

Piancil 10:5 Amaute leitangah amau'  kam pau ciat zangin a beh, a minamin a om uh hi. 

Khuapi sunga mingongtat 'gang' ten pau namtuam khat leh sign language neise uh hi. Late 55:9 Topa aw, amau' geelnate suksiat sakin a pau uh kilamdangsak in. Banghanghiam cih leh khua sungah ngongtatna leh kam kiselna ka mu hi.

 

Pasian in Peleg ding deihna pi-in, tuhun mipil misiamten leitung pen khuata 'global' babel tau ong suahta uh hi. Internet hangin kuamah kigamla om a ki ngaihsun lo. Khualzinna zong manlang tektek. Gam khem peuh highway system tawh kikawmtheih ziauziau ding semsem ta. Babel tausang a zawhma uh Pasian in keek tawh a kapzan bangin hih ngimnate a kizawhsiang ma-in leitung kaat leh meikuang in ong kangtum ding hi. Tu-in zong nidang sangin sa tektek zawta hi. Peleg hun, Nimrod hun bang naikei hang a kicithei diam? Pasian in khuapi sunga tending hong awilualo hi. Enoch bangin khuapi sungah nasem ding, tenna in neilo ding cih hun cikciang ding ai'diam?

 

Pu Peleg tawh kisai santheih leh san theihloh, uphuai leh up huailo thu tampitak om ding hi. Vantung tun ciangin Pupi Peleg kiangah ih ciantheihnop thute dong phapha ni. Na min kua ong phuahsak hiam? Na neu lai-in leitungah bang thu piang hiam? Pupi Noah' teembaw zong mu khalaitham niteh maw? cih khawng e.

Banghanghiam cih leh amah zong Pasian tokhom kimkot ah na tu ding hi ven.  Revelation 4:4 Tua tokhom kimkot ah tokhom 24 om a, tuate tungah puanpak silhin kham lukhu a khu upa 24 te tu uh hi. A upa pen Adam hi ding ci leng, upa 24 kua teng hiding hiam? Topa Zeisu' khang thu ensuk leng, Luke 3:23-38. A u pa pen Pu Adam, hiding a, Pu Peleg pen upa 15 na khawng hi. Honpa Zeisu ii pusawn bangzahna khawng hiding hiam? ong gen dih vuau!

 

 

 

Naungek Kepzia - Part 1

Laibu min :    The Disney Encyclopedia of Baby & Child Care

 

Laibu gelh te: Judith Palfrey, M.D. (Harvard Medical School and Children's Hospital in Boston)

                      Irving Schulman, M.D. (Stanford University Medical Center)

                      Samuel L. Katz, M.D. (Duke University Medical Center)

                      Maria I. New, M.D. (The New York Hospital and Cornell University Medical College)

 

Kawl lai in a letpa: Dr. Tin Maung Htwe (Say-Maan)

 

 

                   Walt Disney Company in naupang taa ding cartoon leh datsian tampi bawl uh a, leitung ah a minthang vangvang company a hih lam ih theih sa hi. US gam Hyperion laito pan in naupang te aa dingin a suah tung pan a khang cin dong koi ci kep ding cih tuh laibu bawl uh hi. Tua pen The Disney Encyclopedia of Baby & Child Care hi. Naupang Specialize Doctor a minthang mahmah 4 in a gelh uh ahi hi. Hih laibu sung ah (1) Suah tung pan Naungek te khantoh zia 

 

            (2) Naungek te Madawk Kep leh Khoi zia 

            (3) Naungek Tung-a piang thei nat/thuak na zia leh 

            (4) Naungek Cidam na leh Natna tuamtuam aa ding A pan Z dong encyclopedia cih teng ki hel hi. Hih kong khak ding sung ah bel, " Infant and Child Development,"  thulu teng kong khak sawm hi. Tua sung ah  naungek khat ong suah phet pan kipan in kum 6 aphak dong uh thu ki gelh hi. A thu te pen, Scientific mahmah na pi in, a gelh te laikun pan in cidamna lamsang tawh kisai khollo mipi taa ding tel nop pah mahmah dingin gelh uh a hih man in, zaknop in, sim nop hi.

 

 

Kawl laibu pan kong tei sawn hi a, original a sim kha te na hi uh a, Kawl lai in  a sim kha te na hi uh zongin ka tei khialh na leh a kisam a om khak leh maingal tak in nong puah sak kik ding uh ong thuum nuam masa ingh. Zomi inn kuan, a diakin nupi ciil pawl khat aa dingin phattuamna om simtham dingin lamen ka hih man in, deihsakna tak tawh kong hop sawn kik hi. Nasim man un phat tuam na om takpi ta hen. 

 

Khawk Khatna

Suah Tuung Pan Kha Thum Gual

 

* Suahtung meel leh sa puak zia

* Naungek' khua phawktheihnate

* Ama thu a ong tat-thuk kik nate

* Nu Nawizu piakna leh Bawngnawibung piakna

* Naungek aa ding akisam takpi vanzatte

* Lungmuannang Masak Ding (Safety first)

*Buaihuaina Nei Naungek

 

A Thupi Mahmah Thumasa

Nu & Pa Dinmun Ngah Ciilna

 

Tacil neih hun pen nu leh pa aa dingin lung lawp diipkuat hun ahi hi. Tua bang hun pen nu leh pa ten nau tawh kisai in bangmah tuak ngei nai lo uh a hih man-un, dotnop tultampi a neih laitak zong ahi uh hi.  Kha tawm khat khit teh bek, nau kep zia ding, ahun man, nai man tak-a sep ding dan amau thu in ong sem thei lel ding uh hi. 

 

Naungek khempeuh in amau khan zia nei tek uh hi. Milestone a kici nuihmai, lu phong, khupbok, tu thei cih a ciapteh huai khangcin-nate pen pawlkhat in kinawh takin kaan tan hi. Pawl khat lah kaai hi. Bangbang ahi zongin naungek te ii a kha masa kha thum pen a thupi simtham hun ahi hi. Naungek in midang tung abelh kieukeauh hun pan damdam in belh loh ding kisin hun ahih man hi. Hih hun teng kheng to khin vet leh bel nauno in mi te leh kiim leh paam tawh a kizop zia pen a lang nih tuak ong hi ta ding hi. 

 

A suah cil kha masa lam te ah nu leh pa tawh naungek kikal kizopna ngah nang hun thupi ahi hi. Naungek in bang kisam hiam cih pen theih ding sin hun ahih man in, lungduai in thuak siam kul hi. Na sinsa teng tawh naungek tat zia teng a ki tuak hiam ci-in na et kak ta dihdih ding piang lo hi. A thupi ah bel, naungek na it a, na kin nak leh ki cing hi. 

 

Nu leh pa in naungek kep ding lunglut in lungdam takin hih zo semsem, naungek leh nu leh pa a lang nih aa ding hoih semsem ahi hi.   

 

Lia ,Taang Vonno Ong Muak Ungh

 

Naungek numei no, pasal no, khoi in kep nasep pen a lunglawp huai, a diipkuat huai, a gim huai pi in, ong hi heethaat sak novel khat sim tawh kibang hi. Ta-cil nu leh pa te bang bel akikheel na te aa ding kigin kholhna bangmah om lo ding hi. Naungek aa ding nu leh pa aa ding a tuah ciil uh a hih man in hih sin nate ah, khialhna om veve ding hi. Na nauno pongman nawiteep, ihmut cihte pong man a neih ma in, sun leh zan akhialh akhel kik ma in nu leh pa'n sepdan kepdan te hi zelzuul lai tadih ding hi.

 

Tua hun laitak in, naungek aa ding kep dan khawng a man ngap tam ci in na lung hih mawh ding hi. Sepdan bawldan te hi daan mah ahi tam ci in na muangmawh kha ding hi. Na tua cih khak leh patau gawp in siavuan pi te kiang lah pah daidai ding kul lo hi. Naungek no ten lungsim puakzia, sandan tuamtuam nei uh hi. Pawl khat a daih hiithiat hang, pawl khat ki bawlbawl thei hi. Na nauno a hi hiithiat lungsim puakzia ahih leh nasep nabawl dan baih ding hi. 

 

Tua bang hun teh, nawi piak hun a kipan, nausial zia, om zia dongin na kiang a ten ong hilh ding uh hi. Pawlkhat bel tu dong mah aki zangzang thei lai ngeina kikep zia ahih teei hang, a tam zaw pen ahi lian tak hi khol lo thei zaw hi. Science tawh kisai ngaihsutdan hilhna hi lo hi. Khang thak vai nawn lo hi. Tua bek tham lo in, nang leh na nauno aa dingin akhial pi-a ngaihsutdan hilhna zong hi thei ngel zen hi. 

 

Tua man in mikim piak ngaihsutdan teng na kawi zuih sangin, a nuai a bangin zui-in, nang mahmah in khensat in sem in, ci-in ong hanthawn nuam ingh.

 

Tua pen bel naungek ii ut te na theihtheih nang hanciam in. Gentehna, naungek suak tung khat aw suak in awng, kap cih te pen, a gil kial hiam? A zun kawt hiam? Ek baang hiam? Cih na khen theih ding hanciam ding ahi hi.

 

Tua bang a naungek ong lah zia leh tong te na theihtheih nang na hanciam tuung lam in, na theih dan khial kha thei hi. A hih hang damdam in ong nuam toto lel ding hi.

 

A Kaal Masa Te

 

* Suah Tuung Meel Leh Sa Puak Zia

 

Na ta pasal, ta numei na sit tel ciangin anuai a te na kin kul hi.

 

A Lai Gui

 

A suak tung naungeek ii lai gui tawng pen a suah zawh ni 10 pan kaal tawm no sung in ama thu in pulh khia lel ding hi. A kiat baih nangin hanciam se ken. 

 

Nausuak sak syama a hih keh nurse khat peuh in a lai sil zia ong hilh ding hi. Spirit na pap sa pat siangtho bekno khat tawh a lai pen na zut sawp ding hi. ( A lai bul sawp masa, lai dawn sawp nih na, lai kiim- gil tung sawp pan ding- lai tei pa tuah thu). 

 

Lai kisiat loh nang daalna in tawdap bombi ( Diaper) na zat leh a lai tawh a ki suk khak na ding mun ah a vang no khat bawlsak tawm huai hi. Tawdap bombi a mai lam pen, lai nuai ah khepsuk sak le cin zong ki ngah hi. Nau tawdap tawh na tuam leh zong a lai na suk khak loh, na net khak loh dingin ki dop huai hi. Lai pan in si tam a luan leh, a lai bul kiim vun te a san leh, a bawk leh lungno lut a hih manin siavuan te lah ding ahi hi.

 

A Vun Meel

 

A suah phet in naungek ii pumpi tung Vernix a ki ci, akang khal, a thaau khal tawh ki vuk thei hi. Naungek pawl khat ii nungzang ahih keh liangko tung ah mulneel asah thitheuh akual in kaal khat bang om thei hi. A cidam naungek suak tung te' vun mel pen vunmel-in-san a akual te zong om thei hi. Tua pen sisan luan zia kician nai lo a ziakai, pawl khat te ah ki vung lai a hih man hi. A suak cil naungek tampi tak a vun uh ton thei hi. Pawl khat bang a vun keu in ki hok thei lai hi.

 

A suak ciil naungek te vun pen naipaak thei pahpah hi. Tua pen Jaundice ( a ta wa ) piang hi ki ci hi. Sisan a-tui-san kitapna pan ong piang a hi Bilirubin melpiangsak na namkhat hangin a naipaak ahi hi. A dang hangin naaipaak ahih kei nak leh hih melpiangsak na pen naungek pumpi in ama thu in hepkhiat sak hi. A vun naaipaak a uat luat leh siavuan te lak in a si sit sak huai hi. Sisan sung ah Bilirubin bang zah takin tam cih theih nang a hi hi. ( Kawlgam ah bel si et sak sang siavuan ten mit-et in a tuahngei thu tawh khensat na tam zang zaw hi. Dr.TMT) 

 

Bilirubin a tam lut leh naungek pen Ultraviolet kici khayaanlun dat nuai ah ni 1, ni 2 khawng koih kul hi. Tua teh Bilirubin pen pumpi in a laak khiat na man laang sak tuam ding hi.

 

Pianpih Ciaptehna

 

A suak cil naungek te' pumpi tung a kimu thei ciaptehna te min lamdang a pia om hi. "Sahang peh" cih (lu, mai, gawl tung a paakmel a pawl a om te). "Moongolian Ma" cih (nung zang, taw tung khawng a ki mu thei akang khawkpi te). Hih bang te pen nau ong gol tawh ki zui in damdam in mangthang lel thei hi.

 

A nu gil sung a om lai in, naungek te in a khutpi uh, a hih keh a khutme te khawng a kam uh tawh tawp thei uh a hih manin a saibawk piangin, khat veivei a sa phual thei hi. 

 

Ong pusuah in a suah na kuahawm ah a sawtsim naungek te mai tang pen, dumdup thei hi. Tua bang vun te pen ni sawt lo in bei mang hi. A hih hang naungek lu pen tawn peupau in, peek dehdah khawngin ong suah leh a ngei a bat kik nang ni tawm vei mah sawt thei hi.

 

Pawl khat suah pih ciaptehna te pen a tawntung a om suak thei hi. A suah cil a om ciaptehna te pen, om suak ding om suak lo ding cih ki gen khol thei lo hi.

 

Lu Tang

 

A suak ciil naungek te lutang sau zah pen apumpi sau zah ii seh li suah seh khat pha hi. Khangham te aa tawh teh leng tam zaw pek hi. Naungek lutang koi bangin a om zong, a lu liam baih deuh leh ki lawm hi. A siip ah alu guh te kipeh nai lo ahih man ahi hi. A siip ah a khuak adal ahi a special cial khat om hi.A sung a a liam theih nang panin dal zo tham lel hi. Tua man in tua mun tung, luvun tung sawp siang nang lung nuam tak in kisem thei lel hi.

 

A suak cil te pen a ngawng uh kip nai lo hi. Tua manin, ama thu in  a lu phong zo nai lo hi. Nau na dom teh a lu leh a gawl pan kop in na dom kul ding hi. Nau ngek a lusu suk khak, a ki pei khak hang lau kul lo hi.

 

A Numei Pasal Van leh A Nawi Te

 

A nu ii hormone pen a nau suah ciangin sang lua a hih man in, pasal ahi a, numei ahi zongin asuak tung te nawi leh numei pasal van te gol thei hi.

 

Numei no te' van te ah sisan them bang luang niingniaang cih zong ki mu thei hi. Tua pen angeina hi. A sawt lo in kam ding hi.

 

Amasa Pen Nawizu Piakna

A suak cil naungek pen anu' nawizu piak ding hoih pen hi. Anu nawi ih piak ding leh amasa in ahoih ding kisam hi. Nu gil sung pan ong pusuah khit teh lol tak a piak pah ahoih pen hi.  A suah zawh ni tawm vei sung a ong pusuak a nu' nawizu pen tuisik bangin siang hi. Nawizu cil ci ni. Nidangin bel tua nawizu cil ah tha piang sak atam lam ki thei lo hi. Ahih hang ama thu a apiang tua nawizu cil sung ah a tui dat, tha dat ki kim takin a ki hel ban ah galdalna system ii natna lut zawh loh nang dalna vante ki hel ci in ki thei ta hi.

 

Asuak ciil naungek te pen, a suah khit ni masa lam in tha dat tampi a kisap khol loh hang tui dat leh nu nawizu pan a sawn in ki ngah thei natna dal dat ngah ding ki sam hi. Naungek khoi leh kep zawh nitampi ong sawt teh bek nawi piak hun ong man ding a, naupang gol in a khan nang kisam tha dat zong ngah ding hi. 

 

Nu' nawizu a hi a, nawibung  na pia a ,a nih tuakin a hi zongin bang hun in pia ding cih pen naungek khensat sak ding hoih pen hi. A huampi in gen le hang, a suak ciil naungek pen nai tawm veivei asawt sial in nawi piak ding kisam hi. Naungek pawl khat leuleu pen nawi duh pahpah uh hi. A hih theih lai teng naungek pen a nu inndei sung a koih huai hi. Zato te, nausuahna inndei te ah, naungek pen a nute tawh koih khawm kha ding cih khawng tu lamteh kizang ta hi. Tua bangin ih koih na hangin nawi piak hun pen nu leh pa in ih sehsak sangin naungek a gil akial teh tepsak theih na ding naupng pen ama thu-a nawinek hun a sehsak ih suak hi.

 

Zato ah nau ih suah leh a zenzen in zato te thukhun te in hih banga hih ding ong khak tan leh tung siah te tawh kiho in ki ngen thei ding hi.

 

Nawi bung tawh nawi na piak leh asuak ciil taa ding aki lim bawl nawimuk te zat huai hi. A tam zaw ah sai a ki zuak naimuk te a vang golpi hi kha thei ahih man in, a van ki bawl nai lo te ei thu in lei in, a vang hoih bek dingin phim tawh ih vut vang kul ding hi.

 

Inn ih tun tawh teh nawi piak hun damdam in ong ngeina semsem ding hi. Tua bang hun ciangin nau a kah teh akah sialin nawi duh hi khin den khol lo ding cih ki dawm in. Naungek pen a gim leh, a kisial dan khawng nop a sak kei leh, ahih keh angeina sangin a valin a ki phawn leh kap thei hi. A thu dang khat pan in ah, naungek pen a huh hi ta napi, nawi piak hun tung ta na pi, nawi a tep nop kei leh, gtn- nai 3 bang ki hal keei ta in nawi a tep kei leh a nu leh a nau aa dingin buaina hi thei tham hi. Anu a nawi gau lua ding hi.

 

Nawi piakna vai a lem nang in athupi ah naungek nawi kham tak a tep khak ding leh lem tak-a a tep theih ding ahi hi. Naungek in nawi tep dingin kiging khin ahih lam leh nawi kham ta ahih lam a lah lam anu in a theihtheih leh nop pan ding hi. A ngeina seh ma un a nu leh a nau aa ding a lem khit loh lam a tuah ding mah uh ahi hi.

 

Nawi piak zia gen ni ci leng, nawi a lang tek pen minit 5 ta bang piak ding kisam hi. Damdam in ah, cikciang nau in nawi duh ding, bang tanvei bang tep ding, cih te a nu in ong seh thei to ding hi.

 

A cidam naungek pen a gihna amanlaang in ong kah hanhan ding hi. A hih hang tha khat thu in hi khol lo thei hi. A tatak in a kaal masa ah a gihna kiam kik ek thei hi. A tui danin kiam ahi hi. Kaal nih na a tung dong akiam sa agihna dim kik lo ding hi.

 

Nawipia nupi khempeuh in nau in nawi khat vei a tep teh bang zah bang tep uh cih gel thei lo uh a hih manin ka nau in a nawi a kham ngap tam maw, a ki ciang tam maw, ci in lung himawh thei uh hi. Naungek in a hun manman in tep in, nawi a tep khit teh nawi kham dan in om a, a lungkim danin na muh leh tua pen nawi kiciang ci in ki genthei hi.  A hoih pen bel, naupang ii khan zah pongman in ih teh ding ahi hi. Cih nopna ah kha khat khat vei pound ki teh, ban tuuk teh cih dan ahi hi.  A khan dan angei abat det leh, nawi piak, nawi tep na te kicing cihna ong lak hi. Naungek zun leh ek zong angei bang, bang lo cih pen a tawdap ni khat 6 vei pan 8 vei ciang ih khek khak leh a pongman hi.

 

A Suak  Ciil Naungek Kep leh Khoi Na

 

Zato ahih keh nausuahna pan ciah lam ah nurse te in a nu kiang nau nawi piak zia, nau sil zia, leh a tawdap khek zia hilh ding hi. Siavan te kiang a lah huai din-mun zong hilh ding hi. Siavuan a hih keh akivadiak naungek siavuan na tel ding leh tua siavuan pen a siamthap kul ding hi. Na kiim na paam ah a om zong ahih kul hi. A mi mahmah zong na theih hi leh hoih zaw lai hi. A nu te zong a suah khit uh teh akivadiak OG te tawh akisam bangin lah ding ki lawm hi. A suak ciil naungek pen bel a suah zawh kaal nih teh akivadiak naungek siavuan tawh lah ding hoih pen hi. Tua sang kin lah ding a kul leh lah ding ahi hi.

 

Naungek ii nopsak na leh lungdam nang in koi cih leng hoih ding hiam cih pen a nu in damdam in tel toto ding hi. Naungek te pen khat leh khat ihmut zia ahi a nawi tep zia ahi zongin kibang lo uh hi.

 

Nu leh Pa te' Tawlngak Hun Ding

 

Naungek suah zawh kaal masa lam in, nu leh pa pen tawlngak ding mel thei lo in, naungek bekbek tawh hun bei thei zaw uh hi. A nu aa dingin bel a pumpi tawlngak ding bek sang val zaw lai hi. Lungsim liinglawn na,  kah na, dah na cih te piang thei zel hi. A gai kawm sa in hormone kikhel hi. Tua te pen hormone ki khel hang hi. A zenzen in a nu pen a suah zawh kaal khat sungin a lungsim a kia danin a om paisuak leh siavuan tawh ki kup kul ding hi.

 

A suah khit kha masa tung teng in nu leh pa ihmut cimlo uh hi. Tua bang hun ciangin sep loh a phamawh inn na te lo buang adang inn nasep te mangngilh bawl lel in. Tua ahih keh inn kuanpih dang te, lawm leh gual te, veng leh paam te kiang ah huhna ngen in. A zenzen in naungek aa ding sep ding a tam mahmah phial zongin tawl nga zelzel in. Lampi ah pusuak in la tawmvei bang lam siau in.  A zenzen in na naungek a ci dam loh na khat bang khat aneih leh inn ah ong khoi pih ding nurse ahih keh zato lam syama ahih keh inn teng khat peuh tawh ki huh sak in. Naungek pen ni khat khit ni khat thu ong thei ding a, hat in khang ding hi. Naungek pen nu leh pa, beh leh phung, pi leh pu, lawm leh gual te'n lamdang a sak zah khop in theih tel hak phial a ong khang pak ding hi.

 

zop lai ding . . . 

 

Khambawi

Thu lamdang pi khat hi mawk

Dear U Mungno leh Laisim mimal khempeuh,

 

      Dotna te leh dawnkikna te tampi ka etkikciangin, ei mimal tampi in thuman taktak ki lungulh ciat a hihna ka mu thei a, tua pen Khasiangtho hong lamlakna ahi hi. Pasian in,  ki lawmsakna tawh amin in biak lellel pen deih ngiatlo hi. Pasian in thuman thutak tawh ibiakding deih hi. John 4:24. Mihing lel te bawl tawm ngeina thukham "Sunday" khawng tawh biakding deihlo hi. Matt 15:8, Mark 7:8,9 I biakna, i pawlpi ciat in, Pasian thupiak thuman thutak ahi a thukham te, LST khuavak taktak te inei hiam? Ahih kei leh i pawlpi in, Pasian thukham i hepkhiatsak aa, mihing phuah tawm Sunday leh A dangdang te tawh Pasian lungkimsak zo ding in, i kituat lailai hiam?

 

1. LST Thumaan awlmawhlo na hang:

 

Christians scholars leh Pastor mipil tampitak te'n, LST thuman awlmawh nawnlo aa, man hetlo cih thei gegu napi, a tamzaw cih zui le uh, nuam sazaw uh hi.  (Hebrew 10:26) Thu manlo cih thei gegu napi,  tua a manlo pen mah i zui teitei te leh, mawhphelna om nawnlo hi. A tamzaw zuih pen, thuman hiding hi acih om hi. OT sung enleng, thukan ding apai 12 lakah Joshua leh Caleb bek Pasian deihna bang mu in zui uh hi. A dang 10 i muhna a zuih uh man bek in, gam lah ah sigai uh hi. Noah hunlai zong, mi 8 bek ki gumkhia hi. Thuman aza mi tam ding aa, a zui mi tawm ding hi. Pasian i agupkhiat dingte pen, thuman khuavak a zui mite bek hi.

 

Laisiangtho in, "the truth shall set you free"  John 8:32 ci napi tu hun christians tampitak te'n, LST thuman awlmawh nawnlo hi. Mihing bawltawm ahi, Sunday biakpiakna ngeina te, Christmas te, easter sunday cihte peu thupi sak mahmah aa, Pasian thukham sung a om ni 7 sabbath ni Pasian leh a tate kiciaptehna ni pen, hepkhiatsak zaw mawk uh hi.

 

2. Mipil te a maizumsak dingin, mihai te katel hi:

Leitung pilna a nei philosopher, theologians, pastor, scholars te un amau pilna suang ahihman un, LST sung aa simple tak in, thuman a kigelh khat zong, thuman in mu nawnlo mawk hi. LST sung a om hetlo, zuau thuteng, thuman thutang in sang zaw ta uh hi. Zeisu suah lai in, tuucing te pen, leitung pilna neilo te hi. Sun tawh zaan tawh Zeisu hong paiding thu ki kum in, nungta uh hi. Vantungmi te un, amau lungsim siangthon, ki niamkhiatna mu ahihman in, Zeisu hongpai na ding lamlak aaksi te musak hi. Bethlehem khua ah Zeisu asuahding thu zong hilh pah hi. Tua aaksi te pen, vantungmi te ahi hi. Eizong lungsim siangtho leh ki niamkhiat tak in, Zeisu nung izuihnop aa leh a thuman hong ki musak, telsak ding hi pan hi. Zeisu hong pai lai, pharisees, saducees laithei mipil te un, a  pilna suang ahihman un, Isaish laibu sung, Zeisu hong paina ding tampi simsim mah ta le uh Mesiah suak khin napi, mesiah hong pai lai ding cici lai uh hi. Zeisu pen mesiah ahih lam phawk peuhmah lo uh hi.

 

Tun zong, scholars, Laithei leitung christians tampi  te'n Zeisu pen Sabbath i Topa ahihlam, simsim uh napi, Sabbath ni pen, Zeisu i Nipi Siangtho ni a hihlam phawk kha peuhmah lo hi. A mit uh kihong thei peuhmah lo hi. Mitza kisam pha mahmah lai uh hi. (2 Thessalonians 2:11) thuman a muh theilo nading un, amit kaselsak ding, zuau thu ka umsak ding hi, Pasian in cilai hi.

 

3. Gam makai, Biakna makai te Dawi in zatpi in zangh:

Biakna makai Pope te, Gam makai Constantine te dan, leitungmi thunei tampitak Satan/Sapi in zangh in, LST thuman selcip sawm hi. RC makaipite te thahat penpen hun, Dark ages ci in a kiciamteh, kum 1260 sung tengin, AD 538 - 1798 kikal, R.C pawlpi pen Satan/Sapi khutzat in hong diang khia aa, LST thuman tawh a nungta misiangtho te million 6 bang hong that uh hi. LST simtheilo, let khia theilo ding, sabbath Pasian Nipi Ni tangtheilo ding, tui kiphum kik theilo ding etc. ci in, mite bawltawm thukham tampi tawh Christians te hong uk a, Pasian thukham hepkhiatsak uh hi. Christians te bawlsia in that ziahziah mai uh hi.  

 

Roman Catholic Christian te pen,  biakna makai pite ahi hi. Dawimangpa in zatpi in hong zangh hi. Mipil tampi RC sung ah om hi., tua ten LST  thuman amu a om uh hangin, thuman a selcip nuam Satan i zat tamzaw hi.

 

Dawi mangpa deihna tawh thuman selcip un, LST simte  kithat  phial ta leh khamzo nawnlo un, piangthei nawnlo ahihman in, Dawi in a tactict hong khel kik aa, LST sung, Sabbath thuman te hong selcipsak zel hi. Sunday ni LST sung ah Nipi Ni ci ngei hetlo pipi, Sunday ni p en, Pasian Nipi Ni khawngin, mi tampi in na musak zo mawk hi. Zolai  siangtho a teikhia pa, Sya Kam Khaw Thang na ngawn i lungsim pen, Satan in hong kawmsak pak khamawk lai ahihman in, Ni Masa Ni- the first day a kicina mun khempeuh te ah,  Matt 28:1 khawng, Ni Pi Ni - ci in hong letkhiat ta hi.

 

A hihang in, Pasian in, Zomi te lakah thuman ki selcipding deihnai samlo ahihman in, Pasian in, Dr. Chin Do Kham hong zang leuleu in, Zomite lak ah LST Hilhciana laibu tawh, ni Masa Ni pen, Ni masa Ni mah aa, mantak hong kigelh kik hi. Sabbath ni te zong Isaiah sung ah sabbath ni mah, Pasian Nipi Siangtho mah in hong gelh kik hi. LST kamal na behlap leh nang tung ah gimna hong ki behlap ding aa, LST kamal na lak khiat leh nuntakna laibu pan, namin hong kila khia ding hi acih pen, Sya Kam Khaw Thang in sim kha ngeilo ahi tam maw ci in, ka ngaih sunsun. Leitung aa a dam lai in, Zomi mipi te leh  Pasian tung ah thuumna  bawl kik leh lungnop huai khading hi.   

 

Noah hun khitciang , Satan in, oppotunity aneih masa pen hun - Leitung khempeuh a uk Nimrod hong zang pah hi. Leitung pen, Dawi khutsung koih gai sawm. Sunday Ni Pasian hong bia pah. Hong pai suk suk in, Roman Christians te hun leuleu teh, Constantine pagan biakna a thahaat penpen pa khat, Christian hong suak kheem in, Christian khempeuh in- Ni Pasian Pahtawi ni, Sunday ni hong biasak. Pasian i koihsa Sabbath pen phiatsak hi. Christians te lutang ahi Pope mahmah in zong, Sabbath pan Sunday ama ut thu in khel hi. Tua pen, Satan zat hi pah hi. Leitung aanaa a thunei penpen te Satan in hong zangh denden hi. Biakna lam makai te hi ta leh LST let te hi ta leh LST kamal bang pen, apeeng thei penpen ding, thuman a bei thei penpen ding in Dawimangpa in hei ziauziau hi.

 

Sia Kam Khaw Thang, lungsim bang Dawi Mangpa in hong kawm ziau aa, Tedim Laisiangtho sung ah, Ni Ma Sa Ni ci in, a gelh ding kimlai - Nipini cimawk hiau hi. LST in, ni masa ni, Sunday ni pen, cihmah hun in, nipi ni ci ngeilo hi. LST nipi ni pen, Sabbath ni bek hi. Ezekial 20:20 Pasian leh a mite kiciaptehna ni ahihman in, SATAN in zadah mahmah hi. Mihingte kuamah in zuikei leh deih hi. Pasian in, Dr. Chin Do Kham lungsim hong kawmsak leuleu aa, Tedim LST hilhciana tawh a kithuah hong bawl takciang in, Sabbath pen, Sabbath mah in hong gelh aa, ni masa ni pen, ni masa ni mah in hong gelh hi. Sia Kam Khaw Thang dan in, ni masa ni pen Nipini peuh hong ci ziau nuamlo aa, LST thuman pen, athuman bangin hong gelh kik hi.

 

Leitung Biakna lam aa, scholars tampi tak un, LST thuman lungulh loh ahihman un, Pasian in zong a mai humsak hi. Muzo lo sak lel hi. Thuman a lungulh te un bel amuh kul hi. Billy Graham bangin, Sabbath thuman amu zong om veve hi. Tua ten, thuman sang, thuman lo tawh mipi tampi in, a nungzui ziahziah leh ut zaw zel hi.

 

Abel in, Biakpiakna man tel hi. Cain in biakpiakna ama ut thu in bawl a, Pasian sawlna nawl khin hi. En ei mihingte ut thu ibawl Sunday tel ding maw, Pasian hong koihsaksa Sabbath telding. Joshua in bel, kei leh ka innkuan pihte un, Pasian mah katel ding ci hi ven, ei Christians te'n Pasian leh Pasian deihna mah itel sawm ding hiam? A hih kei leh, Satan/Sapi/Nimrod/Paganism/Baal Pasian biakni ---- Sunday ni mah iteel teel lai ding hiam?

 

Tu laitak in bel, mikhempeuh tung ah, guah tui leh nitang a kibang in, hong ngahsak lai hi. Sunday law hong pian ciang in, Pasian in Sabbathni siangthosak lo te khempeuh tung ah gimna nam 7, mangmuhna sung agen hong buaksuk ding a hi hi.

 

Gupkhiatna thu isaan gai hangin, Pasian in, a thukham 10 tawh mi khempeuh - hong sitel denden hi. Zeisu it maw, um maw, theimaw, zuimaw ... ahih kei leh kampi bek tawh maw.... Matt 15:8 cih pen, tu laitak inuntak lai tak mahmah in, thukham 10 tawh thu hong kikhen khen a hi hi. Tua pen, investigative judgment kici hi. Zeisu vantung biakbuk ah siampi zaa aseplai tak ahi  hi. Ni sim in, thukham 10 tawh sitelna ki thuak den hi. Ih mawhna te i kisiik kik sial in, Zeisu in a sisan tawh hong sawpsiangsak pahpah hi.

 

Mawhna pan, kisiik kikna ineihlo khak a om khempeuh hong sawpsiang sak thei lo. Thuman mu napi, izuih lo te zong, mawhmaisak na om thei lo. Sabbath thuman mu napi a zui nuamlo te aa ding, mawhmaisakna om thei lo. Zeisu sisan in sawm siangsak zo lo hi.

 

Pu Tong Seal

Nimrod icih a bangci mi - Sunday holiday kipatna - Baal, Babylon, Paganism

Nimrod i a khiatna pen, rebel/langdo pa, Pasian langdo pa cihna hi.

 

 

Nimrod pen Noah i tu salawn / sawn pa khat hi. Noah in ta 3 nei in, Sham, Ham leh Japhet ahi hi. Nimrod piana pu pen Ham hi. A pa min pen Cush hi. Genesis 10: 6-10 Nimrod in ama hun lai in, leitung ama bat zawh ciangciang ukgai hi. Babel tower lam hi. Babylon khuapi, Nineveh khuapi a phuankhia pa hi. Noah te Ham te i Pasian bia nuamlo in, Satan biakding a pan khia pa hi. Ni pasian/Sun God biakna nasetak a phuan khia pazong hi pah hi. Babylonian te Ni bia te hi aa, Nimrod thahaat lai aphot khiat ahi hi. Mihing khempeuh Pasian langdo sak pa ci in Pes. 94 b. talmudic literature sung ah kiciamteh hi. Baal pasian biakna LST sungah a kigen pen, pagan biakna te i Ni pasian biakna pen tawh a kibang hi pah hi.  

 

Abraham suahding azaak ciangin, pasal khempeuh thahding order pia in that ngekngek sak hi. Abraham pen suanghawm lah ah a buk kul hi.

 

Christmas symbol X pen Nimrod i Symbol pan a kila:

X - symbol pen, Nimrod i symbol ahi hi. Withcraft icih dawi biakna symbol in a kizangh den hi. Tu hun ciangin, mi tampi te'n X pen Christmas a tom gelhna un zangh uh hi. A khiatna taktak pen Nimrod pawi bawlpina cihna hi. "to celebrate the feast of Nimrod." Double X ... ahih kei leh XX i akhiatna pen, "to double cross" mi lehheek, Satan khutsung aa mi lehheek cihna hi.

 

Simiramis leh Nimrod tapa khat neikhawm: incest tabo zangh

Nimrod i nu min pen, Simiramis hi in, a nuntak lai hun in leitung aa numei a mel hoih pen in, kiciamteh hi. Simiramis pen kumpi nu zong sem hi. Nimrod ahi a tapa tawh tano khat nei in, amin zong Tammuz ci hi. Tua a tapa suakni zong December 25 ahi hi. Ni Pasian tawh a tahi ci un, Tammuz i a suahni December 25 pen Babylon hun in, pawipi kibawl ngekngek hi. Babylon te biakna ahi Ni Biakna pen zong, Paganism ahih kei leh Pagan biakna kici hi.

 

 

 

Babylon, Paganism, Nebuchadnezar te omna phualpi ahi Iraq gam:

Tanglai aa Babylon gam icih pen, tuhun in Iraq gam teng na hi zel hi. Nebuchadnezar te tena khawng zong, Iraq gamteng na hi a, Daniel leh a lawmte teng zong, tuateng ah nateng, na tualta ngei cihna hi. Biblical scholars te muhna ah Noah tate 3 ahi Shem, Ham, Japheth te suan le khak pan in, white caucasion mikang te, African te leh Mongolia minam te ci in nampi 3 in hong kakhia hi ci uh hi.

 

Pagan biakna icih pen, Ni Pasian biakna ahi hi. Nimrod hun in a biakpi pen Ni pasian hi. Tua hun in, Nimrod pen leitung aa kumpi thahat pen ahiman in, Satan, sapi in amah hong zangh pah hi. Pagan biakna a hi Ni Biakna in, ama uksung teng hong zelh pah hi. Lei leh van apiangsak pa, biakpiak ni ni Sagih ni pan lampial ta uh hi. Tua ahihman in, Babylon biakna pan, hong pusuak un Rev. 18:4 ah ci ngiat hi. Leitung siantholo na khempeuh pen Babylon in limla khinta hi.  

 

Rev. 18:4

⁴ Then I heard another voice from heaven saying,

“Come out of her, my people,
so that you do not take part in her sins,
and so that you do not share in her plagues;

 

Nimrod pen, Ham i tuu hi in, ama hun lai Japheth i suan le khak ahi, mikangte gamsa ben in, beng aa a sa zong ne hi. Tua bangin, a gamtat ciang, thahat semsem ding in kituat hi. Canibalism kici mihing sanekna pen nasetak in Nimrod hun in zangh hi. Pasian deihlo mahmah aa a gamta pa kici hi.

 

Japheth = Caucasian race/mikang; Shem = Mongoloid race/Asian; and Ham = Negroid race/African. Ham i tapa neu pen, Cannan hi in, Noah in a pa Ham a samsiat taangin, Ham i tapa neupen ahi cannan samsia hi. Ham leh Cannan in, Noah lengah zu kham sa a, a ihmut laitak in, na hoih hetlo khat, Noah tungah bawl hi thei khading hi LST siamten ci uh hi. Ham i tapa Cannan suan le khakte pen Sila suak hen ci in Noah in samsia hi.

 

Shem leh Japheth in, apa Noah tanguah pen nunglam aa pai in, puan tawh khuhsak hi.

 

Italy gam aa om, Roman Christian te hong thahat takciang in, Constantine le Pope thahaatna tawh December 25 Tammuz, ni pasian suahni pawi a bawl denden uh pen, Zeisu suahni tawh hong kituaksak ta in, December 25 ni Christmas, Zeisu suahni ci in, Christian khempeuh in hong zuisak ta hi. A taktak in, Zeisu pen, December kha in suak peuhmah lo hi. LST siamte genciang in, february kha ahih kei leh April kha khawng hi zaw ding hi ci uh hi.

Satan in, Noah tuiciin tun khit, leitung mi thahaat/thunei pen pa ahi Nimrod hongzat mah bangin, Roman te hunciang in, leitung thahat pen, thunei pen ahi Constantine leh Pope mah hong zangh pah aa, tuate gel khutsa tawh Christians misiangtho te, millions tampi kithat ngekngek hi. Zeisu nihveina hong paima in zong, leitung gam thahaat penpen ahi USA kumpi leh Biakna lampan a thahat penpen i lutang ahi Pope hong zang kik ding a hi hi. Tua hunciang, universal sunday law - common holiday a leitung khempeuh i zatding aanaa tawh hong bawl ding uh hi. Tu mahmah in zong, Pope Benedict mahmah in, Sunday pen, Ni Sa Gih Ni hi cimawk hi. Television news te ah agen na.... LST sung ah Ni Ma Sa Ni... kici napi, ni 7 ni nasuaksak - hah tang aa kikhem in, leitungmi laisim thei khempeuh un, laisim theilo bangin, Amen pia damdam kawikawi lai mawk uh hi.

Martin Luther in, let the bible alone interpret acih dan in, LST cih mah i let tentan ding pen, Pasian deihna hi. Mark 7:8,9 Mihingte bawltawm, traditional ngeina te pen tawh Pasian bawlsa thukham te ikhek ding hi lo hi. Pope in, amah le amah Pasian in kimuta, Zeisu zalaih in kimu ta. A utut in LST gen, Pasian thukham khel, mipi in LST simtel lo in, Pope leh Roman Christians makai te cih bangbang zui. Tua pen, Pasian i deihlo penpen thukhat hi. Rev. 18:4 come out among them... ci in hong samsam hi. Babylon, Baal, Pagan, Nimrod, Pope, Constantine, Anti-Christ te makaihna gentel takin encian ciat ni in, amau upna/ukna nuai pan pusuak gai ciat ni.

 

--------------------

The truth shall set you free ci ahihciang in, LST sung ah Pasian i adeih thuman mah i kantel photphot kisam ding hi. Tua ahih kei leh Satan/Anti-Christ nung zuizui khawng ki hi thei mawk ding a hi hi.

 

LST thuman i telciang in, tua thuman i zuih leh hong suakta sakding hi. Satan in bel LST khempeuh lot ngah mang, theimang hi. A hihang, zui nuamlo sese hi.

 

 

 

Pu Tong Seal