Adahhuai penpen Laisiangtho mun:

2011/12/16 nang khine <tunpi95@yahoo.com>

Jew Kumpi (Zeisu) munuam hawhnuam in nisuahna lam pan mipilte aksi tang zui-in ong paipai ci hi. Laisiangtho sungah nisuahna lam pan mipil acih Balaam khuapih te leh a khuaveng te khawng ka sak hiven, Inndia ten ko hi ungh, Sen ten ko hi ungh, Persia (Iran) ten ko hi ungh, ci nuamtek uh hi. Tuucing mihai  kici leh e! ko hi ungh akici nuamtam uh? Phadawm lai, Zogam zong 100% phial Christian suahzo ih hih teh  tua te' gam teng in zong ih Topa bia-in pahtawina letsong tampipi ong piakna ding uh thu ngetsak tawntung ni. ,

 

Ganhing lak pan bang neel pen? (Saham)

Pharisees a kicici kua te? (Pharisees cih te bel, hia Ezra leh Nehemiah hun lai-a, Hebrew mite namdang tawh kumpi Solomon banga kiteng tamlua in atu ata te un Hebrew pau theinawn lo, thukhat gen ding hileh, kamphen kul, tua leh, Nehemiah hehsuak lua in a pasal te kiangah hangawp, tai gawp, satphial na zi te uh ma unla, namdang zi peuhmah tenpih nawnlo ding kiciam sakin a sam bang bawh sakkha zawzen hi. Tua pan a ong pai suksuk biakna mi religious people, minam it nationalist, sam neilo, talkolh (mipil khempeuh talkolhkhin tuanlo) pharisees te ahi uh hi

Hih bel Laisiangtho siamte cih hilo a, laisiangtho simte cih ahi hi.

 

Adahhuai penpen laisiangtho mun zong dih ni: 

Matt 2:1 Herod in Judea gamah kumpi a sep hun laitakin Bethlehem khua ah Zeisu a suak hi. A suah khit phetin aksi thu lamsang a siam(Magi) mi

pawl khat, nisuahna lam panin Jerusalem ah hong tung uh a,......

Matthew sese zong bang dingin tua magi te address leh phone number beek na ciamteh lo hiam cinuam phial ingh. Tulai a IRS tax collectors te hi leh ngentel ngel mah uh hiven. Zeisu bia ding a i pai ciangin ih min leh ih sumpi puakzah ciapteh kulkhollo aci nuam aitam cileng lah, a letsong piak te uh pulaak zel e,

Bangbang hita leh, hih mipil thumten Zeisu munuam a, a upna uh leh a hanciamna uh theihhuai kasa zaw hi. Banghanghiam cih leh, a-inn a-Lo, a-it a-ngaih a-innkuanpih abeh aphung, adiakdiakin anasepsilbawl, ahun avai,..na zomtolai vua.. khempeuh nusia-in, khuamial sung pan khuavaak muhnop manin hun tampi la uh a, asum apaai apilna uh leh ahanciamna uh tawh Aksitang zui-in khual ong zinkhia uh hi. Vantunggam ah tuate tawh khut kilen ni, mate. Dahhuai naikei.

 

Jerusalem ong tuntak uh ciangin Matt 2:2 "Jew mite' kumpi ding ahi naungek a hong suak pen koi lai ah om ahi hiam? Laisiangtho simin kan mahmah uh cih kithei hi. Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi" hong ci uh hi.

.

Dotna: Banghangin tua aksi in Topa Zeisu suahna Bethlehem ah paipihsuak peuhlo a, Jerusalem ah totpih khawlpih se hiding hiam? Zeisu suah ava tangko sak ding maw? Jew miten Zeisu asantheihna dinga gospel paiphot maw? 

 

Ulian makai ten tua thu a theilo hipeuhmah lo uh hi. Laisiangtho zong naktheihlua, Zechariah ii manggmuhna zong tellua, Simeon genkholhna zong theilua, Tuucingte' gen/tangko zong zalua, vantung a aksi zong mulua, theilua, 'theiluazaw' cihdan hi. Ahi zongin Jew mi ahilo lawki mipite'  thu dotna hangin amau zialetong kelluphum ong kitheikhiatna ding ahi hi.

Jews lo ten Jews te kiangah " Jew mite' kumpi ding ahi naungek a hong suak pen koilai ah om ahi hiam? ci-in hong kilehdotkik seisai leh na nabangci dawn diam? Lungngai phot dih aaw.  Phawkkik ding khat ah: Jerusalem pen muntuam gamtuam a aom Hebrew mite a' dingin biakna lam hita leh, pilna sinna ding hita leh, na khempeuh avaitutna uh phualpi a center mahmah mun ahi hi. Mipilte Jerusalem ong omtak uh ciangin , hih zahta mihonpi lakah kumpi ding naungek ih mukha zentam maw, mihonpi ih phuzo ih nawkzo zentam ci uh hikha ding hi. Amau lam-et bangin 

naungek en ding mi kiphu zuaizuai cih lah omlo, lungdamna pawi kibawl cih lah omlo, omlo, tamlua ahih manin lamdangsa uh a, hih Jerusalem ah "Kumpi ding ahi naungek koi ah om ahiam?" ci-a adong uh hipelmawh ding hi. Vantungah pawi kibawl, choir la ngaih kisa ziahziah, gamlumhethat mah hiven, Jerusalem, Judea gam ah "Silent Night" aimawk ve maw, kumpipa bia dinga hong pai himah hive ungh...Hih mipil ih cih te zong kumpi te mah hileh kilawm hi. Isaiah 60:3 Nangma khuavak sungah Gentiles te hong pai ding uh a, kumpite hong pai ding uh hi.  

 

Alian 2 aneu 3 ah Kumpi Herod in hih thu a zak ciangin patau/dipkua a, Jerusalem khuami khempeuh zong maitaituanlo uh hi. Laisiangtho bup sungah adahhuai, akhasiathuai penpen mun Matt 2:3 hikha ding hi. Herod bek hilo-in, Jerusalem khuami khempeuh zong troubled/disturbed ciat  uh hi. Kumpi ding naungek ong suak khinta. Kuamah na nuamlo na kipaaklo mawk uh hi. Dahhuai khasiathuai mahmah hi. 

  

Aneu 4-6. Tua leh Herod in siampi liante leh thukham hilh siate khempeuh kaikhawm a, "Koi lai ah Khazih suak ding ahi hiam?" ci-in a dong hi. Khazih na suakkhin tham hi. Pastor te leh Theologian te in Laisiangtho phen pahin, "kamsangpa in a lai gelhna sungah, "Judah gamah a om Bethlehem khua aw, ka mi Israel te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi," ci ahih manin Judea gam sung Bethlehem khua ah suak ding hi," ci-in a dawng uh hi. Aw! Herod akinlo nahiam? a zangeilo takpi mah nahiam? Siampi te laithei te in bang hong hih pihpih uh ahiam?

 

Aneu 7,8. Tua ciangin Herod in tua mipilte samsim a, aksi a kilat hun teltakin a dot khit ciangin, Bethlehem khua ah a paina dingun sawl a, "tua naungek limtakin vazong unla, kei zong hong pai-in amah ka biak theihna dingin na muh khit uh ciangin kei kiangah thu hong zasak un," ci-in a vaikhak hi. Herod in a bia nuam hilo in, a that nuam hizaw hi. Abianuam aihtakin azuiphei pah kei ding maw, tai 5 bek kigamla hiven. Herod lah pailo, siampite, thukham hilhte, khuapihte apai khat zong omlo zawzen uh hi. Bang hang?

 

Aneu 9. Amaute in kumpipa' vaikhak thuteng a zakkhit uh ciangin paikhia uh a, nisuahna lamah a muh uh aksi mah mu uh a, naungek omna tung santak a tunmateng amaute mai ah tua aksi na pai hi. Tua aksi amuh uh ciangin nak lungdam mahmah nak nuam mahmah uh hi. Jerusalem khua mite leh kumpipa a' tawh kilehbulh uh maw. Hiauzensam.

 

:11. Inn sungah amaute lut uh a, naungek leh a nu Mary mu uh a, bokin tua naungek abia uh hi. A biak khit uh ciangin letsong piak dinga apuak uh gold, frankincense, myrrh te a pia uh hi. Herod kiangah a kihilkik lohna dingun a mang sung uh ah Pasian in hilhkhol ahih manin lampi dang tawnin a gam ciat uh ah a ciahkik uh hi.

Hih munsan takah nang hile cin na bangci ngaihsut diam? Ong ki welcome khollohna biakinn ah kikhawm kha lecin a hileh, na sumpi khiat ding a tawmzaw in khiamin na khiakha diam? Tua mipil thumte zong Judah kumpipa bia ding, letsong pia dinga kiging kimlai, a biakding Pa uh mizawng penpen te' inn sungah na kisialin, a Nu leh a Pa mahmah zong KUMPIPa' nu le pa dingin na gimnam hiaulo uh hi. Carpenter pa leh a zi na hilel tak hi. Hitakpi mah ding hiam aw, kici kha ding hi. Ahi zongin tua mipil thumte in lungkiat ding cih peuhmah ngaihsutin neilo uh a, a upna uh khah suah lo-in, azah tampi ngahkik ding lam-en hetlo uh a, ZAHTAKNA leh ITNA tawh bia in letsong manpha TUA naungek na piakhia uh hi.

"What Child Is This' ci-in La bangin na kiphuak zawzen hi.

 

A tunga dotna ah pai kik leng, Banghangin aksi in Bethlehem ah paipihsuak peuhlo ahiam? Ih ngaihsutna khat tek om ding hi.

Jeruasalem pen Hebrew mite a' dingin na khempeuh ah a phualpi uh ahi hi. Tuhun a ih pawlpi dinmun leh Jerusalem genteh theih ahi hi. Babylon tawh gentehkhak ding kamsangnu in phallo hi. Ih pawlpi' neih pilna sinna ding Sang te, Zato te, Laikhetna te khempeuh religious activity ading a thupi leh a kisam mahmah vive ahi hi. Jerusalem zong tua dinmun tawh a omkhinsa ahi hi. Zeisu ong suahlai takin Zeisu' suah phawkkhalo thei khalo liang dingin siampiten biakbuuk sungah bang sem uh himawkding ahi hiam? Bang ngimna tawh biakinn sungah nasem uh himawk ding ahi hiam? Tulai taka i pawlpi dinmun ( ii function zia) zong tua hunlai taka Jerusalem sanctuary service dinmun tawh i kibatsak khak ding dahhuai hi. 

Athu ala thei mahmah veucin, a thuneipa (Zeisu) koi ah koih nahi uh hiam? ong kici leh ih bangci dawn diam?

 

Herod mai ah Ding kawmin, mipil ten Kumpipa bia dinga ong pai hi ungh ci hi. Biakpiakna pia dinga Jerusalem ah ong pai uh nahi hi. Tua hun lai tak paisanpawi a kipan biaknapawi tuamtuam aneih ngeingai laitak uh ahih hang abiak ding PA Zeisu na kihelkha lo hi. Kaalsim a biakinn ah ih paipai zong Kumpipa bia ding mah a, apaipai ihi hi. Pasian' pawlpi, pawlpi man biakinn ah kikhawmkhatangh ci-in i khalam khualzinna tua biakinn ciang ah ih khawlsak khak leh Jerusalem khuamite ih bang pelmawh ding hi. Tua aksitang ih zuihsuak kei leh, Kumpipa i mukhakei ding hi. Kumpipa i muh nop leh Jerusalem pan Bethlehem ah aksitang zui a, paisuak kul hi. Khasiangtho makaihna tua lamlak aksitang mansuah kei ni. Jerusalem ah mawktam taam kei ni. Banghanghiam cih leh, Zeisu ong pailai takin Jerusalem khuamite troubled gawp uh hi.

 

Kumpipa ong paikikna ding naita a, ikiim ipaam ah lim leh nalamdang tampi ong piangpiang ta hi. Na lungsimsung ah na lau giugiau hiam? ahih kei leh na nuamsim hiuhiau hiam? Tua aksitang mitsuanin Kumpipa munuam theinuam bianuamin tanglai-a mipilte bangin "tua Kumpipa koi ah om hiam?" ci-a a kankan a zongzong nahih nakleh, Mipilten Kumpipa amuh uh ciangin a naknuam mahmah bangun nang zong nuamna tawh na kidim ding hi, tua lamlak aksitang na mitsuan nak leh!!!!!!!   

 

(zoplai ding, amin kithei mipil thumte)..................

A lamdang mahmah Christmas tangthu tomno sau,

Ithuai U leh Nau,

Hih Christmas tangthu tomno sau na sim sak un. Lungdam hi.

Adam leh Eve hong mawh lian uh teh Vangtung aa emergency meeting kisam pah hi. Job sung ih sim ciangin Pasian in Meeting samngei lua aa vantung mi khempeuh ban ah Satan na leng leitung aitang in na pai ngei  cih ih thei hi. Job 1: 6.

Vantung khempeuh dahna tawh kidim hi.Adam innkuan pih teng si ding beklo leitung ah natna, hamsatna te in tuamta aa suahtak nading omlo cih zong vantung mi ten thei hi. Tua lai takin Topa Zeisu hong ding khia aa Khuavak in atuam Pa Pasian kiang ah hong nai in Pa tawh naitak in hong kiho uh hi. Thum vei vangliatna khuavak in thuam hi. A 3 veina ciang in maitai sa, lungmuan maipuak tawh hong pusuak khia hi.

Vantungmite tung ah Topa Zeisu in tangko na khat hong nei hi. “Hih asi ding Adam te hotkhiat na ding kei mahmah PA maiah ka kipia zo hi, hotkhiatna lampi ki hong ta hi. Tua in amau te ading kei leitung ah katuaksuk ding aa amau te sihdingtang in ka si ding hi. Amau te ka honkhia ding hi. Amau te in mawhna ki siikin Pasian thukham te a zuihkik theih na ding (Pasian ukna sungah lutkik na) ka sisan tawh mawhmaina ka ngetsak ding hi ci hi. Tua hihman in amau te Eden huansung ah lutkik in nuntakna singkung gah ne kik thei ding uh hi” ci hi. (Story of Redemption Pg 43-44)

Vantung mi te in tua thu a zak uh ciang in lungdam zolo uh hi. A it mahmah uh Vanmang pipa Satan khutsung ah sih ding cih pen ngaihsun zolo uh hi. A hi zong in mawhna hang aa Pasian hehna leh mihing te kikal ah amah in palai sem ding. Leitung, vangtung vangliatna te nusia in, mihing bang in kiniamkhiat ding. Satan ze et nate mah thuak ding aa ahizong tua ze et nate gualzawh ding. Leitung ah asia pen sihna tawh si ding aa leitungbup mawhna te pua ding, tua zawh ciang bek in hotkhiatna te picing thei pan cih gupkhiatna geelna (plan) hong genkhiat tak ciang in vantungmi te sung pan tawm in sang thei pan lai uh hi. A tamzaw in sang theilo uh hi. Tua ciang in amah pen sihna khutnuai ah si suaklo ding aa nithum ni ciang in Pasian in sihna pan thokiksak ding hi. Sihna gualzo,Satan guallel ding hi cihzong vanmisiangte tung ah tangko hi.

Vantung mi te in Topa maiah kun in amua te nuntakna mihing tatkhiat na ding  in pia uh hi. Topa in piangsakpa, amah pumpi simloh vangtung mi te nuntakna in tua sihna lohzolo ding cih thu gen hi. Bang hang hiam cihleh Pasian thukham in Pasian zahmah in siangtho hi. Pasian bangmah in kikhel mawk theilo hi. Tua ahihman in Pasian thukham palsatna hang aa mawhsut na in Pasian zahmah tawh kizakim mawhsutna hi ding hi. (PP p63)

Topa in mihing pianzia ka lak ni ciang in no te sang in thanem zaw ding ka hihman in ka thanem hun ciang thanong piak , nong panpih ding uh hi ci'n vantungmi siangtho te tungah thuum zaw hi. Tua gupkhiatna nasep kizawh ciang in vantung kumpi gam leh kumpi za Pa pasian in kei tung ah hong ap ding aa( Mat28:18 “ Jesu in amau te kiangah , vantung ahizong , leitung ahizongvanliatna khempeuh kei hong kipia zohi) Satan leh a nungzui teng ki sumaimang ding a hihna te zong gen hi. Tua zawh ciang bek in vangtung ah angei bang in nopna tawh hong ki dim kik thei pan hi. Adam leh Eve sihna pan atan khiapen Topa Zeisu a hi hi. Hih geelna pen BC bei, AD pat khawng aa geelna hipan zenzen lo hi.

 Mang 13:8

“ Leitung a cilpan thatna athuak khin tuuno laibu nuntakna laibu sung ah ami uh kigelhlo leitung mi khempeuh in sahang a bia uh hi.”

John 1:29        “ En un Leitung mawhna a puakhia Pasian Tuuno”

1.      Nang leh kei zong i pianma, Topa zeisu in tatna sisan, a nuntakna hong piaksak khin zo hi. 1Peter 1:19-20

“Tuuno bangin paubaan'na a omlo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi. 20 Pasian in hihbang dingin leitung pian'ma pekin Khrih a teelsa hi a, note a hong khualna-in tuhun nunung ciangin Pasian in note kiangah amah a hong lakkhia pan ahi hi”

Adam tungah Pasian in leitung buppi hotkhiatna ngah na ding zia teng hilh khol hi. Calvary mualtung aa Topa Zeisu in leitung mi tang dingin sihna tawh tatkhiatna hong piak zia ding te zong lakkhol hi. Adam in mawhna , thukham palsatna ii siatzia leh Pasian hotkhiatzia , mawhmaina ngetzia leh mawhsuut zia te theihtel na ding in Pasian in sisan, nuntakna tawh mawhsut zia Adam hilh hi. Adam mawhmai na ding in tuuno tawh mawhsuutna a bawl ding a hi hi. Adam in tuuno tungah akhut nga in a ma mawhna te suuta, ganno agawh ciang in si ding aa kitom lekek tua ganno a muh ciang Calvary mual aa Topa Zeisu sihna te galmuh thei hi. 

Adam in mawhsuut biakna hong piak a ki pan in leitung ah hong suak ding nuangeek lam en tawn tung  uh hi. Ani ahun amun te bel theilo uh hi. Pasian in gupkhiatna geelna a neih lampen Satan in theilua hi. Messiah naungeek hong suak ding cihzong thei hi. A hizong in ani, amun leh bangci in hong suak ding cih theilo hi. Satan in zong na pang gige hi. Israel te Egypt pan hong pusuak khiat ding uh ciang in Satan in Topa Zeisu naungeek in hong suak ding sa aa Pharaoh kumpi zang in hong suaknapang lak ah pasal no teng na that sak hi. A hizong hong suak ding Messiahnaungeek sukha lo hi. Tua khit Bethlehem khua ah Messiah naungeek hong suak taktak ciang in zong  Satan in Herod kumpizang in that ding in na zong aa Pasian kepna tawh sukha lo zel hi.

Satan in messiah naungeek hong suahna ding tawh kizui in Pasian ta te  Aman Pasian biakna pan paikhialh theihna ding lampi Babylon pan dawibiakna tawh mapang khin zo hi. Baal pasian or Nimrod te nupa zang in pasian dang biakna ding lampi hong pan khiaaa, Nimrod zi in pa kitheilo, zawta a neih Tammuz naleng pasian in mite bia uhhi. Ezekiel 8:14. Tua Tammuz pasian suahni pen DECEMBER 25 ni hi aa Messiah naungeek hong suak ma kum 1000  a sim peekpan Holiday aa dawibia ten hong neihtohtoh sa uh hi.  Hih holiday hun ciang in Baal pasian mite lak ah taksing ( pine or fir) tawh hong kilang hi ci'n um uh hi. Tua hihman in taksing tungah pasian nek theiding tuamtuam khai uh hi.  Galmat te lutang khawng pasian biakna in khia uh hi. Tu'n bel meibulb peuh ki khia hi.

Hih December 25 holiday pen Roman kumpi te Christian hong suakuh ciang Christian sungah hong lutpih uh a hihi. Satan khemna mah hong hi zel lel hi. Taksang kei ni. Topa suahni pen December kha sung bek phawk aa gualnop na tawh mawk beisak theihna ding Satan khemna kidawmni.  Topa Zeisu suahni pen December khasung bek hi lo kumtawn,khatawn, nisim, naisim aa phawk na ding Deihsak na tawh,

Mangpi

Mi Thupite' Thupina Ahang Thu Sagih Om Hi

Mi Thupite' Thupina Ahang Thu Sagih Om Hi 

 

 

Leitung ah mi thupi, mi lawhcing i cihte in mi ngeina in ahih ngeiloh uh, mi ngeina in ahih vetloh uh ahih ngitnget uh thu tampi om a, tua lak pan nam sagih i gen ding hi.

 

 

1. Muhkholhna tawh Thuthak Vaithak gelkhol uh hi. Mukhol, gelkhol cih pen mi lawhcing leh mi thupite in ahih ngitnget uh khat ahi hi. I nuntakna pen eima a hi a, i nuntakzia ding i ut bangbangin gelkholh theihna i nei hi. Gelkholhna cih pen i gamtatzia ding, i sep ding, ihih ding, i hihloh ding, i paina ding, pailohna ding, nek ding nekloh ding cih bang khempeuh ihihma in i gel kholhna ahi hi. Gilkial ciang anne cih hilo zaw in annek hun ding gelkholh huna nekna cihna hi. Ihmut suak ciang ihmu hilo in gelkholhna hun a tun ciang ihmu ding cihna hizaw hi.

 

I nuntakna ah a thupi mahmah thu thum om hi - ei tunga thupiang, ei piansak, haksatna khatpeuh i tuak ciang i phutzia. Tua teng lak pan a tawpna pen thupi pen hi kici hi. Gelkholhna pen i nuntakna ah i tuak thu khatpeuh bangci mualsuah ding cih tawh kizom hi. I pelh theihloh thu om a, a piang khat peuh a hoih lama i lak theih a kul pawl om hi. Bangci saan ding, bangci puaksiam ding, bangci thuaksiam ding, dah ding maw nui ding cih khempeuh eima lungsim pan pusuak kul hi. Bang thupi i sa pen hiam cih zong i theihtel mahmah ding kisam hi. Ei hong kikhelsak thei thu tampi pen ei deihna banga i kaihsiam ding thupi hi. Thupi i sak tampi ei deihna banga i piansak theihloh om a, tua bang thute ah i hun leh sum leh thatang i beisak leh a mawknapi ahi hi.

 

Ahi zongin thupi isak tampi ei deihna banga i piansak theihte ei-adinga manpha in i piansak theih leh a hampha ding eimah ihi hi. A lungduai zolo, a lungkia baihte in amau khel theihloh thute ah hun leh sum beisak uh a, thupi a sak uh kiam deuhdeuh hi. Khatveivei ei hihtheih hetloh dingpi i hih teitei a, i lawhsam hi. I lawhsap ciangin 'hihkhial' ciin i kisik pong a, lah i bawlpha thei nawnkei hi. Gelkholhna nei, muhkholhna neite in bel ahih khialh uh leh zong akhialhna uh theipah, phawkpah in kibawlpha kikpah uh a, a tawpna ah lawhcing veve uh hi.  Ei adinga ahoih ding i piansak theih khempeuh ah a lawhcing i hih den theihna dingin kuhkal leh hanciam taka i hih ngitnget ding ahi hi. Tua banga i hih ngitnget ciangin a lawhcing dinga lamphei tawna paipai ihi hi.

 

 

2. A piang ding theikhol uh hi. Kalsuanna khatpeuh ah kalsuanzia nam thum pha hi. Bang ngimna nei ka hiam? Bangci tun ding ka hiam? Bang pianga bang met ding ka hiam? Nasep siamna pen nasep peuhpeuh ahi ding bang liana sepkhiatna ahi hi. Makai siam i cihte in a hoih nate semkhia uh hi. A piang ding theikhol cih ciangin bangci kalsuan ding, bangci zop ding, bangci khup ding cih gelkholhna ahi hi. Tua bang gelkholhna, lampi tot ding ziksa lampi nei lecin  na tupna hong tunpih ding hi. Lampi ah bangbang na tuak zongin na mualsuahna dingin na lampi bangci puahpha ding, na lampi bangci khel ding cih hong mukholsak ding hi.

 

I nuntakna ah ngimna i neih peuhpeuh a ciim mahmah, a thuk mahmah, a manpha mahmah ahih ding ahi hi. Thudik thuman tawh sepna, ngimna hi ding a, a tun hun ding, a sep hun ding, a sepzia ding cih khempeuh a hoihpen, a kilawmpen, a ziakai hetlo in a kisemkhia ding ahi hi. Nangma nuntakna tawh tehkak ding hilecin - na pian hun, na khangno hun, na khangham hun, na tek na huai hun, na hun nunung ding cih bangin gelkholhna na neih ding ahi hi. Banghang hiam cih leh tuate khempeuh na cidam nak leh na nuntak sung na phut khak ding thu, na pelh theihloh thute ahi hi. Na huntawp ni ciangin bangci in mite in hong thei leh na ut hiam cihte na ngaihsut kholh ding ahi hi. Na om nawnloh ciang bangci'n hong kiphawk leh na ut a?

 

3. A masa ding a nunung ding khentel uh hi. Mihing in sepnop kihau mahmah a ahi zongin i hun leh i nuntakna in hong cinlo ding hi. Tua manin a masa ding a nunung ding i khentel siam kul hi. Mi thupi i cihte in tuate na khentel siam mahmah uh hi. A nuntakna vuah a tup a ngim khat uh a lawhcinna dingin a nuntakna uh kham ngamin na sem takpi uh hi.

 

Bangci na hih uh hiam cih leh a sepnop tampi uh laidal tawh gelhsa in nei uh a, tua sung pan bang sem masa leng met pen ding hiam cih tengkhia in sem masa uh hi. Nisimna Calendar ah git khol in muhbaih dingin koih uh a, a gal pan zong et theih dingin koih uh hi. Laibuno tawh gelh in a ip sung vuah pua in a paina peuh vuah pua kawikawi uh hi. A manpha ding, a thupi dingte sem masa uh a, a sep man kei uh leh a thupilo zaw deuh, a manphalo zaw deuhte nusia zaw uh hi. Tua banga ahih den uh ciangin a nisim hunzatzia uh a hoih theithei dingin gel kholh thei uh a, a hoih sem masa le uh mi hampha suak in mite adingin a manpha suak uh hi. Khatveivei bel hun zeek hilo in mitawh kilawmtatna kikholhna te zeek kisamzaw hi.

 

Khatveivei tua banga eima hun in hong cin nawnloh ciangin ei seploh a mite hong seppih dinga i piakkhiat theih om hi. Tua banga mite hong huhna pen a manpha mahmah suak leuleu hi. Mimal khanna bek hilo in na lianzaw sepkhiat theihna a suak hi. Mite in hong huh theih ding ciangin nasep ding a pia bek hilo dingin a sepzia ding zong a lak thei hih ding thupi kaan hi. Mi pawlkhat in bel a sepzia ding laklo in a sepkhiat ding bek thupisak uh hi. Ngaihsutna tuamtuam om hi. 4. Mi khempeuh hamphatna ding ngaihsun uh hi. Sepna khatpeuh ah ken hamphatna ka ngah leh midangte in zong hamphatna a ngah ding cih ngaihsutna pen lungsim picing leh bulkip nei ngaihsutna pan hong pai hi. Kei met ding midang sum ding cih ngaihsutna pen mite uk nopna lungsim pan hong piang hi in, a tungnungzaw a om kei uh leh a nih tuak un a sum uh hi. Kei sum dingin midang met ding cih zong a tamzaw hoihsakna zuihluatna ahih manin hoihkhinlo hi. Midang a sup na dingin ken zong sum ngam ing cih ngaihsutna pen ahoih hetlo ngaihsutna hi. Kua met kua sum cih khual selo a mi khempeuh ading a hoihpen ding ngaihsutna mah picing pen hi.

 

Kizopna, kihotheihna mah a thupi pen ahih leh mi tamzaw in hoih a sak pen zuihna mah thupipen suak hi. Kizop, kihotheihna a thupilohna mun ah a zo khat om a, a lel khat om zong a sialo hi.

 

5. Mi hong theihsiam masak ding sangin midang i theihsiam masak ding thupizaw hi. Mi tawh i kiho ciangin mite i muhna leh a mizia ding i upmawh khat ompah hi. A taktak in i upmawh na bang khinlo a, i theihtel mateng i upmawh dan kikhelkhel hi. Tua manin mite mizia upmawh nei pahlo in amau mizia tel  masak sawm hamtang ding ahi hi. A thugente uh limtak ngaihsak masak ding. A lunglutna te uh bang taktak hiam cih tel masak sawm ding. A lungdamna, a hehna cihte bang hiam thei masa hamtang ding.

 

Tua hileh na kituahpih mi peuhmah in hong zahtak dinga, nang hong tel mahmahte in hong thupi muh pah lian ding hi. Hong kithupi muh khit ciang pil hong kisa, siam hong kisa, siam hong kisa cihna hita hi. Nang mite thupi bawl masa, theisiam masa na hih manin nang zong hong kithupi muh, hong kithupisim cihna hi.  

6. Mihing kilamdanna tuamtuamte telsiam uh hi. "Saipi amah bek in lian, mihing khat bek lianlo," cih Zomi Paunak ah om bangin mi khat bek thupisim leh mi tawmcik thupisakte pen mi khempeuh thupisakte sangin thupilo zaw hi. Cihnopna ah kibatlohna tuamtuamte kitheihsiamsak tuahna in kilemna leh kilawmtatna piangsakzaw a, kibatlohna nengcik khat nangawn thupisak luatna pen kilawmtatna leh kikholhtheihna a siasak te ahi hi. I kibatlohna tuamtuamte gawmkhawm lehang i kipumkhatna ding hizaw a, kipumkhat peuh leng hong thahatsak dingte hipah hi. Tua ahih manin ngaihsutna toi cik tawh omlo in ngaihsutna tuamtuam zong a telsiam dingin lungsim liatsak ding ahi hi. Kibatlohnate kitelsiam leng kizahtakna zong hong ompah hi.

7. Ngaihsut khialh, hihkhialh leh zong kipat kik theih hi ci uh hi. Mi thupi, mi lawhcing i cihte in a ngaihsut masak uh, a sepkhiat masak uh a lawhsap uh, a hih khialh uh leh zong a bul pan kipan kik ngam, kipan ngap tazen uh hi. A hihtuak mateng uh lungduaitak, lungkia hetlo in kipan kik ngap tazen uh hi. Tua man mah in lawhcinna leh thupina tang uh hi.

 

Lawhcinna leh thupina nam tuamtuam om a - pumpi, kha, lungsim leh neih leh lam ah ahi hi. Pumpi kikepzawhna, nek leh dawn kidekzawhna, cidamna ding kikepsiamna, hoihna ding leh siangthona ding kipuahzawhna, kimawl hun, tawldam hun cih bang a kilekkima hihzawhnate na nei hamtang uh hi. Kha thu ah zong amau upna leh muanna limtak kemcing dingin na hanciam uh a, a lungsim luanzia uh leh ngaihsutzia uh kiuksak uh hi. Kiniamkhiatna leh thumanna, lungduaina leh thuakzawhnate neisak hi. Lungsim hatna dingin laibu sim ding gina tak nei den in kaikhawm den uh a, laigelh in a nasepzia ding uh zong gelkhol hamtang uh hi. Mi thupi leh mi lawhcingte laigelh leh ngaihsutziate thupibawl in theihsawm hamtang uh hi. Mi tawh kizopna leh kikholhna, kilawmtatna leh kihotheihna cihte thupi bawl in lawm thak neihna ding hanciam den uh hi. Pumpi, kha, lungsim leh nek leh dawn, neih leh lam khantohna khempeuh a kilekkim in a nuntakpih theih uh ciangin mi thupi, mi lawhcing suak semsem in, mite in zahtak semsem uh hi.

 

 

Hau Za Cin

Phuitong Liim

www.hauzacin.blogspot.com

 

He Knows How You Feel

Jesus was angry enough to purge the temple, hungry enough to eat raw grain, distraught enough to weep in public, fun loving enough to be called a drunkard, winsome enough to attract kids, weary enough to sleep in a storm-bounced boat, poor enough to sleep on dirt and borrow a coin for a sermon illustration, radical enough to get kicked out of town, responsible enough to care for his mother, tempted enough to know the smell of Satan, and fearful enough to sweat blood.

 

He is able to run to the cry of those who are being tempted and tested and tried.

Hebrews 2:18 (AMP)

 

Whatever you are facing, He knows how you feel.

Suangpi tungah Inn lamni.

(Mihaipa in sehnel tung inn lam)3          tua inn in kisia lo hi.

(Guah ong zu-in, tui ong khangto hi)3    tua inn in kisia gawp hi.

(Mipilpa in suangpi tung inn lam)3         tua inn in kisia lo hi.

(Guah ong zu-in, tui ong khangto hi)3    tua inn in kisia lo hi.

  

Hih la tomno ong hilh Sabbath School siama nu ka thei a, siama nu in zong hong hilhlai hunte phawk mahmah lai-in ka um hi. Action-la ahih man in mangngilh ding haksa tuaituai mahmah hi. Sasa-in, sakikkikleng, acih nopna thuk tetek, zai tetek ding dan hi. Thuk ngaihsut semsemin a laimal en gega lehang eite hong it ih Topa Zeisu' Kammal hizen hi. Ih sepding ih bawlding ong gengen nahi hi. Sakhituihuup a om hangin huihpi guahpi typhon, tornado, tuiciin flood, tsunami  tung veve ding hi. Na bukna uh a muanhuai theihna dingin Suangpi tungah inn lam un, ong ci na hi hi. 

 

Mi nih in inn lam tuak uh hi. Akhat pa in sehnel tungah lam ahih manin zobaih zawzen hi. Hoihsak mahmah omsak keng kangkeei hi. Ong tawlnga hi. Meikhu leh tuivot helin a lawmpa ong gal-et hi. A lawmpa in suanglak ah a innkhuam nangawn phutkhinzo nailo hi. Tua leh, bang ong ci hiam cihleh he..he.hei..Noah in zong Tembaw khat kum 120 val shikhop hiven tua mah a bangding naive maw ong ci lehleh hi. Lawmpa zong hanciam takin ong semsemin a tawpna ah a inn lam

ong zo ngawngaw hi.

 

Tuuk ong tung guah ong zu hawktui ong khangin sehnel tunga inn kilam a sehnel tawh bangtawh ong taaihi. Suangtung leh suanglak a kilam inn bangmah ong cilo hi. A foundation khauhlua ahih manin hawktui in bangmah cihzolo nahi hi. Innkhuambul phuhna tua suangpi in Zeisu ahih man nahi hi.  Sehnel tungah inn kilamthei veve ong kicih hangin up hetloh ding, taksan hetloh ding Zeisu in ong vaikhak khol hi.

 

Olive mualtung a Olive singkungnuai ah huih siangtho diikin Topa Zeisu na tu hit-hiat hi. Nungzuiteng zong Topa kiangah hong pai uh a, thu dotna ong nei uh hi. Topa aw, "Hih thute cik ciangin hong piangding a, nang na hong paiding hun leh hun beina ding bang lim hong om ding ahi hiam, hong gen in," a ci uh hi. Matthew 24:3. 'Hun' leh 'Lim'.

 

Topa Zeisu in nungzuite' dotna ong bangci dawn hiam? Aneu 4. "Mite' khemsa in na tatlohna dingun na kidawm un" ci-in ong dawnggiap mawk hi. Nungzuite' dotna leh Topa Zeisu' dawnna kituak nasa uh hiam? Bangdingin Topa in hih bang

in dawng sukgiap mawk hiding hiam? Atomin dawnsakpak pongleng "Kei' kong paikik hunding bel Pa Pasian Calender suaih hi in kuama theihpih hikei, hun beima a piangding lim leh nalamdangte bel ong genkholning in limtakin kidawm un," na zak khempeuh uh um pahpahkei un, na muh khempeuh uh sang pahpahkei un, Khazih kineihkhemte leh kamsang kineihkhemte

ong piang ding a, mi tampitak umkhial sakin, ahihzawh leh a teelsa mite nangawn a khemna dingun lim leh na lamdang lian pipi hong bawl ding uh hi, tua ahih manin kidawm un, mite khemsa in takei un, Thuman thu kiptakin lenin nungta zaw un, aci nuam zaw hileh, kilawm ka sa hi. Ciaptehding khat ah Pasian' zat upkhialhsakna/zuau thahat (strong delusion) leh

Satan' zat khemna (lie), upkhialhsakna cih namnih om hi. Mihaipa bangin koizawhiam cih khenteltheilo-in sehnel tungah ih  bukna inn ih lamkhak ding ih Topa in ong lunghimawhpih mahmah hi. Hih thu ah pilna kisam mahmah hi.

    

May 21, 2011 Harold Camping kici Christian Radio Broadcast minister pa in tu ni, Sabbath ni nitak 6 pm sharp in leitung bei

ding hi, ci-in a radio station omna California pan kisuanghetlo takin tangko khia hi. Ama pawlpimi tampitak in a neihsa teng zuakin thungenin kigingsa-in ngak demdam uh hi. Florida ah nitak 6 pm ong satta, beinuamsuai aihleh kuaman bangmah ki phawkkhalo hi. Taxas ah 6 pm ong sat leuleu, California ah 5 pm hita. Kuamah rapture nailo, amau kiangah 6 pm ding nai mahmah ta, thu ngen keei, kisiansuah keei uh hituak hi. Tua laitak Amazing Fact thugenpa Dough vapai in Harold Camping kiangah nitak 6 pm satma in na vanneih teng khempeuh ong zuakpak in, ci-in $ tengkhat tawh vakun hi ci hi. Lawmpa in zuaknuam tuanlo hihtuak hi. CA ah 6 pm ong satta, bangmah ong pianglo. Tua leh bang ong ci uh? Thu tampi om hi. Hih bang danin Leitung beiding a genkhol thopthop Christian thugensiam peuh ki om zanzan hi. A um tampi om sawnsawn.  

 

Genkholhnate theilua-tellua kisa-in ih omphiauphuau hangin den mahmah ciang ih tungah bang ong piangding cih a gen khol thei kuamah ki omlo hi. Tua ahih ciang bang?...Zeisu tawh nisimin ih nuntakkhop dending No.1 a thupi penpen hi. Ki kholhpih lawm nih ka nei-a, khat in: lawm aw, i pawlpi doctrines, theology cih bualbualte lah thei sekeng e, Singunau sang ka kah a kipan SDA biakna pen laisiangtho tawh kituak kasa penpen a, esp in a Sabbath mahmah minlawh dingin ngaihngut ngut kasak man leh thupi kasak manin SDA ana suak kahi hi. I siaten Daniel & Revelation ci-a, gengen leh lim a alahlah te zong teltuanse keng, a bang a hiam ci-in ong gen hi. Ka lungsim sungah kei zong atua bang mah hiveng e, ka kici hi.     

A khat leuleu in i pawlpi bel thangahhuai sakeng ci-in biakna dang ah ong kikhopsanin piangthak keei hi. Ahang ka theihpih kei hi. Lamka khuapi ah Gangte te khat ong vak hiauhiau hi. Thahdo tangval pawlkhat in ong manin; nang kua minam? ong dong uh hi. Kuki cih dinga lah hilo, Paihte cih ding lah hilo, Mizo hing cipong mawk hi, ci hi. Tua acih khit teh bangmah cih lo in khah uh hi, ci hi.

         

Tua ciangin ka lawm masapa kiangah lawm aw, tua Maangmuhna sung a sapi cihcihte ken zong teltuan keng, ong aki gen

gen hangin zong mangngilh pahpah ingh. Tuabang ganhing sapi cih zong a tatakin leitungah a omlam kigenngei nailo hi. A lim la bek hi-a, a gennop thu bulpi tatak the issue of worship biakna vai mah hi, ci-in, siate gen ngeiteng ka ciakpih hi. Bang siksanin SDA pawlpi tung tawnin Pasian bia ihi hiam? Bangdia Sabbath mah ci tentan ihi hiam? Tuuno tawh kibang Sapi thu ka gen dan ding thei keng. Ahi zongin Laisiangtho sung a piangkhinsa tangthu bulphuhin nengcikkhat suut ni, ka ci hi. Mangmuhna 12, 13, 14 ka suutzen uh a, ama zakngei-kei' zakngei. Laisiangtho lo, laibu dang neilo kahih manun Elijah tangthu ka lem uh hi. 

 

Elijah tung tawnin Mount Carmel a piangngeisa van pan meikuang kia mah tawh kibang hun nunung biakna man leh manlo kidona lianpi ah tua bang meikuang van pan ong kia leuleu ding hi. Ahi zongin tua mei kuang koi ah ong kia ding hiam cih leh, Kamsangpa Elijah tatzia ciing a biakna manlo kamsang kineihkhemte ii phuatkhiat biakpiakna tautung ah ong kia ding hi. Tua pen biakna manlote' na lamdang bawl miracle ong hita ding hi. John in ong hemgen khin hi.

Elijah ii experience enkik dih ni. 1 Kings 17:1 Elijah in Ahab kiangah,"A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tungding kumte sungah omlo ding hi," a ci hi. 

Hih laisantakah bang thu ong piangvat hiam thei khang. Aneu 2 na ah Elijah kiangah Topa' thu ong tung a, hih lai pan ki hemkhia in la, mun khat ah bu in ci-in a bukdan ding kigen hi. Enpak leng, Elijah in keima thu tawh a cih khak pen Topa a lungkimpha mello aitam cihnop huai hi. Kamsangte' zatzel kammal ahi Topa' ong thupiakna tawh cikha hileh, bang apiang tam? Ahi zongin Elijah in Topa cih mang ahih manin Ahab in munciteng a zonzon hangin a khekhap nangawn muzolo hi.

   

Tua ciangin Elijah kiangah Topa' thu hong tung a, tua luitui kang nusia in la, Gentile khua sung a meigongnu kiang manawh in pai in, ci-in asawl hi. Elijah zong Topa' sawlna bangin ding khia-in a paipah hi. Meigongnu tawh ong kituak a, phukhong vei hiding hiven ka neek ka dawn ding nong bawlsakpak theidiam, a ci hi. Kei leh ka tapa nekding huankhat bekbek neilai ve ungh in tua khitteh gilkialin a siding hitamai ve ungh e. Bangbang ahi zongin Pasian' thu na theihna tawh kizui-in kei' ading ong huansak masaphot pongpong lecin kialpi a vendongin na tasamkei ding hi. Nupinu in upna tawh zinpa' adingin ann ong huan masa hi. A huankik ding ann ong omtawntung hi. Pasian' thu a upna hangun Pasian in ann na vaakvaak hi. Tua khit ciangin a tapa ong si hi. Movie en bang hileng Part 1 ong manta hi. Part II ah Elijah in Thu ong ngen in a tapa ong hingkik hi. Tua leh nupinu in Elijah kiangah bang ong ci hiam cihleh, "Nang, Pasian' mi na hihna leh Topa in nang tung tawnin thu a gen takpi ahihna tu-in ka thei hi," a ci hi. Hih thupiang khempeuh ih et ciangin Pasian' thu, Pasian' deihna, Pasian' tawsawn vive banga ong piang cih i mu thei hi. Nupinu' ading ngaihsutsak pongleng "Lamdang mah ei! lawmlawm, a si ding himah hi veng. Pasian! Pasian! Pasian! cilo-in a om diam?

 

Elijah tungah Topa' thu ong tung leuleu a, "Ahab kiangah pai in la, va kilak in" ci-in a sawl hi. Topa! a bangci na hiam? 

Ahab in ong dopbawllo ding hi. Ong thatnuam a ong sih zonzn hilo maw? Topa in nang tawh kong omkhawm ding hi, ci hi. Ahab tawh va kimaituah hi. Topa' thu tawh bu zel, kimaituah zel hi. Guah tui kiat ding khawng kikumkum zen ding uh hi.

 

Ahab in Elijah a muh ciangin, "Israel mite a lungkhamsakpa, nang na hi hiam?" a ci hi. Pasian' thu-Pasian' kammalte bangin ih ziuh-ih gamtat tak ciangin zuau thuzui leitungmite in mi lungkhamsak, thu tangpek ong kicihding mah na himawk hi. Elijah in "kei hikeng". Nang leh na pa' innkuanpihte hizaw uh teh na cikik setset hi. Tua ciangin Topa' thu ong lut a, Carmel Mualtung ah Boxing heavyweight championship kitupna pawi bawlding ong kigeelta hi.  Baal vs Yahweh.  

 

Baal kamsang 450, amau thangahna dandanun biakpiakna ong kipan uh hi. Biakna tau maiah diangin kikhukin, awng zelzul ngen uh hi. A ki dawt manman kidawtin, a ki at manman tem tawh siluan dong ki atin human sacrifice sun thapai thungenin kikoko uh hi. A tawpkhakna ah a pasian biak uh ahi the god of storm and lightning in khua phasakin guah zulo, keek hang in biakna tau tunga bawng ki em ding ong kanglo mawk hi. Bil in khuaza lo, khut in hih theih neilo himawk hi.

 

Elijah in biakna tau ong bawl hi. 1 Kings 18:36 Biakpiak hun ciangin, comma phot dih ni. Biakpiak hun, bang hun hiding? Kua hun seh hiding hiam? Hih biakpiak hun pen Pasian in Moses tung tawna a sehsak nitak biakpiak hun ahi hi. Elijah in tua hun lian mah teelin suangtum 12 la a, biakna tau Pasian' thupiakna tawh ong lam hi. Tua khit ciangin kiko kul selo, dian lua

lua zong kulselo, kikhuuk keei, kibalkeei cih zong kulselo, simple takin Pasian' kiangah thu ong ngen hi. Elijah ii biak Pasian in zong tha ngahkeei a, huhu-haha ci-a thunget ding zong na lunggulh tuanlo hi. Banghanghiam? Pasian in ong itlua khin a hih man hi. Tua ciangin Topa' meikuang hong kia-in, meihal biakna a kizang bek hilo, a kim a leivui, hawklam sunga om tui nangawn kangcip zawzen hi. Pasian' thu tawh ahihna khempeuh na lamdang ong suak hi. Pasian' thu banga agamtat manin na lamdang meikuang ong kia hi. Meikuang fire kiatding a ut manin Elijah in Pasian' thu a zui, abia hi peuhmah lo hi.  

 

Pentecost ni (Jews mite' khuado ni) a na lamdang Khasiangtho kibuak zong tua bangmah ahi hi. Peter in Babel tausang ki lamma a 'language' pau kizang ong pautheisak in ci-a na lamdang a ngen hi zenzenlo hi. Peter in tua khuado ni-in, Pasian' thu um vive a hih manun Joel 2 sunga genkholhna teng genkik a, teci apang kikkik bek ahi hi. Pasian in a pai mi khempeuh

ii telkimding deih ahih manin pau kitelkim ding pau namkhat a napiasuk pak ahi hi. Mi leh na lamdang pen mite in Pasian' thu a uptheihna ding teci pang dinga Pasian' piansak, Pasian' bawl ahi hi. Peter in na lamdang pianding lamen a Pasian' thu a gen hilo hi. Pasian' thu bulphuhin thu ong gen, teci ong pan manin Pasian' kiang pan na lamdang ong piang ahi hi.

 

Satan in ni tawpni hun ciangin leitung mi khempeuh khemna dingin hih na lamdangte hong lehzat ding hi, cih Mangmupa John in ong hemgen kholkhin hi. Fire 'meikuang" tawh kisai khemna ong limgen simsim hi.

Gulpi in tua ganhing tungah ama aana pia ahih manin mite in tua gulpi a bia uh hi. Aana tawh abiasak hi, hilai ei. Hun nununglam ciangin Biakna tawh kisai kidona lianpi omding hi. Bang bia a, kua bia ihi hiam? Bang thu bulphuh a bia i hiam?

Bang hangin tuuno tawh kibang ganhing kibia hiam? Namsau tawh a si ding zahin a kisat liamsa hinapi a liamma ong damkik manin miten lamdangsa-in a bia uh hizen hi. Nalamdang tampi bawl a, mi khempeuhte' muhin van panin leitungah meikuang nangawn kiasak thei hi. Tua bang na lamdang a bawl manin mite in a bia uh ahi hi. Na lamdang bawl bulphuhin biakna ong nei uh a, miten umin zui lungluung uh hi. Na lamdang cih pen muhtheih (a kimu thei) ahi hi. No.1

 

Neulai a kipan Spirit of prophecy ci-in, sunday law ong tun ciangin aana tawh sunday ong kitang sakding, gimna namkim, bawlsiatna namkim tawh ong kibawlsia ding, gamlak ah bu ding cih bang danin uang genin ki lauthawngsak gawp ngei hi hang. Tulian laitak US ah death sentence ong kipiading hileh thuakhak lua in umkei mai ingh. Gamlak ah buk ding ciang khawng hilel ngel ahih leh, Elijah bang samlo ding i hi maw ka ci hi. Banghanghiam cih leh tuate sanga thuakhakzaw ding a nasia zawding khat om hi. Tua in banghiam cih leh "Satan' khemna" deception ahi hi. Hih khemna umin zui kha vanglak leng koi ah bu ding? Ei leh ei ih kizon kulding hiven. Tuaman mahin Topa Zeisu in kuama khemsa-in ta kei un ong ci hi.

   

Fire tawh kisai kidemkikna ah; Hun nunung ciangin Elijah bang mi a om diam? Yes! The Remnant ten Elijah' thupuak mah a  tangkoko ihi hi. Baal biakna a om diam? Amin a kibatlianloh hangin kinaih mahmah inteh. Van pan meikuangkia ong omkik diam? Meikuang ong kiat ciangin Elijah biakna tautung ong kia nawnlo ding hi. Pasian' kiang pan zong hinawnlo ding a, van pan ong kia meikuang ong hiding hi. Pasian' meikuang mah tawh ong kilamdanglo ding hi. Mei kuang taktak a hidiam? Hithei/hilothei. A thu bulpi pen 'a khauhpai mahmah khemna' ii lim hi a, remnant te' biakna khial hi,  Remnant te' lam ah Pasian panglo hi, remnant te Satan' khemna thuak te hi, remnant te' biakna ah leitung vantung ki-itna zong om beekkei, en mah un, om hileh, Khasiangtho letsong na lamdang bawlna khat beek neiding uh hi, neilo uh hi, cih tetti lahna dingin tua na lamdangte amau' biaknatau tungah ong kia ding hi. Akiatsak theihna dingun zong Pasian in khaamlo dallo mawk hi. Akhuan azii pia hi. Tua pen Pasian in Atelsa mite a ze-etna hi. Remnant te' biakna sangin Aanaa tawh akibia sak pawlpi' biakna a man zawding tawh ong kibang ding hi. Misiangtho te' lungduai ding thuakzawh ding ong kisam mahmah hi.

 

Nidangin 'seeing is believing' i ci-a, hun nunung ciangin ong kilehbulh ding a, 'khemna lianpi' kawlte' pau leh a tuh, a sit ahilo, Zeisu tuh, Paul tuh na mu ding hi. 2 Thessalonians 2:3. Paul in zong 'kuama khemsa-in ta kei un' ong ci hi. Ih mittang tegel suanglua kei ni. Upkhialhna dingin na lamdang tampi i mulai ding hi.  Topa Zeisu leh Paul tanghial ii warning ong piakngiat ahih manin ka'ng ngaihsut kei ni. Topa in Moses kiangah 'note' lakah kamsang ong piang in lim leh na lamdang ong lak thei-in amau te' nung zui-in, adang pasiante va bia ni' ong cih leh tua kamsangpa' thu na ngai kei ding uh hi. Topa na Pasian mah uh na lungsim khempeuh uh leh na nuntakna khempeuh uh tawh na it zaw un, na ci hi.  Tua hi-in khemna cih zong midangte' ong khemna pen phadawm lai. Ih ki-itpih ih lawm ih gualte' khemna pen thuakhak phadeuhin thangpaihhuai phadiak hi. Hun nunung a ong piang ding lim leh na lamdang a cih phatdiak pen false christ and false prophet te hi.   Ei' tha suangin um keining, zui keining, cilanlan kha peuhmah keini. Khem dingin ong kipan vanglakleh, hmm... Pasian' kiang teekteek a om vantung mite phawk huai hi. Pasian' khutme lian tawh kibawl mawhna nei ngiatlo Eden taihthuat Adam leh Eve phawk ni. Biakna man ih zonsawm leh, lungsim takpi, pilna leh thahatna tawh zon ding hi. Tua lo a, mit, bil, naak, kam, khut le khe khawng tawh ih zon leh pawlpi manlo ih mu pelmawh ding hi.  

 

Topa Zeisu in thunget danding ong hilh ngei hiam? He. Ze-etna ong thuaksak kei in.

Ahih zawhleh bang? A teelsa mite nangawn...uh hi. Hih bangteng atomno in ih et pak ciangin false movement te tatzia, biak zia te miracles, miracles, miracles bebek bulphuh phadiak uh i mu hi. Pawlpi man tawh a kalsuante' kiangah miracle omlo ding cihna hilo hi. A omkeiphial mahlehzong Laisiangtho Pasian' kammal tungah kiptakin kinga a ih kalsuan ding thupi hi. A manzaw ding bangkeekin tetti evidence, na lamdang sign, tua pawlpi ah i muphial zongin ih upna ih khahsuahloh ding, the just shall live by faith alone not by bread. Tua hileh Topa in a tawpdong a thuakzo misiangthote ong ci ding hi. Pasian' theih i hih ding a kisampha pen hi. En, Zeisu ih theih hangin Zeisu in annne kimlai ong theingei keng ong ci leh, bang? 

 

Tua in neulai-a ka la saksak 'mipilpa in suangpitung innlam' cih ong phawksak hi. Sehnel tungah innlam ih omleh suangpi ih tuahkhak dong thuk tawhbeh ni.

zoplaiding..........

laibu a ong kibawl ding ngaklahna tawh malep pak,

Titanic..History...

          Dear,Sanggam,Nu leh Pa,Lawm leh Gual,U leh Nau,Laisim mimal khempeuh,theih huai thu pawl khat kong hawm sawn nuam hi.A masa in a sunga thu paizia a telsiam ding in Topa'n telsiam na ong pia tek ta hen,Nong dot na tuam tuam te uh zong a hun lap in ong dawng thei lo ka hih man in nong telsiam na ding un zong ong thum ing.

Titanic.World war I...II...One World Goverment...New Orld Oder...Microchip...Freemason...cih te ong dawng thei nai lo hing..a masa in Tuni in Titanic...History a tom thei pen in ong gen ning...

 

          Hi thu te kong gen ciang in,mi khat peuh muh dah man,Pawlpi khat peuh daisak nop man,Lawm leh Gual khat peuh hehsak nop man,ki pilsak man...hi het lo in...Leitung Kumpi te leh Biakna makai te sep leh bawl te leh kalsuan zia te Laisiangtho sunga genkholh na te leh John Mangmuhna genkhawlhna ong taangtung kim khin nailo te ong taangtung toto ta ding a hih na thu na phawk ding deihsak na toh kong gelh hi.Hi thu te Singlamteh tunga eite ong Tankhia pa Jeisu Nungzui taktak te, ih mai ah ong ki bawl sia dinga,tua Jeisu  nungzui te bawlsiat na dinga ngiimna vive hi a,hia pekpan satan ong ki pan khia na hi in...ih maiah asawt lo in a ngimna te uh...Limlangsunga ihki et sanga a siang zaw in ih mu ta dinga,nang leh kei in...Jeisu hun lai a,agim thuak teng USA Goverment te tung pan in ih thuak kik ding hi.hehpih na toh Lungduai tak in na sim na sim sak in ci'n ong thum ing.

 

                 Background History of Titanic.

 

          1830- kum in America in Central Bank neinai lo hi.Tua lai takin Jesuit te in Bank khat neih na ding in lunggulh na lianpi ong nei uhhi.Tua hi a sumngah theih nadingin,gaal pian sakna pan maw,mi hau khat peuh thah theih na ding,a sia gamtatna sum ngah theih nadinga ngaihsut asia huai tuam tuam te ong ngaihsun ta uh hi.

1910-kum takciangin,Jekyll Island,Georia tuikulh ah Central Bank (Federal Reserve Bank) phuat khiat na ding in mi 7 te ong ki kai khawm in meeting ong nei uh hi,a khat vei na hi pah hi.Tua mi te a nuai a bang a hihi.

 

          1.Nelson Aldrich...2.Frank Vanderlp(the Rockfeller financial Empire te ii aai awh aa a pai..

3.Henry Davisan...4.Charl 5. Norton...6.Benjamin Strong(J.P Morgan te aai awh aa a pai...7.Paul Warburg (The Rothschild banking dynasty of Europe) te aai awh a pai...hi teng hi.

          Hi hun pekin mihau company nei na om a,Europe pan.America pan..,J.P Morgan-England Rothschilds pen,Papacy  pan.Rocthschilds pen Papacy Jesuit te ii Bank Sum lam a len a hi pah hi.Bek tham lo in Roman Catholic Pawlpi ii hauhna teng khempeuh a leen hi,a mah zong Jesuit hi pah hi,JESUIT ih cih ciang in Pope khutnuai a Pawlpi nasem...ei lam dan leh Tanu cih na hi aa,Pawlpi a ding in Sih a kul leh a si lian dinga ki pia,Sanggam laizom leh Nu leh Pa na ngawn thah a kul leh,hehpihna nei lova a mausepnop khat a khaak tan peuh peuh te a that lian dinga a ki piakhia,a maa nuntaakna zong a itzo lo zah donga Pope thu a um te uh hi.

         

          1857 maa pek in,Rockferller,Morgan te sum leh pai hang in nasep na pan in ong ki thei in lawmtaa zong ong hi uh hi.Rothschilds in hih a lawm teng toh Company tuam tuam thawnga ei aangsung ciat ding zonga kidem sang in ki pawl khawm in nasem khawm leeng ih sep nop khat peuh ki sem zo ding cih ngimna ong neiin,alawm teng toh ki pawlkhawm semkhawm ding in ngimna lianpi ngaihsutna nei ta hi.1857 kum in Bank of England in (run) zo non lo,a mau leh a mau ki phong ki zo lo,nasia tak in

ong sum gawp hi,tua tak ciangin a tunga ih gen America,Europe gam mihau te ong thih or sukha in Sumtampi ong sup lawh uh hi.Bank of England huhna ki sam ta a hih man in..Jesuit or Rothschild te in na huh na pan pih ta hi.Tua hangin Rothschild te pen...a Pu uh ong suak ziau hi.Ei khamtungmi te zong ih Pu a hi hetlopi Sum leh paai hang in India gam Calcutta khawng,Bombay khawng ah Pu...ki nei a, tua te sum toh summeet bawla a zin ih hihi,ih pu te in ong huh ta a hih man in ih zah taak mahmah a,amau cih bang ki nial ngam nonlo hi,tua mah bang in,Rockferller,Morgan te a theih loh kal un...Rothschild te pen a puu zahtaak mahmah uh suak ta.ih telsiam na ding kong beh lap hi.

Rockferller,Morgan te in Rothschild ngiimna thei lo uh hi,ong ki thu tuak toto ta aa,ong ki pumkhat takpi in a mau te theih loh kal in Jesuit te khutsung hi khinta.Hih sumbawl a nasemkhawm mihau Rothschild te, Morgan te, Rockferller te in...a ki sam bangbang Pope deihna banga.. Pope panpih ding in Innkuan khat bang in ong ki lung tuak to ta nana hihi.

 

         Pope in nidang in Leitung ong uk khin a, Pope deih na bang zui lo te Mak 5 val ong that uh hi...Tua ukna ana a neih hun sung uh Kum 1260 sung sawt hi...AD 538-1798 ciang ong huam lian hi Mangmhuna 13:3 leh Mangmuhna 12:6 sungah John in gen hi Daniel 7:25 in zong hi mah na gen hi a ki bang hi,

hi lian pen ong piangsa hi Mangmuhna 13 sung bup pi na sim in...Tua ukna anaa ih mai ah ong piang kik ding thu na ki gen leuleu hi tua pen hi ih mai ah ih ngaak,khang tampi tak ong pai suk a hih man in Leitung mi tampi te in ni 7 ni a maan mukhia zo non lo in Sunday ni Nipi ni kici ta mawk a hih man in Thawhkik ni Pasian ni siangtho 7 ni kisa ta hi...Rome Kumpi in tua ding mah a deih pen hi,hi pen Jeisu nungzui tak tak ih hih leh,thawhkikni Sunday ni Pasian biak na ni ding in ki ngah ngiat lo hi.mi hing te bawl tawm biakna hi.ni 7 ni Pasian pahtawi  nuam lo a,Sunday ni Pasian pahtawi sese pen Pope nungzuihna a hi hi...ko mau Phuhsa bawl tawm hi a cih ngiat uh a hi hi.na up kei leh ih mai ah ong huai kik ding hi.na en gige le cin,

AD 1798-2011 December kha ciang Biak na hang in Leitungbup ki buai kik nai lo hi.nuam mahmah lai hi.

 

         Sawt nuam mahmah non lo dinghi.Leitungbup Biakna vai toh buai kik ding hi hang, Vatican in tu'n tua ukna mah ong nei kik ding a hi hi..a mau bek in senpi zo lo ding cih thei a hih man in USA te ong ngawngkawi hi...Pope in Vaangletna ong neih kik theih na ding in...hih a tunga mihau te in nasia tak in maa laak ong ki pan ta hi,bang ci dan a ki pan hiam?? 

20th Century sung in Jesuit ten America te ii sum ong zang ziahziah hi,tua kawmkawm in America ii suahtaakna te,ki ukna te, amau khut sungah om sak hi..tua mah bangin tu hun lai tak in zong Leitung kumpi khem peuh Vatican khutsung tung khin dek tak ta hi. Pope a vang liat mahmah lam na phawk kha hiam,Kumpi hilo Biakna makai hina pi'n Leitungkumpi te tungah vai hawmpa hi khin zo ta hi,tu mah mah in.UNO ih cih zong Vatican te khut sung mah a hihi.

 

        1909 kum teh Belfast Tembaw khawlna,Northern Ireland ah Titanic lam ong kipan ta uh hi.Belfast pen Protestan te ii mun pi khuapi khat leh mun muan huai mahmah khat hia,Jesuit te muhdah mahmah na mun khat zong hi.Mi te up mawh loh theih2 na ding in ngian tuamtuam toh ong ki pan khia aa,Titanic pen Leitung ii a muan mahmah White Star Company tawh ong lam uh hi.Protestan cih pen Roman Catholic te upna umlo te hi.tua te ki bu phual na mun ah Titanic lam sese hi.

Federal Reseve Bank ong phuat khiat nop uh pen zong,Sum meet bawl na ding bek hi lo in,Leitungbup ong ukcip nop manuh a ngiimna hi zaw hi.Hi Bank vai pen mi hau Tampi leh Mipil Tampi te thukim khin lo uh hi

Tua a hih man in Jesuit te ii ngimna a hi Federal Reserve Bank a langpang te a ding ngiat in,Titanic Tembaw pi ong lam uh hi,Titanic pen Mite suksiat na ding leh mi thah na ding vai lian pi ong suak.

 

         A hang a bulpi pen bang hiam? cih leh,Federal Reserve Bank phuat khiat ding a thukim lo.mi hau 3 na paa hi,tua te kua te hiam?(1)Benjamin Giggenheim(2)Isodor Stauss(Masy's department stores ii lutang pi),

(3)John Jocob Astor(Leitung bup a mi hau pen pa)a hi hi.Hih mihau pi teng leh mipil pawl khat in Jesuit te thu manglo in nial uh hi.tua teh ih langah pangzo ding,Federal Reserve Bank owngmian lo ding hi hang cih ki thei uh a hih man in,hi mi 3 teng  that leng a mau hauhna teng ih khutsung tung ding ih sep nop peuh2 ki sem zo ding ci in,Sum lunggulhna,Hihna,Makaih nopna toh na ong semto hi.Jesuit ten hih thusim a neih lam uh kua mah in thei lo uhi.

 

     Titanic Tembaw zong onglam a,manta hi.Tembaw tungah mite muan mawh theih loh nadingin Irish mi 

tampi...French...mi tampi leh Roman Catholic mi tampi America ah Immigrant ding/piang ding or kisuan ding honkhat Tembaw sungah ong ki hel uh hi.Belfast aa Protestan te zong USA ah a Piang nuam a ki tuah nuam te zong a zuih na ding un zol uh hi.Mihau khem peuh leh Mipil khempeuh te khual zin na dinga Tembaw ki bawl pen Jesuit te ngimna lianpi hia.Tua mihau 3 te zong nasia tak in ong zol in,a mau te 3 zong ong paa or ki hel theih na ding in tha ong pia in..Lampi tuamtuam toh ong zol khia thei ta uh hi.Mi khem peuh lawp sak mahmah uh a,Titanic Tembaw sanga a khauh pai zaw zong ki bawl ngei nai lo hi ci in gam sung mi khem peuh in,a min than na gen uh hi Leitung Bup a mi hau ih cih a Si ding

(1)Benjamin.....(2)Isodor.....(3)John Jocob.....hi teng thum zong lawp takin Tembaw sung ong lut pih ta uh hi.

Hi teng ii  neihsa toh Leitung Vatican in ong Laak sawm na hi.

 

         Tua hun lai taka a mau hauhna pen,$500.00 Million hi...tu hun lai tak bang hi leh, 11 Billion khawng hi ding hi ci...a ki gelh na lai sungah bang kum a hih Laibu ong ki gelh hiam?thei keng..

Titanic Tembaw pi ii Captain pa pen Edward Smith hi.a mah pen Atlantic tuipi tungah khual a zinzin kum 26 sung bang Tembaw a hawl khin hi.Leitungbup ah Tembaw hawl a siam a min thang minphat na pahtawi na a ngah khin zong hi.JP Morgan te khut nuai ah zong kum tampi tak nasem khin khat zong hi.

Edward Smith pen "Jesuite tempore co-adjator" a kici min ngaih mahmah khat hi in,a khiat na in...Priest(siampi)lah a hi lian lo...A nuntaakna aki pum piak cihna a hihi......

 

         1986 kum in,National georaphic te in Video Tape ong bawl khia uh aa. "The Secret of Titanic" cih thulu toh ong hawm khia uh hi..April 10,1912 ni in Titanic Tembaw pi Southern England pan ong Dingkhia ta uh hi.

Francis Brown a ki ci Jesuit te ii Master pipa zong ong ki hel thei hi.hi pa pen mi thupi leh a vaanglian mahmah khat hi a,Rome pan aa a oder te a dawng kik pa a hi hi.Edward Smith in zong a muam leh a up mahmah hi.Edward Smith pen gal hang mahmah khat leh gal sungah a nuntaakna na leeng a pia khia ngam ong hi ta a.a nun taak na a bei ding hun ong nai ta hi...Titanic Tembaw ong din khiat maa in..Thunget na ki neihsak in,Jesuit te upna bang in Vantunggam nuam tung ding in nasia tak in Mangpha ki khaak na Bishop te toh nei uh a,a Si lian ding mah in ong kuan khia ta uh hi.a mah bek hi lo in mi hon khat mah pha uh hi.

 

         England pan in Titanic Tembaw ong ding khia ta in Tuipi tungah ni 3 sung hong pai ta a, Tuikhal mualpi ong nai pian ta hi.a ki galmuh theih ciang in Tembaw Captain Edward...in Tembaw a speed ong khan sim hi tawm tawm in speed ong khan khan in...Tembaw pua lam khua ki mu thei lo in khua mial mahmah sawnsawn hi.kua man khua a muh theih loh na ding un..Moon..Kha taan loh lai tak a geel uh hi.khua mial or zing lua a hih man in a sunga ten Tembaw a hat tektek lam phawk dek lo uh hi.Iceberg..Tuikhal pi nai ta a,Tembaw Captain pa in a speed a full in ten ta hi,,thusim theilo Sicurity pawl in,warning pia in..awl mawh lo hi.Warning a pia Telegram pen ging sak ta leh ki lam dang lo,hat semsem in Telegram pen 8 vei gingsak in Captain pa in awl mawh lo hi.thei napi phawk na pi'n,a lau huai mahmah lam awlmoh zolo hi.Bang hang?

   

         Edward Smith a ki ap na pen tua Telegram ging ging te in lung kham sak zo non lo a,zong khaam zolo hi.

bang hang hiam?...Jesuit te order ngah sa leh Titanic Tembaw suksiat ding,Vatican aa a Pasian toh ki ciam khin sitset a hih man in..tua Telegram tein alungsim khua phawk na lawng zo non lo in awl mawh sak zo non lo hi.

Warning tuamtuam tein Captain pa Lungsim hei zo lo hi,a speed  ong khan semsem aa,speed fullin ong leng zeze bek hi.a hat lai takin Iceberg,Tui khal mualpi ong phu ek mawk ta hi.Mulkim huai mahmah hi.Tembaw sunga ten thei lo mawk uh a pawlkhat te ki lumlet manguh a.Si dingcih theih sa gegu in ki en bekuh a,koi lam zuan ding cih lampi omlo hi,lungkhamna

bek toh ki dimin dah in kap in thum in tau uh hi.lam kal a hih man in,a hon khia ding tuipi tungah midang omlo hi. 

 

         A sunga mi khempeuh in buai na ong tauk ta. John Jocob Astor (mi hau pa) ii Zii pen Patau huhna te ngah kha a hih man in,ong suakta bilbel a,a Pasal pen Nort Atlantic Tuipi sungah ong si ta hi..a lawmte nih 2 zong Si hi.hi hun lai tak pen Tembaw sunga teen nuam a sak lai tak uh hi sawnsawn a Party a bawl lai tak uh a hi hi.Kua maa khua phawk loh na dinga Party bawl dingte in, tua hunkiim aa a bawlna dingin,a sehsa uh na hi lai lai hi.Nguun kuang sungah Naupang thu thei lo te leh Numei thu thei lo ding te tawm no khat suakta sak uh hi.

 

          A ngiimna lianpi uh Titanic Tembaw vai pen Jesuit te gualzawh na ong hi ta.

Federal Reserve Bank  neih ding deih lo te Si khin ta uh a hih man in,Bank ki nei thei ta ding.

Nort Atlantic tuipi pen Haankhuuk suak in,Titanic Tembaw pi pen Haan kuang ong suak ta hi.

Federal Reserve Bank a deih lo a langpang khempeuh ong dai mang ta a.1913 ciang in hih Bank ong piang khia ta hi.Federal Reserve Bank ong piankhiat zawh kha 8 na ciang,Tembaw sunga Si te sum teng Bank ah ong tuan uh a,sum ki cing in Jesuit te ong hau mahmah in a sum teng Vatican sum ong suak hi.Neihsa lamsa ki cing ta a hih man in..leh pa tau non lo a hih man un,Leitung uk kik nop na Vatican lungsim sungah mang thei lo a hih man in French te ong aang kawi in..Leitung uk ding in ong ki thawi kika,World War I  ong piang khia sak pah uh hi.Tu in USA ah Federal Reserve Bank om lai a,Leitung gam khempeuh a mihau teng ii sum khawl na tuni in kip tak in ding lai hi.Hih Bank pen Kua te hiam??????? a nei.Vatican te Bank or Roman Catholic te aa ahihi.

 

 

          Hi thu te laimaai 1 leh 2 bek toh zawh ziau theih hi lo a hih man in,ong sau sim hi..Taangthu  khat a hih man hi,a sim mi khem peuh in kha lam ah khan lawh na na ngah na ding uh ka thu nget na hi.Tu hun Leitung pai zia te khua daak siam hun ta hi.ih mai ah bang ong piang lai ding hiam?lung hi mawh huai ta hi.Na lung hih mawh kei leh,nang lung hih mawh loh ong bang lo ding hi.Jeisu nungzui te ong ki bawl sia kik ding hi,Jeisu hun lai a Nungzui te thuak na sang in haksa zaw ding hi.Jeisu zong a nungzui te in Taisan mang khin hi,nungzui te upna sang in nang upna lian zaw nai lo ding hi.a mau ten zong taisan buang aih teh Nasia tak a ih ki ap kei leh Bawlsiatna ong tun ciang,en zong Jeisu ih taisan kha ding ai ve..ih ze kaai luat ma in..ih vekpi in ki ap ciat ni..

ci'n kong zawn hi Sanggam....

      

         Koi pan in Titanic Secrets ong ki thei khia kik hiam?a mau nasem te tung mah pana ong ki thei khia kik hi.na theih nop leh a laibu min kong pia ding hi.(The Creature from Jekyll Island,) p.209 ah ki gelh hi.1986 kum a National georaphic te ii "The Secrets of Titanic"Video thoh ding hawm khiat ding ong geel na uh pan ci,a Laibu in.hi thu te kong gelh ciang in...Lungsim ki thu tuak lo upna ki bang lo.Thu ki sel ding ki nial ding...cih deih na hi lo hi.Laisiangtho sunga Kamsangte genkholh na te Taangtun na dinga Leitung Biakna te leh Kumpi te Lampi khat tung ah a khang a khang in ong ton toto a,tu mahmah in zong Lampi khat zui in ong ton khawm lai hi, na mu hiam? na mu hiam? na mu hiam? Na muh kei leh Satan in bang sem hiam cih a thei lopi nahi kha ding cih kong deihsak na hi, hi thu khamtung mi te bekin theih ding hilova Leitung mihing khempeuh tungah a ki tang ko ding a hi hi.

        

          World Trade Center (WTC)zong...Taangthu a nasia mahmah a sung tawngah thuthuuk pi khat na om,hi thu te Leitung pilna toh muh khiat a tel siam ding zong hilo hi,khiatna nei deihna nei hi.Singlamte thuakna mahtoh a kizom toto a hih na thu tel huai,hi te Laisiangtho thu thuuk genkholhna tangtun na dinga Leitung Kumpi te nasem mipi theih loh thusim te hi.Taang lai in zong Pasian mite ong ki bawlsia suksuk hi.Kumpi te thu piak vive hi..tua mah bang in,US in Pasian mite GAL IN ONG DO DING hi. 

America gam mipi 75 percent in Binladen hilo cita ai ve na um na? US Goverment te mah hih tuak lailai.

          2011,Agust kha in TV chenel 375 ah ong ki luan khin hi.Leitung Biakna tuamtuam te leh Leitung Kumpi te ii Politics pen saang lua thuk lua,a hi zong in Pasian in Dawimaangpa Sataan nasep ding te,a mi te tungah Laisiangtho tung tawn a ih theih ding in,kicing takin sia leh pha khentel theihna ong pia khin hi.Biakpiakna ih neih ding cianga ih Khuta ih tawii,na Laisiangtho hoih tak na sim pha in la,hun nunung ah bang teng ong piang ding cih Zawhang Mangmuhna sung na tel kheh ta un...cih kong haan suah nuam hi.

 

Cimtaak lo a nong sim sak man in na tungah ka lungdam Topa'n athu te a telsiam dingin,Lungsim pilna, khensat siamna te Nang tung ong tung sak ta hen,Nang tungah ka lungdam.

 

Lai at:Dal Lian (Dalboih) 

Sia DoKhup hun zat na a tom in.

Motor hoih i cih pen hat mahmahin a maia motorte phu ziahziahte hi lo hi. Ka motor a tai veva kimlai a brake ka sik leh khawl cih pen motor hoih ahi hi. Kuamah phutkhak loh ding ahi hi. Brake om lo motor kizuak Ieh kuama'n lei lo ding hi. Kha Siangtho in "Zomite Kha brake puahphat hun ta hi " ci hi.

 

Ni tawp ni mihing pianzia ding:"A nunungbel nite laitakin a haksa hunte hong piang ding hi, ci-in na ciamteh in. Banghang cih Ieh mite in a pumpi uh a it mi, sum it mi, a ki­sathei mi, Iungkhauh mi, mi gensia thei mi, a nu le a pa thu a mang lo mi, hehpihna aphawk lo mi, a siangtho lo mi, ngeina bang itna a nei lo mi, mi a gendai thei mi, a pumpi a kern zo lo mi, a hangsan mi, a hoihtam a deih lo mi, thuciam asiasak mi, thuhilh a ngai nuam lo mi, kisaktheihna tawh a hai thei mi, Pasian sangin leitung nopsakna a itzaw mi, Pasian biakna puatham teng zui uh a, ahih hangin a vangliatna a vial mi ahi ding uh hi. Tua bang mite na peel in."(2Tim.3:1-5).

 Tuhun pen hun nunung hi ta hi. Ni tawp ni hun pen lungkhamna hun hi ding ci hi. Pasian' nasem hi'ng. ci-in thu khawng ngenin kam khawng sang zatzal napi'n a taktak ciangin a zuaupi khawng hi ding hi, ci hi. Mi i gensiat theih kekkek pen Pasian in na thupilak mahmah hi. Makai khawng
hi napi zu a kham theite, mi a gensia theite le guta theite tawh ki­khawl kei un, an ne ding nangawnin tukhawm kei un, ci hi. Ei Zomite sungah gupna thu pen kum 20 bang ka gen khin a, Sia Mungtawg in kum 30 bang gen khin hi. Gupna thu tampi in i sang a, ahi zongin luanglel kha den hi hang. Luang lel cih pen ling kineih ciangin a kigual diudeute khengval a
kikhukte ahi hi. Tukpeng suih ciangin zong tuk­peng tawh ut tantan kitai thei napi'n tukpeng hong tun main na langa nung­thuapte na va khen khak leh offside ci-in daan hong
kipa ding a, nang lam­ah hong kilehsuih ding hi. Ahi tan ding sangin a valzawk leh mawhna hi.

 Ei Zomite pen a luanglel thei nam hi hang. Mi zong zu ne tek napi'n ei zah lianga kham om lo hi. Japan Pastorpa'n an hong nekpih lai-in beer hai khat dawn lel hi, ahih hang a kham­in ne lo hi. E'n zu i nek leh i luak dongin i ne a, an ne le'ng zong zatang nek loh a phamawh dongin a nete hi hang.
Anlang hausapa in "Insein kido lai-in hong kimanin ni 7 sung an hong ngolh hi. Ka suahtak ciangin an om­zahzah ka nek leh ka gawl clang dim a, sawt loin ka gil hong na ahih manin Pastorpa ka samsak a, "Sia aw, hong ap in" ka ci hi. Ap a kul zah donga an a ne zote ihi hi.
I Pasian biakna kin nawn loin ngahna lam bekbek ngaihsunin ang­sung vai slam mahmah hi hang. Sum tampipi beia thunget i lak khawng zong ngah lai nading i ngaihsutna hi. Tua ahih manin Zomite huaihamna sungah tuakmang khin hi hang.
Pasian' mizatpa Pawlu in "Tu­hun dongin gilkialin dangtakin puansilh nei loin ka om uh hi. Inn zong ka kei uh hi. Ka khut uh tawh gimpi-in na ka sem uh hi. Hong kikosiat ciangin thupha pia-in ka thuk uh hi. Gensiatna ka thuak uh
ciangin ka thuum uh hi. Tu dongin kihhuai nate bangin ahi zongin mun khempeuhah a kiphiatkhia ninte bangin ka hi uh hi." (1Kor.4:11) ci hi.

 Pasian mizatpa Pawlu in taihinn, motor ka nei hi, biakna tawh ka hau hi, ci lo hi. Ei pawl i biakna tawh hauh sawm ihih manin i lungsimte maan nawn lo hi (Mm.6:5 )" Thuman thutak zui loin hauh theih nading bek a ngaih­sunte
lakah kitot kiselna piang hi. I lungsim paizia maan lo ahih manin mi teng muangmawh thei hi hang. Tua hangin kitot kiselna piang thei hi. Leitungah i suah lai-in sum le pai tawh i suak kei a, i sih ciangin zong bangmah i keng kei ding hi. Sawltak Pawlu in ‘Annek tuidawn nikten puansilh
ding i neih nak leh pha zo hi, `ci hi. E'n pen 'pha zo' sa lo ihih manin lunggim loh nadingpi ah lunggimin kap liangin thu i ngen hi. Kha mangthang mat nadingin tua zahin thu a ngen hi le'ng Pasian i ngetnget teng nget lohin hong pia ding hi.

 Lai Siangtho sangkah pawlkhat zong kha mangthang man nuam hi lo, Mangpau siam ding, leitungbupah pai thei ding hi, cihna hi tazen hi. Pasian in a teeltuam Itazilaten thu a man loh uh ciangin minamdangte' sila dingin Khalam thusinna kahsak thei zel hi. Kha mangthang zong dingin a kipia tenten tam nawn lo ihih manin Zomite kipuahphat ding kisam hi hang. Sia khat in Sia Do Khup' inn le lo, a zi a tate thu vive pulpit tung pan a gen niloh leh hun pia nawn kei un. Pulpit pen tuate gen nading hi lo hi. Sia khat in pulpit pan a gen ding pen tua khua ah cialpi ka bawl leh kha mangthang tuazah in gupna ngahin cina tuazah dam hi, cih to gen
nading mun ahi hi.

 Siate, upate makaite i thugente i thungette kienpha kik dih ni. Pasal takpi leitung na nengno khat deih man kap liang a thungen cih pen maizum­huai hi. Hih leitung nate pen a kangtum ding vive ahi hi. I kahpih ding pen "To-pa aw,
ka gam vuah Nang hong thei nai lo kha mangthang tampi om lai ahih manin a kha uh hong pia in" ci a i kah ding hi bek hi.

 Topa Zeisu pen numei kizuakte, miphakte, siluang natna neite le denlup dinga kikoih numeinu tawh kiho lel hi. Siapa zong pawipi sunga mizawng daipam khat nangawn in a maingap hi leh hoih hi. Siapa tawh kimu ding pen uliante tawh kimu ding zahin a lau leh Zeisu' zia tawh kituak lo hi.

 Upa pawlkhatten sumpi khem­peuh inn lam nading bekin ngaihsunin Slate' khasum khan ding haksa sa mahmah thei uh hi. Sawmah khat sum-pi pen siampite Siaten kham takin a nek ding uh hi a, innlam nading le sum kisam tuamtuam pen
kidongtawm le-hang hoihzaw ding hi.

 Inn lam nading sum i kidon ciangin K.lakh 1000 haksa i sa kei a, cialpi bawl nading K.lak 100 haksa i sa mah-mah hi. Zeisu in thupi a sak loh tata thupi i sa hi. Nungzuiten Jerusa­lem biakinnpi thupi sa mahmah uh a, Topa Zeisu in a
sawt loin kisia ding a cih bangin a sawt loin kisia takpi hi.
Topa Zeisu in thupi a sak cina lunate, mizawng daipamte, meigong tagahte le mawhneite thupi sa lo mawk ihih manin Zomite paikhial hi hang, Kha brake kan hun ta hi.

  Thu um pawlkhat in Topa piak thuphate Topa' gamzai nadingin zang lo banah a thupha ngahte, pulpit tung pan gengen hi. Thupha i ngahte gen­gen ding bek hi
loin Topa' gam tangzai nadingin piakkhiat ding ahi hi.

 Sum bekbek a ngaihsun Zudah Siakazoh in Topa Zeisu a zuak lai-in ka Topa pen vanglian mahmah lel ahih manin that zo tuan lo ding, ken sum na ngah khinkhian ding ci-in a ngaihsut hi, kici hi. Topa Zeisu pen a si dingin thu a kikhen lam a theih teh siampite maiah tua sum a piak kik leh amau na sang lo uh hi. Topa a zuak khak kisiklua ahih manin guiawk-in si hi.

 Topa Zeisu kihel lo a hauh pen buaihuai mahmah hi. Hauhna bekbek i lunggulh luat a, ei angsung ding bek i zon leh i biakna mang ngilh kha ding hi hang. I theih loh kalin Zeisu i zuak­zuakna om khin kha ding hi.

 Ute naute, an tanga thu i nget ngette Topa' gamzai nading mah hiam, I hauh nop man, i tate gamdang pai theih nading i deih man khawng hizaw lo hiam? Tua thungette Topa a lungkim ding hiam, thupi a sa ding hiam? Pasian in thupi a sak pen kha mangthang matna hi. Kha khat pen leitungbup sangin manphazaw hi. Pasian' nasemte le pawlpi mite in Zeisu hangin i thuaknate, Ama min adingin ma i pan khaknate hangin ki­saktheih ding bek ahi hi. Lungdamna­thu tangko nading huhna ngah pawl­khat, lah pai lo, lah gen lo, sum a pia-ten dong leh kha mangthang 100 man ung, mawk cih.

 Zomiten leitung nate adingin pulpitte ah teci kipang ngeingai a, ahi zongin kha mangthang matna kitam­zak nawn lo hi. Ka tapa gam thumna tung ta, Haleluijah! a cih leh mipi in "Amen" ci zaw mah lai hi hang.

 Mi pawlkhat in a hau lote a pianthakna sitkik kul ding ci hi. Piang­thakte hau hamtang ding cih bang Lai Siangtho munah om hiam? Sawltak Pawlu bang inn le lo nei lo, zawng mah­mah ahih teh piangthak lo hi ding hiam? Kha meter pen
hauhna, liatna tawh kiteh lo a, Khamangthang veina le matna tawh kiteh hi.Pasian in leitung pen leibuk bangin na gen a, logiak bang ihi hi. Lo i giak ciangin cipek tungah kilum thei mah a, ahi zongin khua sunga i inn om gige ahih manin kilungkim lel hi.

 Mazih in Topa Zeisu a innah tungsakin zin do den hi. A sanggam­pa Lazazuh a ci hong nat ciangin Topa Zeisu samsak a, pai pak loin a sanggampa hong si petmah hi. Zeisu pen nuaksan tuan loin Topa Zeisu a hawh ciangin Mazih in va
dawn hi.

 Mazih in a manpha mahmah paknamtui thawl sukhamin Topa Zeisu' lu tungah buak hi. Tua pen Zudah Sia­kazoh in a sukkhap sangin zuakin mi­zawngte hawmsak le'ng
a cih pen a sum ama khut sungah kizeek ding a utna hi ding hi, pawlkhat in ci hi. Piak khiatna lamah ma a pang Mazih tung ah Topa Zeisu lungdam mahmah ahih manin Lungdamnathu a kigenna khempeuhah Mazih thu kigen ding hi, ci hi (Mk.14:9).

 A ngah ding bekin kiging kenla a piakhia ding lamin ki-ap in. Midang te'n K.1000 khia a, nang K.1 na piak leh maizum ding hi tuan lo hi. A tawm a tam thupi lo hi. Meigongnu piak bangin a pia na hih nak leh Pasian in thupha hong pia ding hi.

 Zomiten "khat veivei nek ding nei lo, khat veivei silh ding nei
lo..."cih la i saksakna panin Topa'n in hong lam-sang ta hi. I dinmunte sang ta a, a niam lamte i mu zo nawn kei hi.Ei leh ei kienpha tek ni.Pasian' gam leh a dik i zon khit ciangin hong kipiathuah dingte e'n zong masa zaw kha den hi hang. I zon tak­tak ding pen A gam leh a dikna ahi hi. Pasian' gam cih
pen mihingte' sungah om hi. Kawlgamah Pasian' gam pen mihing 100 ah 10 zong om zo nai lo hi. A gam le a dikna to a sangin a zai­zaw'n i zon kul ding hi. Ei pawl i om hithiat leh ni khat ni ciangin Zogam pen milim bia gam suak lo ding kici thei lo hi. Zeisu thu lo thudang hong lut ding pen na sa mah­mah ding hi hang.

 Tu hun ciangin bangmah i awl­mawh om nawn lo hi. Zogamah Zeisu thu lo thudang hong lut ding pen ei innkuan nuntakzia a lem nak leh lai­natna, thangpaihna cihte tam neih nawn lo mawk hi hang. Topa Zeisu in A sisan manpha tawh a leisa
mihing khat hell sung a tun ding pen na i sak veival ding kisam hi. Zeisu na pawlpih zahzah Aman hong pawlpih ding hi. Bangmah nei lo zahin Zeisu adingin na

   

Mi khat kiangah thungen dingin na pai ciangin sum hong piak theih na­ding, niangtui hong awm theih nadingin gen kei in. I Khami hihna pen hauhna meter tawh teh kei ni. Zomite thuman thutakah i din ding kisam hi. Kha brake kan hun
ta hi.

 (FGA a Zo hunah hunzatna pan kitom­lak hi, Endikpawl)
Source: Zangkong Awging August 2011