Nimrod

 From: nang khine <tunpi95@yahoo.com

Nimrod min kilo za kiaukiau zel ingh e, Gideon, David, Samson te' tangthu bang a zaknop lualo, lessons lak ding tawm mahmah aitam phawk kikkik ding leh ciapteh ding a tangthu ong kisuut lam ka limtheihnai kei hi. Galhang,saben siam cih khat-in ka hem theih milmial ding tawh ka kibang hi. Nimrod tangthu world history kasak leh Laisiangtho sung a om min khat na hi mawk. Zekai veve sam ingh. Laisiangtho sunga ka muhdan teng a saulualo pawlkhat:

Ih tenna leitung ninlua kih huailua mahmah ahih manin Piangsakpa Pasian in tui tawh ni 150 diahin ong sawpsiang kilhkelh khit ong thaksuahsak renewed khit thupiang thu ahi hi. Piangcil-a sawpphat pah cileng tu'n nak nitngel ding aive maw!

 

Piancilna 9:1. Pasian in Noah leh a tapate thupha pia a, amaute tungah, "pung un la, tampi pha-in, leitung dim un", ci hi.

 

Adam leh Eve ong phawksak kikkik e. Gitloh ngongtatna evil khempeuh tui tawh susia khin ka hih manin hoihna leh dikna thuman tawh pung un, tampi pha un, leitung dim un, siatna kizosak kikkei un cih lam tawh Pasian in thupha a napiak zawk ahi hi. Tawlkhat sung Tembaw kingakna mual kiimteng ah Noah leh a suan a khakte teng uh hi. Turkey leh Chinese archaeologists ten Noah teem baw omna mu ci ven, tua kiimkiim ahih leh lunglenhuai zawzen ...Discovery channel a ka muh...

Hih midik 8 teng in leitungah siatna tunnawnbuangsam ding hiam cih kawmkal ah Noah zukham-in ong buaipah malam hi.  

Zukham a buai bek hilo-in a tapa Ham leh a suan a khak teng ong samsia dikdek laizang hi. Zukham ii a gah...Hamsiat thuak Ham ii khanggui zui-in Nimrod ong piang hi.   

Piancilna 10:8. Cush in Nimrod kici tapa khat nei a, amah pen leitungah a vanglian (mighty warrior) masa mi ahi hi.   

 

Hih a vanglian a thahat Nimrod tung tawnin dawimangpa in tuiciin tunma a gitlohna khaici ong tuh hi. Mite in tuiciin tun thei na pi-in bang hanga tuiciin tung hiam? "Ahang" ong mangngilh baih mahmah mawk uh hi. Noah in kum 120 tawntung mawhna pan kisikna ding a tang koko warning a piakpiak thute kin-in neilo uh a, a mawkna suaksak uh hi. Nephilimte gamtatsiat bangin gilopa' holhthawhna tawh Nimrod in leitung ah gitloh ding ong pankhia hi. Piancilna 6:4. ...tanglai mi thahat, mi minthang mite tua hun laitak hita leh tua khit hita leh Nephilim mite leitungah om hi.

 

Hih mun limtak simleng tuiciin tunma hita leh tun khit hita leh.. Nephilim mite om ding genkhol hi. Tuiciin tun ma-in Nephilim mite in Pasian' hehluatna dingin bang bawl a, Pasian in leitung thaksuah sakkiklawh zawzen hiding hiam? 

Tua mah bangin tuiciin tunkhit teh piangkik lua kisa, omlua takpi-in Nimrod a kici mipa leitungah a vanglian masa mi ahi hi.

Paunak 17:11. Migilote i cih in thusia bekbek a deih tawntung te hi.

 

Thusia bekbek a deih tawntung migilopa zom ah leitung ah a vanglian masa Nimrod in a nihna ah zom hi. A lungsim sung uh ah langpan ding leh dem ding bekbek geelin nei uh ahih manun, Paunak 24:21.....  amaute tawh kipawlkha kei in.

Ahih hang  amah kan a thahat kuamah omlo ahih manin  mite in Nimrod nung zui-in ong kipawlkhawm veve ding uh hi. 

Piancilna 10:9. Amah pen Topa' mai ah a minthang sabengpa hi-a, "Topa in Nimrod bangin a minthang sabengpa hong suaksak ta hen," kici hi.

Bang hangin Nimrod sabeng a minthang zenzen aitam? Paikhiatna 23:39 Gamlak sapi wild animals punglua in mihing ta ding lau huailua ahih manin Nimrod in saben samat tawh mihingte dalin honkhia hi. hmm...

Hih a tunga Piancil 10:9 mun nihvei thumvei limtakin ka sim phatphat hangin hibualbual salua mai ingh.

Nimrod pen sabeng minthang hi. Amah pen Nimrod bangin cizel. Amah acih kua aitam? Ka cihna ding thei keng. Ahi zongin Nimrod leh amah ii sa benben pen mi bengbeng na hizaw uh hi. Tuiciin tunma leh tuiciin tunkhit a gilopa, langpangpa limla na hi uh hi. Gilopa in bang hih hiam? Job 1:7. Satan leitungah vak kawikawi hi. Bang dia vak kawikawi ahiam?  1Peter 5:8. Dawimangpa, humpinelkai bangin a nektheih ding zongin vak kawikawi hi.

 

Nimrod samat siamlua minthanglua ahih manin kumpi ong suak hi. Kumpi om lo-in, kumpi gam a omtheihloh mah bangin

Paincil 10:10. Ama kumpi gam kipatna Babylon, Erech, Akkad leh Calneh hi a, Shinar gam sungah om hi.

:11. Tua gam panin Assyria gam sungah amah pai-in Nineveh khuapi a sat hi.

Laisiangtho sungah Babylon kumpi, Nineveh kumpi, Nimrod simloh kumpi masa zaw om nailo himai hi. Kumpi cih ciangin na khempeuh ukna, vaihawmna (system) nei hi pah hi. Babylon in Nimrod system tawh zungkha-in ong ki ukto suak uh hi. Tuiciin tun khit thuman pan lampialna Nimrod in ong pankhia hi. One world government ngimna panla masa Nimrod ahi hi. Bangci bangin ong pankhia hiam cih leh,

Babylon kingdom, Persians kingdom cih bang kingdom tuamtuam ong piang suksuk hi. Israelte ong theinpaih gawp, Israelte' gallianpi teng hong hi uh hi. Israelte' gal neih gamteng ii pianna khanggui zom kipat cilna Ham (voksa), Nimrod kumpi gam mite Pasian thuman pan lampial mi suanlekhak teng ahi uh hi. Gam-uk dictator te ong kisumaimang pian hikei leh a lungsim khempeuh uh Nimrod lungsim paai vive ahi uh hi. The Tower of Babel ong kilam cilna kumpi gam kisat hang ahi hi. Tuama in kumpi gamcih bang kizangei nailo hi. Nebuchadnezzar te hong ong minthan mahmah uh hang Nimrod sialsa lampi a tawtman uh hibek hi.

 

Piancil 11:1,2. Tua laitakin leitung buppi in kampau khat leh kammal tawmno bek nei hi. Amaute, nisuahna lamah lal uh a, Shinar gam sungah zanglei mun khat mu-in tua lai ah a teng uh hi.

 

Nimrod makaihna tawh koi lamah ong pai uh hiam cih leh,  Nisuahna lamah. Bangdia nisuahna lam zuan uh hiam? Tungsun "Ni' zing nisuak tangsilsialna mun ong zuanzen uh hi. Tua a tenna uh zanglei mun pen tulai Iraq gam hih tuak hi. Hingel mah in teh.

:3. Amaute khatlekhat kiangah, "hong pai un, leiseek seekin limtakin hal ni," kici uh hi.

Amaute in suang dingin  leiseek nei uh a, a buan dingin kultal tui nei uh hi.

 

Iraq gamah suang omlo zawzen Palestinian ten Israelte a denna dingun luahsiangsak khin hiding hi. Babel Tau lamna ding suang omlo, suang tangin leiseek seek uh hi. Cement bawlthei nailo uh ahih manun Tar kultal zang uh hi. MBBZ.

:4. Tua ciangin amaute in, "hong pai un, leitung buppi ah eite i kithehthanggawp lohna dingin ei a' dingin khuapi khat bawlin, a dawn in vantung a ban ding tausang khat lamin, eite' minthanna ding khat bawl ni," ci uh hi.

 

Khuapi deih uh hi. Tausang deih uh hi. Minthanna deih uh hi. Kigawmkhop ding deih uh hi.  Amau sepna leh amau hanciamna bekbek suang uh hi.  "Salvation by works" a cih linlian te ahi hi. Pasian' minthanna ding kam malkhat zong lo lo uh hi. Pasian' deihna deihlo uh hi. Pasian' deihna bang hiam? Pung un, leitung dim un, kithehthang un. 

 

Tu hun leitung mite nunzia leh biakna neihzia zong tuiciin tun zawh Nimrod te paizia tawh a kibangbang hong hita hi. Amau hanciamna tawh a lam uh tausang tung tawnin vantung a kah sawm uh hi ngiau hel zen uh hi. Pasian in tausang lam ding khuapi lam ding sawl zenzen lo hi. Amau MBBZ tawh a sep uh hi bek hi.  Ahi zongin Noah ii tapasal neih thum lak pan Sham ii gui te bekbek in Nimrod system zuihpih lo uh hi. Abraham aw, kong lah ding..........ah....Pasian in ci-in sawl bek hi. 

 

Leiseek limtakin hal ni, a kicih mah bangin verse 4 na limtakin simkik dih ni. :4. "Let us build a city and a tower, whose top may reach unto heaven," KJV. Hih santak ah "may reach" a sawi dengdangin ki khen hi. Hih malnih pen translators te guan beh mawkmawk hi. A kilamdanna a om veva keiphial zongin, may reach a ban ding, lakhia-in sim leng, asang thei penpenin tausang lam ni! in adawnzaang ah vantung biak theihna ding mun bawl ni, cih geelna nei hizaw uh hi. A geelna uh a tangtung bang hi leh, zing nisuak san silsial va'ng in tausang dawn kap masa pen ding a, tualai pan Ni, Kha, Aksi te bia nuam uh hi. Pasian' kammal sangin Ni biakna, aksite omdan, khapi omdan leh khutlam et khawng tawh mailam thu ding kan nuam zaw uh ahih manun nisuahna lam nitangva'ng azuan adelh uh na hi uh hi. Zodiac cih khawng horoscope cih khawng tawh mai lam thupiang ding sansatna in ong piangsakpa Pasian muanzawhlohna leh theihlohna hi-a, tua hangin Israel mite milim biakna zah a a pukna lianpi khat zong ahi hi.

Tu lai biakna sung khempeuh ah zong aki thutuak, kampau kibatpih zawdeuhten tua cih ni! tuam om ni! omkhawm ni..ni..ni..tua hi leh, ih deih ih ngiimna tangtung zaw ding pelem zaw ding hi, ci uh a, en tatak leng self-sufficient lungsim nei khinkhian na hizaw gige uh hi.

Babel tausang bel goltuak santuak ettaakcing khintuak mahmah leh kilawm hi.  

:5. Mihingte lamsa khuapi leh tausangpi a en dingin Topa hong paisuk hi. Ong paisuk tanghial hi.

 Bang dingin tuate en dingin Topa ong paisuk zawzen hiam? Vantung pan zong kimu lello hiam?

 

:6. Topa in, "en un, amaute minam khat hi uh a, amaute khempeuh in kampau khat nei uh hi.

Topa in, "en un, amaute bang? minam khat, kampau bangzah nei? khat. Minam khat, kampau khat, biakna khat based on pagan religion hipel mawh hamtang hi. Tulai thuthang danin ecumenism movement himailo dia. Grace Community Church pastor pa in bel ECT ci sese ven, telnop mahmah. evangelicals and catholics together. Leitung mite in biakna hita leh, politics lamah hitaleh kilungtuah ding pumkhat sakhat suah ding nakpi-in hanciam mahmah uh hi. Pau khempeuh namkhat a kizat theihna ding computer tawh hanciambawl mahmah uh hi. Pasian thehthangsa kua in gawmzotuan ding ahi hiam?  

:7. Topa in amaute kampau kitukalhsak hi. (kitukalhsak keileh e?) tulai taka van laizanga inn lamlamte mah tawh kibang hi.

Vantung ih tunnop leh, Zeisu up ding muan ding hizaw hi. Zeisu lo-in van ih kahnop hang kikahthei tuanlo ding cihna hi.

Thuhilhna 7:13. Pasian in a kawi-a a bawlsate kua in mamsakkik thei ahi hiam?

 

Tua tausang pen sanglua mahmah ahih manin atung anuai van kivaikhakna dingin relay taiban system zang uh hi. Leiseek kisam ungh ei', kultal puak to. Mawtaw hawlpa in a nungzuipa kiangah passenger vazong in ci, nungzuipa in toolbox sung  teng phetlek. Hitheinawn mahmah lo, thu le la khempeuh kitukalh manggawpin a tawpna ah khatlekhat kihehsuah sisan naisan kiluan lawh kikhen lawh gawpin a one world head quarter zumpi uh ki eknusiat hi. Kiphatsakna phawkna dinga kilam tausang pen haina phawkna Babel tausang in kiciamteh hi. Hih bangteng tawh ong kithehthang uh a, ahi zongin pawl khat ong teeng suak veve uh hi. Tua ong teengsuakteng in a khuapi uh Babylon ci uh a, Nebuchadnezzar kumpipa in uk hi. Daniel bu tungta ve hang e..Tua a tedaldal milim ii kham lutang pen Nimrod system aluah Babylon kingdom ahi hi. Pumpi leh kheme teng khempeuh lutang ii uk ahih manin lutang sung a khuak ii geel bangbang tawh a gamtang ding ahi hi. Pasian kumlo a geelna sepna khempeuh a tawpna ah kicim veve ding hi.

 

Babylon kicip genna: Maangmuhna 18:1,2. Tua khit ciangin vantung panin vantung midang khat a hong paisuk ka mu hi. Amah in aana a lian mah mah nei a, ama vang in leitung buppi a taan hi. Amah nakpi takin kiko a, "A lian Babylon khuapi kicim, kicim! Tu-in dawite' kua suak khinta-in kha gilote' omna suak khinta a, a kihhuai, a muhdah huai vasa namkim in omna-in neita uh hi.

 

Nimrod in Pasian' mun ah dawimangpa ong koihin Babylon pianna ding a kua Nimrod in ong petlet hi. Tuni tukhanghun a piang leitung mihingten zong Pasian' thuman Laisiangtho kammalte amau ngaisutna tawh kituak zaw tawh deihkaihin khekin sangkhai zawin zuih dingin nasia takin panla uh hi. Amau bawltawm leiseek leh kultar te zong khuapi tausang limtaka lamna dingin quality nasiathei mahmah hi.  Paunak 24:2  

 

Zeisu nungzui taktak Ama kammal Laisiangtho bek alen tinten Christian Pasian' tuuno te in bang hih ding ihi hiam?  

Maangmuhna 12:6. Leitungah a teng mi namkim, pau namkim a zang mite tungah a tawntungin Lungdamna ding Thu gen ding a nei vantung mi khat vankim lai ah a leeng ka mu hi. Amah nakpi takin kiko a, "Amah in mihingte thu a khen ding hun hong tungta ahih manin Pasian kihta un la amah phat un. Van leh lei, tuinak leh tuipite a bawlpa hong bia ta un," a ci hi.

 

Everlasting gospel thu nakpi takin tangko ding. Christian sungah zong hih everlasting gospel cik a kipan hi a, kua hiam a tangko masa cih sandan kilamdang lai hi. Pasian' thuman kammal a len tinten vantung mi thumte tangkote mah panla aa tangkoko pawlpi khat om hi. Hih pawlpi in Nimrod relay system thu pholhkhiakhia uh a, zuihsawm hetlo leh zuihkhakloh dingin warning piapia tangkoko uh hi. Hih pawlpi pen tanglai pek pana omsa hi a, tawlkhat sung gamlakah ong bucip hi. Tawl

khatkhit cingin ong pusuak leuleu a,    

 

:8. Vantung mi a nihna in hong zui a, "A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi," a ci hi.

:9. Vantung mi a thumna in nakpi takin, "Tua ganhing leh a lim bia-in a taltang ahih kei leh a khut tungah ciaptehna a ngah mi peuhmah in, Pasian' leenggahzu zong dawn dinguh hi.

 

Hih Leenggahzu tegel dawnnuamse lo uh hi. Tua pawlpi in kuate hiam? cih leh,

Maangmuhna 14:12. "Here is the patience of the saints, here are they that keeps the commandments of God and the faith of Jesus.

Jesus said," If you love Me, keep My commandments". hih te ahi hi.

 

Topa Zeisu in,"If you love Me, keep My commandments." cih pen Topa Zeisu in gupkhiatsa mite' tungah a nihveina ong kutkik ahi hi. Egypt gam ah saltan hunlai-a acih hilo hi. Gupna ngah nailote tunga a cih zong hilo hi.

 

Pasian' mite Egypt ah a tundan uh ngaihsukik dih ni. Joseph pen a sanggamte in zuakin Egypt ah ong tung hi. Egypt cih pen Maangmuhna 8 sunga mawhna gimna tawh kidimna mun lim la hi. Pasian in Amite Egypt panin bangci lakkhiat a, koici gup khiat hiam? cih a tomin suut pak leng,...

Joseph pen gentheihna namcin ong thuakkhit ciangin Pharaoh kumpipa zomah milian pen mun ong tung hi. Kumpipa in zong Joseph khut sungah tavuan khempeuh ap hi. Joseph innkuanpihte Egypt ong tun uh ciangin Pharaoh in Pasian' mite ong mu hi. Akhang khangin Pasian' mite ong pungin tampitak ong pha uh hi. Kum 400 bang ong hih tak ciangin Joseph leh Pharaoh thu ki genna ong om nawnlo hi.

Kumpi thak Pharaoh ong kahtak ciangin thulela ong kikhel hi. "hih! peuhmah banglo khat, ih hih kei leh, pianglo ding hi."

Pasian' mite sila, sal ong suak uh hi. "Pasian aw, kote ong mangngilh na hi hiam?" dahna kahna khitui bekbek Pasian' kiang ong zuanta hi.

Pasian in zong thakhat thu-in Moses ong teelkhia pah hi. Moses movie et kawmkawm in eee...Moses in Pharaoh kiang ah: "Pharaoh, God has told me to tell you to let my people go"..Pharaoh leh Moses ki kangkang.....

 

Moses zong gimna nam 10 tawh ong kuan. Hih gimna nam 10 ih tel leh, Maangmuhna 8 sung a gimna nam 7 ki telthei pan ding hi. Gimna nam 9 piang khin. A nam 10 na ding hita. "Pharaoh, tu ngawngaw teh let my people nong go sak kei leh, hih leitang tungah zankhat tu-in hagawina lianpi ong tung ding hi. Tacil khempeuh ki hingkhawilo ding hi, ngaihsun in! Pharoah ut tuanlo. Ki hih giapgiap takpi. hmm..hmm.. naa mah ei.....lawmlawm... 

Kongkhak khuamtunga tuuno si ahih kei leh, keelno si (Topa Zeisu sisan limla) a kizuutlo inn peuhmah kikoihkhonglo hi. 

Egypt gam pan Israel mite Gupkhiatna ngahna a bulpi "Sisan" hang bekbek ahi hi. Gupna ngah miteng Egypt paisanin khual ong zinkhia heethaat uh hi. Hotkhiatna a ngah manun lungdam kipaakin lamtawntung ah a lamlam aw, khuang tumtum aw, la sasa aw, ki ho kawmkawm a lam paipai aw, nak nuamlua mahmah uh hi. San tuipi bang a lamdangin ong kantan uh hi. Pasian' thupiak Pasian' ong sawl kong bianga tuuno sisan zuut ding, ih zuut man, Zeisu sisan hang bek a Pasian' hong gupkhiat, gupna  ngah mi ihi hi. Thukham 10 zuih man hi hetlo, Zeisu' sisan hanga gupkhiatna a ngah kuapawl kuapawl cih omlo ei Christian khempeuh ihi hi.

Tua ahih leh, Pasian in gupna ngah mite san tuipi a kantan khit uh teh Egypt ah ciahpihkik ahia? or koi lamah paipih hiam?

Sinai Mual ah paipih hi. Egypt ah ciahpih kiklo hi. Bang dia Sinai mual ah paipih hiam? Tua lai ah Pasian in Ama Thukham te pia hi. Thukham a piak ma-in Thuhilhkikna 5:6. "Kei pen salsuahna Egypt leitang panin note a hong paikhiatpih Topa na Pasian uh ka hi hi.

Cih Hehpihna hanga gupkhiatna ih ngah lam phawk masak ding ong gen khol masa hi.

Tua khit teh zuih ding Thukham 10 ong pia pan hi.

 

A gupkhiatsa hiven, bang dingin thukham piakbeh sese hiding hiam? Egypt gamah sal a nungta sakkiknuam nawnlo ahih man hi. Egypt gam ah a nuntak ngeingei tenguh Pasian deihna hilo ahih manin saved people te tungah gamtatzia ding a piak thukham ahi hi.

tua man mahin:

Jesus said,"If you love Me, keep my commandments".

 

Zeisu a itte bekmah in a thupiakte a zui ding uh hi.

 

Nimrod thu gelh leng ka cih hiven,