Dear Laisim mimal,
Azom te,
Mg 13:8-9. Leitung piancil limh a, Tuu no nuntakna laibu
sunga min kigelh te lobuang in, tua sapi nung zui uh hi,ci lai hi.
Maan mahmah tuak hi. Hindu te, Muslim te, Buddhist te, Sentoism te, Confucianist te,akua ci lo, Pasian thumaan mu a, Sabbath ciamteh na asaang te lobuang, tua sapi phuatsa sunday pen Holy day a azang khempeuh in tua sapi nungzui ahih na mal anei hi mawk a, huam kim hiau zen mawk mah hi. Tua sapi nung azuih uh ciangin anungzui lel tawh maimawk hi lo-a, amah Anaa apia gulpi bia suak uh hi, ci hiauzen hi.
Kum 1260 sung a Anaa liat hun laite in, ama thu bangbang
azui nuamlote abawlsiat na zia, adanpiakte pawlkhat en kik dih ni.
Holy Office-Zum siangtho ci-in Inquisition Office- Thusittel na zum
bawl uh hi. Tua zum ah amau bawltawm thu upna bang azui nuam lote sam uh a, thu sittel in, 'No cih bangbang kong mang ding hi,' acih kei buang leh akituak dan pia zel uh hi. Tua bawlsiatna te pen nisia thei mahmah hi.(1). Ni sagih sung dingden.din' loh-a phamawh, azadang ah zawlkhat, ataibu ah zawkhat, adekzang ah zawlkhat, tang-baan banga zawl kikhungte kalhelh in dingsak cih bang hi mawk hi, (2). Akhutme no cin taiteh tawh dokkhia, Thu mang ning acih nai kei leh, akhutcin abaan baan in, acin te teng abei dong a ut nai kei leh, aha tang te abaan baan in, tua ha teng abei dong asih nai kei leh, hallum. (3). Scaffold akici, kihing kalh thonginn lamtawm,anuai ah selkang,atungah mihallup ding te koih in, Procession ci-in,siangtho pumpi tawi sa in,khuasung ah mihon kizom detdat in vak in, mipi muh in, thunial te hal uh a,thakhat in lah kanglum zovet lo, ameikuang in akhawhtoh teh, akikingkalh te ah kahto in kia zel, tua siangtho pumpi tawite in en in muhnop sa mahmah uh, (4). Gunkuang taw suvang sim in, athah ding te uh
adim in tuang sak in, tuithuk lam manawh in hawl vingveng cih
khawng.(5). Dungeon akici leisung khuamial thonginn sung khawng ah sawt veipipi, an le tui pia lo in khumcip in, tua khit teh akikhel kik nopkei teitei leh,'Stake' kici kihal na khuam phung ah paipih in mipi muh in haltum cih bangte ahi hi.
Bang hanga tuazahta a,Anaa nei thei se uh hi ding hiam?.
AD 1073 pan 1085 kum kikal pope sempa Gregory 7 na pa bangin bishop zumte,Father zumte amikilawm na en lo in, sum sepna vive in nei in mite koih a, gam uk kumpite in ama gam sung zongh kuppih thei sak lo ahih manin Germany kumpi Henry 4 na pa tawh kisia uh hi. Henry 4 na pa in, biakna suanga mawhsutna sumte leh sumpi te ih gambup supna lel hi, ci in pope gamtat siatna akawk ciangin, pope in (Anathema)Excommunicated ci-in, pawlpi panin agambup khenkhia in, phungzite in nasem lo, phuisam lo sak hi. Misi aom ciang in ganhing si bangin bangmah phuisam om lo-in kivui hi. Mo kiteng a om ciangin letthat cih bang phuisam om se lo-in kiteng lel hi.Tua manin mipi hong lungkim lo hi. Ukpite (nobles) or (princes) aki ci te zong hong lungkim lo uh a,phungzite phuisam ding deih uh ahih ciangin,avek uh thukim na tawh pope laikhak uh a,"Ka gam uah hong zin inla, ka kumpipa ding uh athak khat teel in, phungzite in ka gam uah na hong sep kik nadingun, pawlpi sungah hong saang kik ta in" ci uh hi. Kithu za uh a, Ausburg khua ah kituah kim dingin kiciam uh hi. Pope Gregory hong zinto a, Canosa khua-a Ukpi inn Castle sungah zintung hi. Tawlkhat taam tadih hi.(Castle ukpi inn te pen, Mandalay Nandaw banga,kulh leh tuili tawh ki-um te hi.) Ausburg khua tung tanghial leh, kumpi thak ding teel ding uh a,Henry zakia ding hi ta hi. Henry 4 na pa zong manlang in hong pai a,akumpi puante silh lo-in, puan zang-khai mahmah te silh hi. Canosa-a Ukpi inn kong gei ah hong ding hi. Kong cingte kiangah"Pope tawh ka ki muthei pak dinghiam va dot sak un" ci-in dong hi.A va dot uh ciangin, kimu thei mah ding hi,ahi zongin man nai lodeih ahih ciangin tawmvei na ngak lai hen,cih hong gen uh hi. Tawmvei khit teh hong samsak pah ding lam en ahih manin,hun tomno zongh konggei lawi ngam lo-in ngak hi.Germany gam khuadam lua, vukkia in pi 1 pi 2 bang sah thei hi. Sun leh zan cilo, kong gei ah kumpipa in, puan zangkhai bek silh a, lukhu zong omlo, Sun 3 le zan 3 tawntung ngak hi.Vukkhal tungah ding pai suak in,si lo tei hi. Atawpna ah, hong lut ta hen,cih thu ngah, va lut in, pope mai ah zahtakna lianpu tawh kun in va thuum hi. Pope zong Ausbury zin suak lo-in, Canosa panin ciah kik a, Henry zongh akumpi za kia lo in ciah kik hi. Tua tang thu en leng mipi
tungah pope in Anaa aneih theih zia kimu lel hi. Banghang hiam cih
leh,gulpi san in, atokhom, aAnaa teng ap hi. Mg 13:4.
Hih zah a, pope Anaa liatna pen kum 1260 sung ki zom a, AD 538
kum pan in 1798 dong, " Dark Ages" akici khuamial khang hun sungteng hi pah hi. Ama liatpen hun sungteng pen leitung bup adingin khumial pen hun suak hi. French gam kumpi Napoleon in Izipt gam sim dingin galkap Division khat Gen, Belthier makaih in pai a, alamdung ah Rom khuasung Feb 10, ni in lut uh hi. Feb 20 ni in pope pivs 6 na pa man khia uh a, agam uhah Pisa khua ah thong kia in khak uh hi.Tua thong panin Valence khua thong ah piang sak uh a, 1799 kum August kha in thongkia hi laitak in si hi. Tua panin pope Anaa lianlua hong bei hi. Ahih hang Mg 13:3 ah, sapilutang sidektaka liamma neipen dam kik hi, ci lailai hi. 1929 kum in, Mosoloin (Italy) kupite in,pope thakte tungah pope lukhu ngei piakik uh hi. Mg 13:11,12. Tua khit ciangin Tuu
no bana kinih nei, gulpi banga pauthei sapi khat leilak pan hong
pusuak ka mu hi. Amasa sapi liam maa nei pen puhakik in,leitung mi
khempeuh bia kik sak hi, ci leuleu hi. Hih sapi pen, 1798 kum lai
in,tuu no banga moilai, tuu no bang a migiit tuak, tuuno bang ki 2 nei
ci hi. Tua hun lai a, migiit tuak amoilai gam America hong dingkhia
thak mah hi. Amasa sapite tui sung pana hong pusuak hi ci-a, tui mihon omna sa pana dingkhia kumpi genna hi. Tu a pen leilak pana hong pusuak hi a, miteeng nailo gamthak kisat America gam ahi hi.Tuu no banga amigiit tuak na pen, Democracy ngeina nei mipi suahtakna ahi hi. Ki nih aneihna pen, avangliatna tawh, Biakna suahtakna leh leitung ki-ukna suahtakna ahi hi. Utpeuh bia thei,ei deih peuh ih kumpipa ding teel thei suahtakna nei gamthak ahi hi. Ahih hangin Gulpi bangin pau thei hi, ci leuleu veve lai mawk hi. Bangci bangin gulpi bangin pau veve mawk hi ding hiam?.
1947 kum, galpi 2na khit zek in leitung bup mikisim na om
hi.Sengam bek ah, Baptist te bek, pawl ding te pa nai lo, sangmang
bebek 800 val pha hi. Pawlpi khempeuh ih leh, leitung bup ah America
in bang bangzah puakkhia ding hiam kigen zolo hi, Tua te in, Topa Jesu
min suang mah in thu ngen uh a, thu hilh si-sek uh hi. Ahih hangin RCM
te phuatsa sunday vive mah tang sak uh hi. Tua sunday ni pen, nipikal
sung ni 7 ni mah asa kha hon niloh ih hi ta zen hi.Ih khamtung
sangmangte in bel, sunday ni pen, nipi kal sung ni 7 ni hi, ci-a a um
uh hi lai phot meek hi. Tu in bel, SDA te in hong telkhilh uh ciangin,
aneu alian pau in, sunday ni pen Nipikal sung nimasa pen ni, Topa
galzo a athawh kik ni,thupi pen hi, kici laklak ciat sam hi. Tua bel,
thumaan ih theih tel ciangin ih zuih toh zel nop loh mana, ih din'mun
lui zuih tentan nopna bek tawh ih behlap tawm hi a, Khristian thu ih
zaak tuung taktak in, Sunday pen, nipikal sung a ni 7 ni hi, ci-a a um
vive ih hi zaw hi.
Sapi masa in Gulpi pau-a apaunate lakah, Sabbath ni pen Sunday
tawh alaihna leh thukham nambat 2 na aphiat na, nambat 10 na aphelkhap
nate pen amalgol pawl ahi hi. Asuksiat dingteng susia khin a, alaih
dingteng laih khin in,amah pen sidektakin liam na thuak a, ama thu in
bangmah huusia nei zo nawn lo hi, Tua hi napi kimlai, Sapi 2 na
America in, leitung bup mihing teng hilhpil in, Pasian maan bia sak
ding aki nei in, Sapi masa gulpi pau-a apauna takh,sunday tan'na tawh
Pasian bia sak helse zen hi. LST sung siksanh ding mun khatbeek lah
omlo ahih ciangin, deihkaih tawm in, Topa in galzo a hong thawhkik ni
hi,cih kipaulap san mawk hi. A tatak in cileng,makai te in,"Ih nipi
kikhial hi,"acih beibai zawzen ding uh ut lo uh a, pil lopi apil mah
hih ding ut, thei lopi, athei mah hih ding ut uh ahih manin, athu
heiei in deihkaih in,Sunday ih tanh hangin phamawh lo ding bangin
mipite hong um sak mawk uh ahi zaw hi.
Laisim mimal Topa'n thupha hong buak suk hen..
Zoplai ding.
Kimnu/nunu
No comments:
Post a Comment