Pawlpi 7 te thu, Mg 2,3 sung, Pawlpi 2 na,

Dear Laisim mimal,

Azom te,

Pawlpi 2na Smyrna. Mg 2:8-11. Smyrna akhiatna pen Namtui cihna hi a, ahun in AD. 100- 313 dong huam hi. Banghangin tua hun-a pawlpite min dingin Namtui cih khiatna nei khua min kila se hiam? cih leh Rom kumpite in Khristiante nakpi in bawlsia uh a, taangpi siatna lian kialpi, natpi haksa khatpeuh om leh Nero te khawng bawlsiat mah bangin kibawl ngitnget hi. Diocletion kumpipa bangtein, atawp madeuh kum 10 sung nak khelbawl lua a, hilhkholhna sungah ni 10 sung athuaksiat-phadeuh nading uh na kigenkhol hi. Diocletion a tawp ciangin, Rom zumpi a thuzeekpipa Milvian Bridge leh England province a galkap General Constantine; kumpi suak dingin ME hong kituh uh hi. Constantine penniansiam zaw ahih manin, akibawlsia tawntung Khristiante hopih sim a,"Kei, ME nong piak uh a, kumpi kangah leh, Khristiante kong bawl siasak nawn kei dinghi," ci-in khaam hi.

              Tua hun ma te in Khristiante kinaak-bawlsiat lua ahih manin, tua bang thupha akhaam pa pen ME pia uh a, kumpi hong ngah takpi hi. Edict of Milan, kici AD 312 kum ciangin Khristiante bawlsiat nawn loh nading Amengh thoh hi. Tua bawlsiatna a om nawn loh ciangin bel, pawlpi upna leh zuihna akisia ding hong hi leh bung zaw a, tua masiah teng pen, pawlpi min Namtui hihna in huam zaw hi.

               Amasa bel leh anunung bel ahi, sihna thuaka ahingkikpa in, Hau npi-a zawnkhalna athuak pawlpi, Satan pawlte hong bawlsiatnate kong theih pih hi, ci hi.

Hansuahna. Nangmah in sihna na thuak dongin kip in, Tua hi leh nuntakna lukhu kongpia ding hi, ci hi.

Khapna. Azomi, Nehvei sihna ka sukha sak kei dinghi, ci hi.

LST. Tua hun in zong, Grik pua ciang bek in om a, paudang in kitei sawn nai lo lai hi.

Aciamtehna.Mg 6:3,4. Tua hun-a pawlpi te sakol san tawh ciamteh hi. Banghang hiam cih leh, pawlpi upna leh zuihna hong palau semsem ta a, Rom kumpi lawki te Ni-pasian biakna ni Sunday ni pen, No Khristiante' Topa sihna pana athawh kikna ni hi, pawi bawl un, peuh ci in, Sunday thawhkik pawi peuh bawlsak in, Khristian sung hong lawh pian ta hi. Sakol tunga tuangpa, mite kithah sak theihna namsau khat kipia hi, ci hi. Hih thu hangin pawlpi thu mah tawh thumaan alen cinten nuam pawlpi mite mah hong kithat hun hong tung ding hi, cih na hi.

                 Laisim mimal khempeuh Topa'n tel siam na hong pia ta hen.

Zoplai ding,

Lungdam

Kimnu/nunu.