Dear Laisim mimal
Azom te,
Mg 13:16,17. Leitung mi khempeuh, Sapi leh aciam tehna ataltang hiam akhut tung hiam ah nei sak hi. Tua ciamtehna nei lote,sum zuak thei lo, leithei lo ding hi,ci hi. Tu in zong,vanleina laibu lo-in bangmah kilei thei nawn lo hi, Sunday thukham hong khauh hen la,kumpi Anaa zat hong hi leh,tua thu atun' nading baihlam mahmah ding hi.
Mg 13:18. Lungsim nei mi peuhmah in, Sapi nambat tuat ta hen.Tua nambat in 666 ahi ding hi,ci leuleu hi. Tua nambat muhkhia nadingin tuat zek kul ahihna lak hi. Amau pawl sung panin bel,pope masa pen Piter hi mot cih tei na ve un, tua belhi lo hi. Pope cih min apua masa pen, Leo 1 na pa hi a, AD 440 pan 461 dong a uk pa hi. Pope zaliatna cial 3 pha lukhu akhu masa pen Nicholas 1 na pa hi a, AD 858 pan 867 dong a uk pa hi. Banghang a,lukhu cial 3 pha sak sese hiam cih leh, Vantung Pasian kiang,Leitung,leinuai hansung donga Anaa nei pa,cih na hi. AD 1198 pan 1216 dong pope asem Innocent 3 na pa in, tua lukhu tungah minphatna lai gelha, VICARIUS LILIIDEI ci hi. Tua lai kigelh akhiat na in Pasian Tapa ai-awh, cih na hi.A lukhu in,vantung,leitung,leinuai cihna na nei khin a, tua mun tenga Pasian Tapa Ai-awh,cih mawk ciangin pope in tua lukhu khu sa in Vatican Biak innpi sungah hong tut ciangin, 2Thes 2:4 ah,Biakinn pi sungah tu in, "Keimah Pasian ka hi hi," hong ci ding hi,acih pen, bangzah takin maan hiam?Kituak zen mah si! Tua vicarius filii dei pen, Latin pau hi a, Latin nambat mah tawh tuat leng, V-5, i-1, c-100,a-0, r-0,i-1, v-5, s-0, f-0, i-1, L-50, i-1, i-1, D-500, e-0, i-0, gawm 666 lian lian cing kha mawk se zen sam hi.Tua minphat na asuan'cil in, tua nambat tawh akisi kha teekteek ding sa leh zong, suang khol lo sam ding hi.Hilh hilhkholhna te maan takin tunga,kisi lianlian hiau mawk a muh uh ciangin, tua nambat akisi thei ding dang bawlbawl zong zong uh a, Daw Cin Khup zong 666 pha thei hi, ci uh hi.Ahih hangin tua 666 bek Anti-Khrist a hih na teci hi zenzen lo-a, Anti-Khrist in asepkhiat ding na tampi a om hi mawk a, tua nambat 666 tawh akisi ta mawk zongin tua asepkhiat ding dangteng asemkhia hiam? Ih et kul ding hi. Tua baan ah, Mg 13:18 a, nambat 666 neiding pen,numei hi ding,ci lo a,"It is the number of a man",pasal khatpeuh nambat hiding,ci ahih teh, numei kici thei lo hi.
Tua Anti-Khrist hi,cia ih kawkkhiat te nasepna,a bawlkhiat te uh LST genkholhna tawh akituak lianlian, ahun,amun athu te hih anuai abang hi.
1.Pasian gensia,(Mihing in Pasian ai-awh thei ci-a Pasian pen mihing cia banglela bawl)
2.Mi siangtho te that.(1260 kum sung,misiangtho te maknga val bang that takpi uh hi.)
3.Hunte laih.(Nipi ni laih a, sun le zan kikhen na zong laih uh hi.)
4.Thukham laih.(Thukham nambat 2na phiat a, 10na phelkhap, 4na Sabbath zong sunday tawh laih uh hi.)
5.Kum 1260 sung sawt Anaa lian.(Mihing khatpeuh kia tua tan nungta thei lo.)Hi sungteng, Dan 7:25 a, agenkholhna hi a,adangte anuai ah ensuk lai ni.
6.Babylon pana kilaih suksuk kumpite a 4 na pana hong pusuak ahih kulding hi.Dan 7:7,23 kumpi dang khat pepeuh Babylon pana kumpi 4na hi tawm thei lo, bulhtawm theih hi lo hi.)
7.Kumpi 4 na te tungpana hong pokhia kumpi 10 te laka 3 botkhia te hi, ci hi.Heruli,Vandal,Ostrogoths teng thum zogawp a, papal state asuak sak,Dan 7:8,24.Rom te pope mah hi.
8.Bethlehem-a naungek that.Mg 12:1-5; Mt 2:16.Rom kumpite hunsung mah hi zel.
9."Hiah Khrist om hi, huah om hi."acite. Mt 24:23-24.'Katolik pawlpi thu' Thumaan na zon'nop leh,cih laibu no, Shwemaanguint Press, Mandalay pana kikhen laimai 9 na ah, 1954 Dec 2 in Topa Jesu in pope pivs XII na pa kiang hawh hi,ci uh hi.Jesu hong pai ciang leitung liinga,zinlingpi pianga, keek kia in, vanging in, minamkim te lau in kap hi. Mt 24:30. Meei laka hong kumsuk mittang khempeuh in um ding,Mg1:7
10. Biakinnpi sungah tu in, "Keimah Pasian ka hi hi,"ci ding hi. 2Thes 2:4( Tua banga ci midang om lo-a, pope in lukhu tunga minphatna Pasian Tapa Ai-awh,ci-a kigelh pen khusa in, Vatican Biakinnpi sung ah tu ngei bek hi.)
11.Paul in,Ama hun in tua nasepna kipan khin hi,ci hi.2Thes 2:6.(Zi neih loh ding,Friday day sisan nei sa nek loh ding khawng, tua hun in Gnostic pawlte in na pankhia khin a, tua te upna panin RCM pawlpite in tu dong in zomlai uh hi. 1Tim 4:1-5).
12. Ama nambat 666 hi ding hi. Mg 13:18.(Hih pen,numei nambat hi lo-in pasal nambat hi.)
13.Puantual silhte hi.Mk 12:38.(Kuate in puantual silh uh hiam?).
14.Midangte in 'pa' or 'Topa'kici sak uh hi.Mt 23:9-10.Jesu in, Kuamah "Pa" na ci kei un,vantunga na "Pa" longal uh pa dang omlo hi,"Kuamah Topa na cikei un, na Topa khat longal uh Topa dang omlo hi,"ci-in hong na vaikhak hi.
Hih atunga ih kankhiat thuteng tawh akisi linlian ding,gam khatpeuh ahi a,mi minthang khatpeuh ahi , Bulh thei minthang khatbek om lo hi.Ih gen na te maan hiam maan lo hiam cih zongkhia inla,amaan zaw mu lo a, hih mah amaan ahih leh, khentel inla,ama nung zui kha ken
Laisim mimal Topa' thupha hong pia hen..
zoplai ding..
Kimnu/nunu
No comments:
Post a Comment