Dear Laisim mimal,
Azom te,
Pawlpi 4na, Thyatira.Mg 2:18-29. Hih pawlpi min Thyatira cih pen akhiatna, Kithoihna cihna hi. Ahun in 538-1792 ciang huam hi. Meikuang bang mittang nei, sumngo tak bang khe nei Pasian Tapa thupiakna in,"Na gamtatna, itna, upna leh na thuakzawhna te ka thei hi. Ahih hangin kamsang numei Jezebel na nial kei hi. Tua numei akisik kik nading hun ka piak napi in kisik nuam lo hi. Tua numei tawh amawh te alupna tungah gimna ka pia ding hi."
Hun hun-a pawlpite amin uh bang hangin'Kithoihna' cih, hi mawk hiam cih leh, RCM te liatpen hun sung hi a, Pawlpi thu upna sungah Lawki ngeina teng hong lut ciangin tua a kihelzau, amaan nawn lo upna pen azuih pih nuam lo pepeuh in'Heresy' ci-in mawhsakna thuak uh a, ama upna adingin anuntakna piak kul zel ahih manin abiakna uh adingin kithoihna-a kigo suak pahpah uh ahih manin apawlpi min dingin Kithoihna cih min na pia hi.
Kamsang numei ka hi akici jezebel pen, tanglai Isreal kumpi Ahab zi hi a, aminambup Pasian kiang pana alampialsak nu mah tawh kibang in hih Papacy power in Pasian Tapa taang a ding ka hi, ci-in Khristian buppi Pasian kiang panin lampial pih hi. Amah tawh mawh acih te pen, Upna maanlo hong lutpih te azuihpih teng ahi hi. LST tawh kibang lo, Sunday tan' na akipan upna maanlo RCM te phuatkhiat tawm khempeuh te laka thukhat pepeuh azuihpih lai pawlpi te in tua numei tawh amawh hi-a, gimna lianpi ka pia ding hi, ci hi. Note khempeuh na gamtatna bangciat uh kong thuk ding hi, ci hi.
Hansuhana. Thyatire khua-a omlai mite van dang kong suan kei dinga, na ngahsa uh thute kiptakin len in, ci-in kong sawl hi. A pawlpi bup in Dawi kiang zuan zaw ta uh ahih manin, a omlaite acih ciangin thumaan ah akiplai, thumaan azong lai om sunte (Reformation) Biankna puahphatna hong om ciangin tua akimukhia thumaan te ah kip takin ding in len cinten dingin hansuah hi.
RCM pawlpi in amau phuattawm upnate azuihpih nuamlo pepeuh siakmang sawm uh a, bawlsiatna anamnam tawh nasem uh hi. Inquisition office ah thusit in, thunial (Heresy) peuhmah bawlsia uh hi. Japan gal lai-a Mangpipa Inada sapna akingah cianga,"Eh! bang ahi ding?" ci-a khuadak pah liplep te bangin Inquisition office pana sapna a om nak leh, bang hiam khat, anoplo ding om hi pah hi. Thu nial pawlkhatte, taiteh tawh akhutcin khat dawk khia in, " Na tawkik diam?" ci-in dong in, "tawkik lo ding," acih leh, abaanbaan in akhutcin te dok khia in, acin teng abei teh atawkik nai kei leh aha te botkhia leuleu in, atawpna ah, asih nai kei leh zong, that veve uh hi. Tua banga bawl ding amilon tampi ahih leh, malsit ding haksa a, alompi in ippi sungah guangguang in, Tembaw tawh pua in tuipi sungah gamlapi tuithukna dong pua in, vanleng laisen khiat bangin khia, cih khawng, hi thei hi. Ami minthang gol zawdeuhte, John Huss leh a lawmpa Jerome bang bel amimal in sit in, ahingtang in mei tawh hal uh hi. Tua hi a, upna maan len teitei nuam peuhmah in aupna uh ading in apumpi nuntakna uh asih kul ahih manin tua hun-a pawlpite min dingin KITHOIH-NA ci-a khiatna nei khua min la in, pawlpi min in bulh sa k hi.
Khapna. Keima gamtat bang hong zui-a, atawp dong akip, A ZO MI, mipawlte tungah Ukna Anaa ka pia dinga, Keimah in ka pa tung pan ka ngah sik ciangkhut tawh a uk ding hi. Zingsol zong ka pia ding hi, ci hi. Hi letsongte ih et ciangin Gupna ngah veve ahun hun-a thuakna tawh kizui in aletsong ngahte uh zong kibang lo ciat hi.( Zingsol cih ciangin galkapte palikte bawk suan tawh kivalak mahmah hi.)
Ciamtehna.Mg 6:7,8. Hih hun-apawlpi te Sakol-puang tawh ciamteh hi. Sakol tungtuang mi min in,'sihna' hi a, Hell gam tawh ton hi. Leitung seh 4 suah seh 1 te,namsau, kialpi, leh pul natna tawh athah theih nading thu, Sapi tawh Anaa ngahkhawm uh hi. Sakol-puang cih pen in, upna kisia bek zong hi lo in, tua siatna in Pasian mite bawlsia ta hi. A tungtuang mi pa min'sihna' hi a, Hell tawh ton hi. Kha 42 cih ahi zongin ni 1260 cih ahi zongin bawlsiatna kizom ding pen, Papal Rom te Anaa hi a, Hell tawh ton in, amau thu amang lo, thumaan deih misiangtho te, 50,000,000 val bang amau khut lum in si hi. Pocket Bible Handbook. HHH.636. Tua mithahna Anaa angah khawmpih uh Sapi acih pen, Anti-Khrist subject ah kimtak in ih gen khin hi. Hih pope Anaa pen, French kumpi Napoleon in General Belthier leh galkap Division khat Izipt gam sim dingin sawl-a, anawksukna lamdung uah Rom khua sungah Feb 10,1798 kum, lut in, Feb 20 ni in pope Pivs 6 na pa mankhia uh a, Pisa khua thong ah puak uh hi. Tua khit ciangin Valence thong ah piangsak uh a, kum 1 1/2 ciangin thong sungah si hi. Tua ciangin pope in a mi thah theih ziauziau na Anaa pen bei-a, hih Sakol-puang hun abei hi ta hi.
Zoplai ding
Lungdam
Kimnu/nunu.
No comments:
Post a Comment