Anti-Khrist-Khrist Zuau,Khen 6.

Dear Laisim mimal,

Azom te,

Ihgensa te pen, Sapi masa pen hi.Sapi nihna kinih nei pen leh tuate milim acih hong om lai hi.Mg 13:14-15 ah,tua sapi milim bawl dingin leitung kumpi Anaa tawh hong kivaihawm ding hi,ci hi. Tua sapi nung zui a, amilim abiate, akua ci-lo in, Kaat teh mei tawh kihal ding hi,ci hi.Mg 14:9-11.Tu in Sapi ih theih khit ciangin amilim acih pen bang hiam ih theihtoh lai kei leh ama nung mah kizui veve mawk kha leh, kat le meilipi sungah thuak khawm veve kha zenzen ding hi hangh.

Amilim cih pen, Mg 13:11. Sapi khat Tuu no banga migiit tuak napi gulpi banga pau hi,acih pe'n nungzuite ahi hi.Ih gensa Pasian thukham 10 te vantung panphet-a aphiat sak nuam Satan in, leitung ah zongh tua thukham mah langdopi in na nei lai a, Pasian bia a kineite hi napi in a thukhamte laka Amah Pasian maan pen kidawk sak Sabbath penpen na laih sak hel se in, tua tawh leitung buppi in anung zui sak thei se zen hi.

Pope pius XII na asih ciangin,pope John XXIII napa in laih a,1959 jan 25 zingsang 11 AM, laitakin alukhu ngahna pawi kibawl hi.Leitung bup panin kumpi tuamtuam 70 val bangin pahtawi in lawmpih uh hi. Cardinal Bea in alukhu apiak ding laitakin,"Tawmvei na ngak lai dih in,"ci-a,"Hih lukhu ka ngah na in, leitunga ih ta taimangte khempeuh ka kaihkhop kik zawh nadinga Pasian hong piak hi ta hen. Ecumenical Council ka sam dinga, leitung buppi Bishop khempeuh ka delegate ding hi. Protestant sunga makai pi khempeuh te zong Observer dingin ka sam ding hi.Tua lai ah, ei Pasian maan bia khempeuh ki-it na, vaihawm khawm theih na, a om na dingin ka kikhuppih ding hi.tu in ka lukhu hong pia in"ci in,alukhu la phing hi.

Vatican Council (2) akici,leitung buppi kikhop sam takpi a,tua lai ah Protestant makai pite zong hong kihel uh hi.Gualnuam thei mahmah uh hi.Leitung bup a Methodist te makai pipa, Philadelphia pana hong pai Bishop Fred Pierce Carson bangte, pope John XXIII na pa in,Medal hoihpi khat pia pongmawk a, amah'n zong, "Ka neu nungsanga kikhop ka pai ngei na khempeuh lakah nop ka sa pen hi"ci zaw zen hi. Nov 22,1962.R&H.p.9. Tua hun laitakin Protestant te sungah zong kipawlna nakpi-a avaihawm laitak uh hi a, World Council of Churches (WCC) ci in, kiphuan apicing ta ahi hi.Hih WCC kipawlna pen,1948 kum in Holland gam Amaterdam khua ah,akikhop pi masa pen kinei a, pawlpi tuamtuam 147 thakhat in lutpah hi.Kikhop pi nihna, Evanston khua, America ah 1954 kum in kinei leuleu a,pawlpi tuamtuam 174 lut hi. Kikhoppi 3 na, New Delhi, India ah 1961 in kinei leuleu a, pawlpi tuamtuam 197 phato ta hi. Tua lai ah,pope in zong kusale khah ta hi. Tua akipan in, Sapi masa leh amilim te kipawl na mainawt mahmah hi. Kikhoppi 4 na pen, Uppsala khua Sweden gam 1968 kum in ki nei leuleu a, pawlpi tuamtuam 238 phato ta uh hi. Tua panin RCM le protestan kipawl theih nadingin Joint Working Commettee kiphuan a, RCM panin mi 6 leh WCC panin mi 8 ki gawm 14 Committee ki bawl hi. RCM panin, Mgrs Joseph Baker, Henry Davis, Father Emmanuel Lanne OSB, Father John Long,SJ.,Father GeorgeMejia leh Father Thomas Stransky,CSP te ahi uh hi.WCC panin, Bishop THomas Mar Athanasios, Canon John Findlios, Prof Nikos Nissiotis, Pastot W.Norgren, profAlbert Outler, profJKS Reid, Bishop Karenkin Sarkissian, leh Pastor Lukas Vischer te ahi uh hi.

Hih Committee 14 te in RCM pana upna kipuahpha thei teng leh WCC pana kipuahpha thei teng phiat in ahi zongin khanh in ahi zongin,ki pum khat theih nading vaihawm khawm uh hi. RCM pan bangin FRIDAY ni a, sisan nei sa nek lohna leh pawldangte tawh kiteen' loh na phiat uh hi. WCC panin sunday mah tan veuvau ding thukim uh hi. Tua abawl thute pen uh LST thu zong ahi het lo, phuahtawm pawlpi ngeina pongmawk vive te ahi hi.Hilhkholhna in, Amaute lungsim kibang asuah theih nadingin thu ngah uh a,agam uh Sapi tungah ap ding uh hi. Mg 17:13 ci hi.LST zong vekpi a kitaang thei dingin taangpi zat laibu in bawl ding,ci uh hi.Uppsala workbook,114,115,120. Sapul omna peuh ah musane te hong kikhawm dinghi. Mt 24:28. Ih Pasian LST bu, ahing, anungta,nuntakna thu anei pen, a ut bangpeuh in heii uh a, laibu si suaksak in,tua a sikhin a uih ne dingin pawlpi a zalom lom in kigawm uh hi. Eph 4:14,2Pet3:16.GC 445,507,558.

Kikhoppi 5 veina, Nairobi,Kenya, Africa ah 1975 kumin tung sak uh a,tua lai ah pawlpi 275 pha ta hi. Pawlpi bek zong hi nawn lo in, Hindute, Budist khawng zong kusale hong pai ta hi. Amau kipawlna mun ah,Hindu hi te leh,Budist hi ta leh,kipawl thei kha mah ding hi. Banghang hiam cih leh,amaute avekpi un sunday holy day deihte hi uh a,Khristian se lote in zong sunday holy pen aneikhol sa kinken te hi ciat lel uh hi. Ni tawpni ciang Gupnangah ding leh Hell akikhul ding pawl 2 bek pha dinga, Sabbath tawh akiciamteh selo te Sunday tawh akiciamteh te hi ding uh hi. Sunday tawh ciamtehna ah Khristian selo te zong akihel khinsa mah ahi uh hi. Tu in na om na mun kisittel in Mg 14:9-11 ah, sapi leh amilim leh, aciamtehna,ataltang tung ahih kei leh,ataklam khut ah anei mi peuhmah, kat le mei tawh kibawl ding hi.ci hi.

Sapi ciamteh na nei te pen, ataltang leh a taklam khut ah, ci hi. Ataltang a ciamtehna nei te pen, RCM pawlpi mite in,pope in Pasian Tapa aw-awh hi a, Sunday ni pen zongh, pope in akhek ahih naak leh, Pasian thkim lel ding hi, ci-in um uh ahih ciangin,ataltang ah akhuak in a upna tawh tua ciamtehna anei suak uh hi. Ahih hangin Protestant te leh hih biakna gamla mahmah Hindu, Budist cih bang pawlte in,tua ciamtehna sunday aneih na pen uh,"pope in, Pasian thukham kheksak thei hi," aci hi tuan lo in, leitung te in na zangh lua khin ahih ciangin,nipikal sunga ni khat tawlngak nadingin kilawm pen sa pongmawk in,adeih in deih himhim uh a, ME lak na ah sunday lam mah apia dingte hi uh ahih manin, ataklam khut tungah tua ciamtehna angah uh suah hi.

Pasian ciamteh na angah te leuleu ahih leh, ataltang tung bek hi a, ataktam khut cih bang om tuan nawn se lo hi. Mg 7:3 en in. Banghang hiam cih leh, leitung bei kuan ciangin aminbek tawh Pasian bia akinei pawl tam mahmah a, ahih hangin Pasian it na takpi tawh abia,bia-tak leh bia-khem kideidan na ding in Mg 14:6-12 ah, Pasian in vantung mi 3 te,vau-na tang ko sak hi.Tua tangko na pen Sabbath thu tang ko na hi a, Pasian it taktak te, maizum na,zahko na athuak zong athuakpih ngamte in, tua Sabbath pen LST sung thu hi zaw mawk mah hi,ci-a amuh uh ciangin hong pai khia in,tua upna tawh Pasian ciamtehna hong ngah uh hi.Sanggam aw, nangzong atua te lakah na kihel kha hiam, tu in sittel in. Nidangin mite biakinn kah a, nang zong kah,mite in ne a, nang zong ne na hih lel khak leh, tu in kisittel na ding hun hoih Pasian in hong pia lai hi. Kong kawcik-a mi tawm alut hangin Pasian ciamteh na mah nei zaw leng, atawpna ah kihampha zaw ding hi.

Khatve sim in natel zawh kei leh, Thungen in la sim kikkik in. Topa' tel siam na hong pia ding hi.

Laisim mimal Topa thupha hong buak suk ta hen..

Kimnu/nunu